Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarráðs, Strandgötu 6
Einnig sátu fundinn Haraldur L. Haraldsson bæjarstjóri og Sigríður Kristinsdóttir bæjarlögmaður og sviðsstjóri stjórnsýslusviðs.
Hrafnhildur Halldórsdóttir og Hrafnhildur Ýr íbúar í Setbergi koma á fundinn.
Sigurður Haraldsson sviðsstjóri umhverfis- og skipulagsþjónustu kemur á fundinn.
Bæjarráð tekur undir áhyggjur íbúa í Setbergshverfi sem komu fram á fundinum um að umferðarþungi á þeim hluta Reykjanesbrautar sem liggur í gegnum Hafnarfjörð sé orðinn óásættanlegur og ógni öryggi vegfarenda. Bæjaryfirvöld munu óska eftir viðræðum við ríkið að um úrbætur verði gerðar þarna á hið fyrsta.
Lagt fram bréf frá Björgunarsveit Hafnarfjarðar dags. 24.jan.sl. þar sem óskað er eftir endurskoðun rekstrarsamnings/þjónustusamnings vegna björgunar- og slysavarnarmiðstöðvar Hafnarfjarðar.
Sveinn Þór Þorsteinsson, Júlíus Þór Gunnarsson og Gísli J. Jónsson fulltrúar Björgunarsveitar Hafnarfjarðar koma á fundinn.
Bæjarstjóra falið að fara í viðræður við fulltrúa björgunarsveitarinnar.
Til kynningar og umræðu.
Drög að heilsustefnu Hafnarfjarðar og aðgerðaáætlun liggja nú fyrir sem starfshópur hefur unnið að síðustu vikur og mánuði. Stefnan verður tilbúin til samþykktar um leið og rýni á henni hefur farið fram. Stjórnendur Hafnarfjarðarbæjar hafa þegar fengið kynningu á stefnunni og liggja athugasemdir og ábendingar frá þeim fyrir. Á tímabilinu 27. janúar ? 6. febrúar mun stefnan fara í rýni hjá öllum starfsmönnum, íbúum og öðrum áhugasömum. Stefnan verður birt á heimasíðu og samfélagsmiðlum Hafnarfjarðarbæjar og verður kallað eftir athugasemdum á netfangið: hafnarfjordur@hafnarfjordur.is
Kynning starfshóps á jafnréttisstefnu Hafnarfjarðarbæjar. Framlögð jafnréttisstefna lögð fram til samþykktar.
Berglind G. Bergþórsdóttir mannauðsstjóri kemur á fundinn.
Bæjarráð samþykkir framlagða jafnréttis- og mannréttindastefnu með áorðnum breytingum og vísar til bæjarstjórnar til samþykktar. Jafnréttisstefna var samþykkt 2007, uppfærð 2011 og nú aftur 2017.
Tillaga til bæjarráðs að samþykkja að allir þeir sem hafa starfað hjá Hafnarfjarðarkaupstað lengur en 25 ár fái starfsaldursviðurkenningu.
Berglind G. Berþórsdóttir mannauðsstjóri kemur á fundinn.
Bæjarráð samþykkir að allir sem starfað hafa hjá Hafnarfjarðarkaupstað lengur en 25 ár fái starfsaldursviðurkenningu.
Lagður fram til afgreiðslu kaupsamningur við FH um kaup á hluta af Risanum og Dvergnum.
Viðar Halldórsson frá FH og Geir Bjarnason íþrótta- og tómstundafulltrúi koma á fundinn.
Fram kom á fundinum að fyrirliggjandi samningsdrög væru sameiginleg niðurstaða eftir viðræður fulltrúa Hafnarfjarðarbæjar og Fimleikafélags Hafnarfjarðar.
Bæjarráð vísar fyrirliggjandi samningsdrögum til afgreiðslu í bæjarstjórn.
Lagt fram bréf Knattspyrnufélagsins Hauka um byggingu nýs kennslu- og íþróttasalar að Ásvöllum vegna kostnaðarhlutfalls.
Bæjarstjóra falið að afla nánari upplýsinga.
Lagt fram bréf frá Knattspyrnufélaginu Haukum um ósk um breytingu á aðal- og deiliskipulagi.
Erindinu vísað til skipulags- og byggingaráðs.
3.liður úr fundargerð menningar- og ferðamálanefndar frá 18.janúar sl.
Nefndin samþykkir að óska eftir því að bæjarráð taki erindisbréf nefndarinnar til endurskoðunar.
Bæjarráð felur bæjarstjóra að vinna í málinu.
Lagt fram erindi Stofnunar Vigdísar Finnbogadóttur um ósk um fjárstuðning við starfsemina á árunum 2017, 2018 og 2019.
Bæjarráð óskar eftir að fá Auði Hauksdóttur forstöðumann Stofnunar Vigdísar Finnbogadóttur á fund sinn.
Tillaga: Bæjarráð felur bæjarstjóra að undirbúa opnun á bókhaldi Hafnarfjarðarkaupstaðar.
Bæjarráð felur bæjarstjóra að undirbúa opnun á bókhaldi Hafnarfjarðarkaupstaðar.
