Bæjarstjórn

23. maí 2012 kl. 14:00

í fundarsal bæjarstjórnar Hafnarborg

Fundur 1682

Mætt til fundar

  • Guðmundur Rúnar Árnason bæjarstjóri
  • Margrét Gaua Magnúsdóttir aðalmaður
  • Gunnar Axel Axelsson aðalmaður
  • Sigríður Björk Jónsdóttir forseti
  • Rósa Guðbjartsdóttir aðalmaður
  • Kristinn Andersen aðalmaður
  • Geir Jónsson aðalmaður
  • Helga Ingólfsdóttir aðalmaður
  • Guðrún Ágústa Guðmundsdóttir aðalmaður
  • Hörður Þorsteinsson varamaður
  • Ólafur Ingi Tómasson varamaður

Ritari

  • Anna Jörgensdóttir lögmaður
  1. Almenn erindi

    • SB040377 – Fundargerðir skipulags- og byggingarfulltrúa

      Lögð fram fundargerð frá afgreiðslufundi skipulags- og byggingarfulltrúa dags. 09.05.12. A-liður afgreiddur af byggingarfulltrúa samkvæmt mannvirkjalögum nr.160/2010.$line$ $line$Lagt fram.$line$

    • 1204196 – Aðalskipulag Hafnarfjarðar 2005 - 2025, breyting vegna Hamranessnámu.

      Tekið fyrir að nýju í bæjarstjórn vegna athugasemda frá Skipulagsstofnun og lögð fram svohljóðandi rökstudd tillaga:$line$”Bæjarstjórn Hafnarfjarðar samþykkir að unnin verði tillaga að breytingu á Aðalskipulagi Hafnarfjarðar 2005-2025 hvað varðar Hamranesnámu. Þeim hluta sem skilgreindur er sem íbúðarsvæði verði breytt í óbyggt svæði. Mælt er með að breytingin teljist óveruleg skv. 2. mgr. 36. greinar skipulagslaga nr. 123/2010. Breytingin telst óveruleg þar sem hún hefur ekki verulegar breytingar á landnotkun í för með sér og svæðið er utan alfaraleiðar. Aðliggjandi íbúðasvæði skv. aðalskipulagi hefur ekki verið deiliskipulagt og þar með engin lóðarúthlutun ekki átt sér stað. Breytingin hefur því ekki áhrif á einstaka aðila og landsvæðið og nágrenni þess er í eigu Hafnarfjarðarbæjar.”

      Sigríður Björk Jónsdóttir tók til máls. $line$$line$Bæjarstjórn Hafnarfjarðar samþykkt framlagða tillögu með 11 samhljóða atkvæðum.

    • 1201159 – Fundargerðir 2012, til kynningar í bæjarstjórn.

      Fundargerð skipulags- og byggingaráðs frá 15.maí sl.$line$Fundargerð fjölskylduráðs frá 16.maí sl.$line$a. Fundargerð íþrótta- og tómstundanefndar frá 9.maí sl.$line$Fundargerð umhverfis- og framkvæmdaráðs frá 16.maí sl. $line$a.Fundargerð stjórnar Strætó bs. frá 27.apríl sl.$line$Fundargerð fræðsluráðs frá 14.maí sl.$line$Fundargerð bæjarráðs frá 16.maí sl.$line$a. Fundargerð hafnarstjórnar frá 14.maí sl.$line$b. Fundargerð heilbrigðisnefndar Hafnarfjarðar- og Kópavogssvæðis frá 3.apríl sl.$line$c. Fundargerð menningar- og ferðamálanefndar frá 15.maí sl.$line$

