Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarstjórnar Hafnarborg
Mættir eru allir aðalbæjarfulltrúar að undanskildum Ólafi Inga Tómassyni en í hans stað mætir Skarphéðinn Orri Björnsson.
Forseti bæjarstjórnar Kristinn Andersen setti fundinn og stýrði honum. Í upphafi fundar bar forseti upp tillögu um að mál nr. 2 í útsendri dagskrá, Krýsuvíkurberg, deiliskipulag verði tekið fyrir sem mál nr. 6. Var tillagan samþykkt samhljóða.
Breyting í ráðum og nefndum: Breyting verður á fulltrúa Viðreisnar í skipulags- og byggingarráði. Óli Örn Eiríksson, Hverfisgötu 52b verður aðalmaður í stað Jóns Garðars Snædal. Varamaður verður Sigurjón Ingvarsson Suðurgötu 70
Bæjarstjórn samþykkir samhljóða fyrirlagðar breytingar á fulltrúum í skipulags- og byggingarráði.
10.liður úr fundargerð bæjarráðs frá 24.október sl. Lögð fram lóðarumsókn Smára Björnssonar um lóðina nr. 15 við Völuskarð.
Bæjarráð leggur til við bæjarstjórn að lóðinni nr. 15 við Völuskarð verði úthlutað til Smára Björnssonar.
Bæjarstjórn samþykkir samhljóða fyrirliggjandi tillögu bæjarráðs.
11.liður úr fundargerð bæjarráðs frá 24.október sl. Lögð fram lóðarumsókn Rúnars Más Jóhannssonar og Erlu Kristínar Sigurðardóttur um lóðina nr. 18 við Völuskarð.
Bæjarráð leggur til við bæjarstjórn að lóðinni nr. 18 við Völuskarð verði úthlutað til Rúnars Más Jóhannssonar og Erlu Kristínar Sigurðardóttur.
12.liður úr fundargerð bæjarráðs frá 24.október sl. Lögð fram gjaldskrá Slökkviliðsins á höfuðborgarsvæðinu bs til afgreiðslu.
Bæjarráð leggur til við bæjarstjórn að gjaldskrá SHS verði samþykkt.
Til máls tekur Sigurður Þ. Ragnarsson.
Bæjarstjórn samþykkir með 10 atkvæðum fyrirliggjandi gjaldskrá SHS. Sigurður Þ. Ragnarsson greiddi atkvæði á móti.
13.liður úr fundargerð bæjarráðs frá 24.október sl. Endurnýjun lóðarleigusamnings
Bæjarráð samþykkir endurnýjun fyrirliggjandi lóðarleigusamnings og vísar til staðfestingar í bæjarstjórn.
Bæjarstjórn samþykkir samhljóða afgreiðslu bæjarráðs.
3.liður úr fundargerð skipulags- og byggingaráðs frá 22.október sl. Skipulagshöfundar mæta til fundarins og kynna tillögu að nýju deiliskipulagi fyrir Krýsuvíkurberg.
Skipulags- og byggingarráð samþykkir fyrirliggjandi tillögu að nýju deiliskipulagi og að auglýsa hana með vísan til 43.gr. skipulagslaga og vísar henni til staðfestingar í bæjarstjórn.
Til máls tekur Ágúst Bjarni Garðarsson.
Einnig tekur til máls Sigurður Þ. Ragnarsson. Til andsvars kemur Rósa Guðbjartsdóttir og svarar Sigurður andsvari. Rósa kemur þá næst til andsvars öðru sinni. Þá næst kemur Ágúst Bjarni til andsvars við ræðu Sigurðar.
Einnig tekur Adda María Jóhannsdóttir til máls og til andsvars kemur Ágúst Bjarni.
Þá tekur til máls Guðlaug Kristjánsdóttir.
Bæjarstjórn samþykkir með 10 atkvæðum afgreiðslu skipulags- og byggingarráðs. Sigurður Þ. Ragnarsson situr hjá og kemur að svohljóðandi bókun:
Bókun bæjarfulltrúa Miðflokksins, Sigurður Þ. Ragnarssonar: Í greinargerð með deiliskipulaginu segir: „Bílastæði eru nú staðsett 250 metrum frá stærsta útsýnispalli, en þangað liggur greiðfær stígur. Með því að færa bílastæði fjær bjarginu verður gangan að aðdráttaraflinu hluti af upplifun gesta og hljóð- og sjóntruflun frá bílaumferð á upplifun gesta lágmörkuð“. Bæjarfulltrúi Miðflokksins gerir athugasemd við að færa eigi bílastæði fjær aðdráttaraflinu enda mikilvægt að bæði ungir sem aldnir, fatlaðir sem ófatlaðir eigi greiðan aðgang að þessu ótrúlega fallega svæði.
