Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarstjórnar Hafnarborg
Mættir eru allir aðalbæjarfulltrúar að undaskilinni Sigrúnu Sverrisdóttur en í hennar stað situr fundinn Árni Rúnar Þorvaldsson.
Þá vék Helga Ingólfsdóttir af fundi kl. 15:48 og varamaður hennar Guðbjörg Oddný Jónasdóttir sat fundinn undir lið 12.
Forseti bæjarstjórnar Kristinn Andersen setti fundinn og stýrði honum.
Breytingar í ráðum og nefndum:
Breytingar í umhverfis- og framkvæmdaráði: Sævar Gíslason Engjavöllum 5b verður varaáheyrnarfulltrúi í stað Kristins Jónssonar Breytingar í kjörstjórn: Hilmar Kristensson Svalbarði 2 verður varaáheyrnarfulltrúi í stað Kristins Jónssonar Breytingar í heilbrigðisnefnd: Davíð Gígja Norðurbakka 7 verður varamaður í stað Hólmfríðar Þórisdóttur
Bæjarstjórn samþykkir samhljóða fyrirliggjandi breytingar í ráðum og nefndum.
Auk þess samþykkir bæjarstjórn samhljóða að framlengja ákvörðun, frá 30. september sl., um að létta af bæjarfulltrúa Öddu Maríu Jóhannsdóttur störfum áfram til 1. desember nk.
5.liður úr fundargerð fjölskylduráðs frá 23.október sl. Reglur um styrki til nám, verkfæra- og tækjakaupa fatlaðs fólks með langvarandi stuðningsþarfir eru lagðar fyrir fjölskylduráðs til samþykktar.
Reglur uppfærðar með hliðsjón af tillögum sem bárust frá fulltrúa Bæjarlistans. Fjölskylduráð samþykkir reglur um styrki til náms, verkfæra- og tækjakaupa fatlaðs fólks með langvarandi stuðningsþarfir og vísar þeim til bæjarstjórnar til staðfestingar.
Til máls tekur helga Ingólfsdóttir. Einnig Árni Rúnar Þorvaldsson og Guðlaug Kristjánsdóttir.
Bæjarstjórn samþykkir samhljóða fyrirliggjandi reglur.
6.liður úr fundargerð fjölskylduráðs frá 23.október sl. Fulltrúar Sjálfstæðisflokks og Framsóknarflokks samþykkja reglur um skammtímadvöl fyrir fatlað fólk með langvarandi stuðningsþarfir. Fulltrúar Samfylkingar og Bæjarlistans sitja hjá.
Reglunum er vísað inn í bæjarstjórn til staðfestingar.
Fulltrúar Samfylkingarinnar og Bæjarlistans sitja hjá við afgreiðslu þessa máls. Ráðgjafaráð í málefnum fatlaðs fólks bendir á að reglurnar gera ekki ráð fyrir að hægt sé að veita þá þjónustu sem fjallað er um í reglunum inni á heimilum fólks. Skýrt er kveðið á um það í 17. gr. laga um þjónustu við fatlað fólk með langvarandi stuðningsþarfir að foreldrar barns sem á rétt á skammtímadvöl geta fengið stuðning inn á heimili sitt í stað vistunar utan heimilis óski foreldrar þess.
Til máls tekur Helga Ingólfsdóttir. Til andsvars kemur Árni Rúnar Þorvaldsson og svarar Helga andsvari. Þá kemur Árni Rúnar til andsvars öðru sinni og svarar Helga andsvari.
Þá tekur Árni Rúnar til máls leggja fram eftirfarandi tillögu f.h. Samfylkingar og Bæjarlistans Bæjarstjórn samþykkir að fresta afgreiðslu reglna um skammtímadvalarstaði og vísar þeim aftur til fjölskylduráðs til frekari umfjöllunar og skoðunar. Fjölskylduráð skal sérstaklega skoða hvernig hægt er koma betur til móts við athugasemdir ráðgjafaráðs í málefnum fatlaðs fólks og hvort ekki sé ástæða til að hnykkja betur á því að foreldrar eiga rétt á stuðningi inn á heimili í stað dvalar utan heimilis eins og tekið er fram í 17. gr. laga um þjónustu við fatlað fólk með langvarandi stuðningsþarfir nr. 38/2018.