Fulltrúar Samfylkingar leggja fram svohljóðandi bókun:
Fulltrúar Samfylkingar fagna því að þetta mál hafi loks fengið brautargengi en sambærileg tillaga sem fulltrúar minnihlutans lögðu fram í bæjarstjórn í desember 2014 var ekki tekin til afgreiðslu. Árin á undan hafði Hafnarfjörður óumdeilanlega verið í farabroddi íslenskra sveitarfélaga í að auka aðgengi almennings að upplýsingum og var m.a. fyrsta sveitarfélagið hér á landi til að opna fyrir rafrænan aðgang almennings og fjölmiðla að málsgögnum bæjarstjórnar og undirnefnda hennar. Töldum við beint aðgengi almennings að ítarlegum fjárhagsupplýsingum vera eðlilegt og rökrétt næsta skref á þeirri vegferð. Meirihlutinn félst ekki á tillöguna heldur vísaði henni til frekari skoðunar hjá bæjarstjóra. Það er fagnaðarefni að loks hafi verið fallist á að opna bókhald Hafnarfjarðarbæjar fyrir bæjarbúum.
Fulltrúar Sjálfstæðisflokks og Bjartrar Framtíðar leggja fram svohljóðandi bókun:
Í samstarfssáttmála meirihluta bæjarstjórnar 2014-2018 segir að bókhald bæjarins skuli opnað. Þessu stefnumáli er hér með komið í framkvæmd.
Ósk um stækkun á lóð í samræmi við gildandi deiliskipulag, sem öðlasti gildi 27. apríl 2012.
Bæjarráð samþykkir erindið og leggur til við bæjarstjórn að samþykkja stækkun á lóð Mávahrauns 11 úr 911 m² í 1.052 m² í samræmi við gildandi deiliskipulag og samþykktir jafnframt framlagðan lóðarleigusamning og vísar til bæjarstjórnar til samþykktar.
Lagður fram nýr lóðarleigusamningur vegna Smyrlahrauns 52-66 til samþykktar.
Bæjarráð samþykkir framlagðan lóðarleigusamning og vísar til bæjarstjórnar til samþykktar.
Lagður fram til samþykktar endurnýjun á lóðarleigusamningi um Hverfisgötu 35B, eldri samningur er útrunninn.
Lagður fram til samþykktar endurnýjun á lóðarleigusamningi um Hverfisgötu 47, eldri samningur er útrunninn.
Tilboð hefur verið gert í íbúð að Engjahlíð 1 með fyrirvara um samþykki bæjarstjórnar.
Bæjarráð leggur til við bæjarstjórn að samþykkja kaup á íbúð að Engjahlíð 1, sbr. meðfylgjandi kauptilboð.
Lögð fram umsókn Bors efh um lóðina Suðurhellu 4.
Bæjarráð leggur til við bæjarstjórn að lóðinni Suðurhellu 4 verði úthlutað til Bors efh.
Adda María Jóhannsdóttir fulltrúi Samfylkingar leggur fram svohljóðandi fyrirspurn:
Hefur einhver starfsemi flust frá fræðslu- og frístundaþjónustu til fjölskylduþjónustu á síðustu 3 mánuðum, eða eru áætlanir um slíka tilfærslu? Ef svo er, hvaða starfsemi er um að ræða og hvernig var staðið að ákvörðunum um tilfærslu hennar?
Adda María Jóhannsdóttir fulltrúi Samfylgingar leggur fram svohljóðandi fyrirspurn:
Óskað er eftir yfirliti yfir heildarlaunagreiðslur allra aðalfulltrúa í bæjarstjórn vegna setu í bæjarstjórn og ráðum, nefndum og stjórnum sem sveitarfélagið á aðild að og kýs fulltrúa í skv. 39. grein samþykktar um stjórn Hafnarfjarðarkaupstaðar og fundarsköp bæjarstjórnar nr. 525/2016. Óskað er eftir sundurliðuðum upplýsingum um heildarlaunagreiðslur hvers og eins aðalfulltrúa eins og þær voru í janúar sl. og hverjar þær verða eftir samþykkt meirihluta bæjarstjórnar þann 18. janúar sl. um að ákvörðun Kjararáðs um 44% hækkun þingfararkaups skuli ná til launa kjörinna fulltrúa hjá Hafnarfjarðarbæ. Jafnframt er óskað eftir upplýsingum um hver áætlaður viðbótarkostnaður bæjarsjóðs er á ársgrundvelli vegna ákvörðunar meirihluta bæjarstjórnar um að hækka laun kjörinna fulltrúa hjá Hafnarfjarðarbæ til samræmis við ákvörðun Kjararáðs um 44% hækkun þingfarakaups.
Lögð fram fundargerð hafnarstjórnar frá 18.janúar sl.
Lögð fram fundargerð menningar- og ferðamálanefndar frá 18.janúar sl.
Lögð fram fundargerð stjórnar SSH frá 9.janúar sl., 438.fundur.
Lögð fram fundargerð hafnarstjórnar frá 25. janúar sl.