2.liður úr fundargerð fjölskylduráðs frá 25.október sl. Erindisbréf fyrir starfshóp lagt fram. Sviðsstjóra falið að uppfæra erindisbréfið. Skipað verður í starfshóp á næsta fundi fjölskylduráðs.
Til máls tekur Guðlaug Kristjánsdóttir og leggur fram þrjár svohljóðandi tillögur:
1. Bæjarstjóra og öðrum embættismönnum bæjarins verði falið að taka upp samtal við ríkið og önnur sveitarfélög um samræmingu á framkvæmd NPA milli sveitarfélaga.
2. Lagt er til að bætt verði inn í erindisbréfið ákvæðum um samráð við notendur, helst með því að hagsmunaaðilar fái að skipa fulltrúa í hópinn.
3. Starfshópur um NPA gangist fyrir könnun á því hvort Hafnarfjarðarbær sinnir leiðbeiningarskyldum sínum hvað ólík þjónustuform varðar, svo við getum gengið úr skugga um að þeim sé sinnt hér hjá okkur.
Til andsvars kemur Ágúst Bjarni Garðarsson og svarar Guðlaug andsvari. Þá kemur Ágúst Bjarni til andsvars öðru sinni.
Þá tekur til máls Helga Ingólfsdóttir og til andsvars kemur Jón Ingi Hákonarson.
Þá tekur til máls öðru sinni Guðlaug Kristjánsdóttir.
Einnig tekur til máls Adda María Jóhannsdóttir.
Þá tekur til máls öðru sinni Helga Ingólfsdóttir og leggur fram tillögu um að þær tillögur sem Guðlaug lagði fram hér að framan verið vísað til fjölskylduráðs. Til andsvars kemur Jón Ingi Hákonarsons, einnig Adda María sem og Guðlaug.
Forseti ber upp tillögu um að framkomnum tillögum frá Guðlaugu verði vísað til fjölskylduráðs. Er það samþykkt samhljóða.
Gulaug Kristjánsdóttir kemur að svohljóðandi bókun:
Í drögum að erindisbréfi starfshóps vegna NPA er ekki kveðið á um samráð við notendur, þó svo lög og reglugerðir kveði á um skyldu til þess. Mikilvægt er að bætt verði úr þessu. Einnig skortir greinargerð um tilurð starfshópsins, þ.e. hvers vegna hann er settur á laggirnar og hvert markmiðið með starfi hans er. Ljóst er þó að hópurinn á að skila niðurstöðum eftir að fjárhagsáætlun fyrir árið 2020 hefur verið samþykkt. Betur hefði farið á því að fá þær niðurstöður áður en fjárhagsrammi næsta árs verður festur niður. Undirrituð fagnar því að samþykkt hafi verið að vinna erindisbréfið áfram og skýra betur verkefnið sem starfshópnum er ætlað að vinna og væntir þess að tillögur þær sem ég lagði fram í bæjarstjórn í dag verði teknar þar til skoðunar, að viðstöddum fulltrúum notenda.
Fundargerð bæjarráðs frá 24.október sl. a. Fundargerð hafnarstjórnar frá 9.október sl. b. Fundargerðir menningar- og ferðamálanefndar frá 3.og 17.október sl. c. Fundargerð stjórnar SORPU bs. frá 7.október sl. d. Fundargerð eigendafundar SORPU bs. frá 7.október sl. e. Fundargerð eigendafundar Strætó bs. frá 7.október sl. g. Fundargerð stjórnar SSH frá 7.október sl. Fundargerð umhverfis- og framkvæmdaráðs frá 21.október sl. Fundargerð skipulags- og byggingaráðs frá 22.október sl. Fundargerðir fræðsluráðs frá 16.,18. og 23.október sl. a. Fundargerð íþrótta- og tómstundanefndar frá 14.október sl. Fundargerðir fjölskylduráð frá 14.,17. og 25.október sl. Fundargerð forsetanefndar frá 28.október sl.