Þá tekur Ágúst Bjarni Garðarsson til máls og til andsvars kemur til andsvars.
Forseti ber upp framkomna tillögu um frestun málsins og að því sé vísað til fjölskylduráðs á ný. Er tillagan felld með 6 atkvæðum meirihlutans en 5 fulltrúar minnihlutans greiða atkvæði með tillögunni.
Að lokum eru fyrirliggjandi reglur bornar upp til atkvæða og er tillagan samþykkt með 6 atkvæðum meirihlutans en fulltrúar minnihluta sjá við atkvæðagreiðsluna.
Árni Rúnar kemur að svohljóðandi bókun:
Fulltrúar Samfylkingarinnar og Bæjarlistans harma það að fulltrúar meirihlutans hafi ekki fallist á að fresta afgreiðslu málsins og taka það ítarlegri skoðunar í fjölskylduráði og sitja hjá við þessa afgreiðslu. Að öðru leyti vísum við í bókun fulltrúa flokkanna 427. fundi fjölskylduráðs þann 23. október.
2.liður úr fundargerð bæjarstjórnar frá 14.október sl. Frestað á fundi bæjarstjórnar 14.október. Tekið fyrir að nýju. 3.liður úr fundargerð skipulags- og byggingaráðs frá 6.október sl. Lagt fram á ný erindi Norðurhellu 13 um breytingu á skipulagi svæðisins. Umsögn skipulagsfulltrúa lögð fram.
Skipulags og byggingarráð felur umhverfis- og skipulagssviði að vinna tillögu að breyttu aðalskipulagi með það að markmiði að breyta landnotkun fyrir lóðirnar Norðurhellu 13-15-17-19 og Suðurhellu 12-14 í blandaða byggð atvinnu- og íbúðarhúsnæðis og vísar til staðfestingar í bæjarstjórn.
Til máls tekur Ingi Tómasson.
Einnig tekur til máls Ágúst Bjarni Garðarsson sem og Sigurður Þ. Ragnarsson sem leggur fram tillögu um að afgreiðslu málsins verði frestað.
Þá tekur Rósa Guðbjartsdóttir til máls. Sigurður Þ. svarar andsvari.
Til máls öðru sinni tekur Ingi Tómasson og til andsvars kmeur Sigurður Þ.
Ágúst Bjarni tekur til máls öðru sinni. Til andsvars kemur Sigurður Þ. Ágúst Bjarni svarar andsvari og Sigurður kemur til andsvars öðru sinni. Einnig til andsvars kemur Ingi Tómasson.
Þá tekur til máls Guðlaug Kristjánsdóttir. Einnig Friðþjófur Helgi Karlsson og kemur Ágúst Bjarni til andsvars. Einnig kemur Ingi tómasson til andsvars við ræðu Friðþjófs. Þá kemur Guðlaug Kristjánsdóttir til andsvars.
Kristinn Andersen forseti ber um framkomna tillögu m frestun á afgreiðslu málsins milli funda og er tillagan samþykkt samhljóða.
Friðþjófur Helgi Karlsson gerir grein fyrir atkvæði sínu sem og Ágúst Bjarni Garðarsson.
Til máls tekur Ingi Tómasson. Einnig tekur Ágúst Bjarni Garðarsson til máls sem og sigurður Þ. Ragnarsson.
Þá tekur Friðþjófur Helgi Karlsson til máls.
Bæjarstjórn samþykkir samhljóða afgreiðslu skipulags- og byggingarráðs.