      Kristinn Andersen tók til máls undir 7. lið – Skólaskipan í Hafnarfirði – fundargerð fræðsluráðs frá 14. maí sl. Gunnar Axel Axelsson kom að andsvari. Kristinn Andersen svaraði andsvari. Guðmundur Rúnar Árnason kom að andsvari við fyrri ræðu Kristins Andersen. Guðrún Ágústa Guðmundsdóttir tók til máls undir 7. lið í fundargerð fræðsluráðs frá 14. maí sl. Rósa Guðbjartsdóttir kom að andsvari. Guðrún Ágústa Guðmundsdóttir svaraði andsvari. Rósa Guðbjartsdóttir kom að andsvari öðru sinni. Guðrún Ágústa Guðmundsdóttir svaraði andsvari öðru sinni. Rósa Guðbjartsdóttir kom að stuttri athugasemd. Guðrún Ágústa Guðmundsdóttir kom að stuttri athugasemd. Helga Ingólfsdóttir tók til máls undir 3. – Íþróttahús í Kaplakrika, framkvæmdir – og 4. lið – Reglugerð um fjárhagsleg viðmið og eftirlit með fjármálum sveitarfélaga – í fundargerð bæjarráðs frá 16. maí sl. og 1. lið – Viðhald húsa og lóða á fræðsluþjónustu – í fundargerð fræðsluráðs frá 16. maí sl. Guðmundur Rúnar Árnason kom að andsvari. Helga Ingólfsdóttir svaraði andsvari. Guðrún Ágústa Guðmundsdóttir kom að andsvari við fyrri ræðu Helgu Ingólfsdóttur. Helga Ingólfsdóttir svaraði andsvari. Guðrún Ágústa Guðmundsdóttir kom að andsvari öðru sinni. Helga Ingólfsdóttir svaraði andsvari öðru sinni. Guðrún Ágústa Guðmundsdóttir kom að stuttri athugasemd. Rósa Guðbjartsdóttir tók til máls undir 1. og 7. lið í fundargerð fræðsluráðs frá 16. maí sl. Guðrún Ágústa Guðmundsdóttir kom að andsvari. Rósa Guðbjartsdóttir svaraði andsvari. $line$$line$Rósa Guðbjartsdóttir kom að svohljóðandi bókun f.h. fulltrúa Sjálfstæðisflokks:$line$”Bæjarfulltrúar Sjálfstæðisflokksins lýsa yfir áhyggjum af því að húsnæðisvandi við nokkra leik- og grunnskóla bæjarins, sé óleystur nú þegar undirbúningur fyrir komandi skólaár stendur sem hæst. $line$Ljóst hefur verið í langan tíma hvert í stefndi með fjölgun barna og skort á húsnæði við leik- og grunnskóla Hafnarfjarðar á komandi hausti . Því hefði undirbúningsvinna átt að hefjast mun fyrr en raunin varð. Það óvissuástand sem nú ríkir skömmu fyrir sumarfrí er óásættanlegt og afar óþægilegt fyrir tugi fjölskyldna og starfsfólk viðkomandi stofnana. Fram komnar athugasemdir foreldra barna við Setbergs ? og Hvaleyrarskóla sýna hve mikill skortur hefur verið á samráði og upplýsingagjöf til þeirra er málið varðar . $line$Bæjarfulltrúar Sjálfstæðisflokksins ítreka fyrri ábendingar og bókun sjálfstæðismanna í fræðsluráði um að ítarlegri upplýsingar um framkvæmd, fjármögnun og kostnað og kynningar á útfærslu, er þörf áður en endanlegar ákvarðanir eru teknar um breytingar á skólaskipan. Einnig er óskað eftir yfirliti á fjárþörf vegna grunn- og leikskóla, hve miklum fjárhæðum er áætlað að verja það sem eftir ársins og hvort fjárútlátin séu í samræmi við fjárhagsáætlun 2012.”$line$$line$$line$Rósa Guðbjartsdóttir (sign), Ólafur Ingi Tómasson (sign), Kristinn Andersen (sign),$line$Geir Jónsson (sign), Helga Ingólfsdóttir (sign).$line$$line$Gert stutt fundarhlé.$line$$line$Guðrún Ágústa Guðmundsdóttir kom að svohljóðandi bókun f.h. fulltrúa Samfylkingar og Vinstri grænna:$line$$line$”Unnið hefur verið í nánu samráði og samstarfi við fulltrúa Sjálfstæðisflokksins vegna allra þeirra atriða sem fram koma í bókun þeirra. $line$Bæjarfulltrúar Samfylkingar og Vinstri grænna árétta enn og aftur að engar tillögur hafa komið frá fulltrúum Sjálfstæðisflokksins vegna skorts á húsnæði við leik- og grunnskóla eða nokkurra annarra þeirra þátta sem tilgreindir eru í fyrrgreindri bókun. $line$Eins og fram kemur í fundargerð fræðsluráðs er unnið að úrlausn húsnæðismála leik- og grunnskóla af fagfólki sveitarfélagsins í samráði við hlutaðeigandi aðila.”$line$$line$Margrét Gauja Magnúsdóttir (sign), Guðmundur Rúnar Árnason (sign), Guðrún Ágústa Guðmundsdóttir (sign),$line$Gunnar Axel Axelsson (sign), Hörður Þorsteinsson (sign), Sigríður Björk Jónsdóttir (sign).

Ábendingagátt