Sigurður Þ. Ragnarsson kemur að svohljóðandi bókun:
Sú breytingatillaga sem hér liggur fyrir gerir ráð fyrir að heimila íbúðabyggð í iðnaðarhverfi. Vel getur slíkt gengið ef hverfi eru hugsuð heildstætt með slíku skipulagi. Það á ekki við um þennan reit. Íbúðir við Norðurhellu 13,15,17 og 19 gætu verið álitlegir kostir. Hins vegar er lega Suðurhellu 12 og 14 önnur. Liggja þær lóðir mun nær Straumsvíkurlínu (raflínu), liggja beinlínis þétt við þær lóðir. Sýnt hefur verið fram á rafsegulsvið við jafn háa spennu og fer um þessar línur (tugþúsundir volta) getur verið heilsuspillandi fyrir þann sem dvelur við slíkar aðstæður langdvölum. Auk þessa rýrir vindgnauður sem frá línunum kemur þegar hvasst er í veðri lífsgæði þeirra sem við slíkar aðstæður búa. Fulltrúi Miðflokksins hefði því talið sbr. það sem áður kemur fram, æskilegt að lóðirnar Suðurhella 12 og 14 væru ekki í hinu breytta deiliskipulagi. Vöntun hefur verið á litlum íbúðum þó úrbætur í því séu vissulega innan seilingar. Lóðirnar við Norðurhellu gætu að nokkru hjálpað við að stoppa í það gat. Sökum þess hluta skipulagsins samþykkir fulltrúi Miðflokksins umrædda breytingu á deiliskipulaginu.
4.liður úr fundargerð skipulags- og byggingaráðs frá 20.október sl. Þann 09.10.2020 sækir Hafnarfjarðarkaupstaður um að breyta deiliskipulagi Hellnahraun III áfanga, vegna Borgahellu 6a, vegna dæluhúss fyrir fráveitu. Skipulagsfulltrúi tók jákvætt í erindið á afgreiðslufundi skipulags- og byggingarfulltrúa og vísar erindinu til skipulags- og byggingarráðs til staðfestingar. Lögð fram tillaga að breyttu deiliskipulagi lóðarinnar.
Skipulags- og byggingarráð samþykkir breytt deiliskipulag lóðarinnar Borgarhellu 6a og að málinu verði lokið samanber 3.mgr. 43. gr. skipulagslaga. Erindinu er jafnframt vísað til staðfestingar í bæjarstjórn.
7.liður úr fundargerð skipulags- og byggingaráðs frá 20.október sl. Lögð fram tillaga að breyttu deiliskipulagi Grandatraðar 2, um er að ræða stækkun á núverandi bifreiðaverkstæði.
Skipulags- og byggingarráð samþykkir breytt deiliskipulag lóðarinnar Grandatröð 2 og að málinu verði lokið samanber 3.mgr. 43. gr. skipulagslaga. Erindinu er jafnframt vísað til staðfestingar í bæjarstjórn.
8.liður úr fundargerð skipulags- og byggingaráðs frá 20.október sl. Matslýsing lögð fram.
Skipulags- og byggingarráð samþykkir framlagða matslýsingu og vísar henni til bæjarstjórnar til staðfestingar.
9.liður úr fundargerð bæjarráðs frá 22.október sl. Lagt fram afsal um kaup á 40% hluta í Brekkugötu 6. Til afgreiðslu.
Bæjarráð samþykkir kaup á 40% hluta lóðarinnar Brekkugötu 6 og vísar til staðfestingar í bæjarstjórn.
Bæjarstjórn samþykkir samhljóða afgreiðslu bæjarráðs.
10.liður úr fundargerð bæjarráðs frá 22.október sl. Lögð fram fjárhagsáætlun 2021 og tillögur að gjaldskrá 2021 heilbrigðiseftirlits Hafnarfjarðar- Kópavogs og Garðabæjar.
Bæjarráð leggur til við bæjarstjórn að gjaldskrá heilbrigðiseftirlits Hafnarfjarðar- Kópavogs og Garðabæjar verði samþykkt.
Bæjarstjórn samþykkir samhljóða fyrirliggjandi gjaldskrá.
19.liður úr fundargerð bæjarráðs frá 22.október sl. Lagður fram tölvupóstur frá lóðarhöfum að Fluguskeiði 9A þar sem óskað er eftir því að afsala sér lóðarúthlutun á lóðinni.
Bæjarráð samþykkir skil lóðar að og vísar til staðfestingar í bæjarstjórn.
Til umræðu
Til máls tekur Friðþjófur Helgi Karlsson og kemur að svohljóðandi bókun:
Það er ljóst að talsverður vandræðagangur hefur verið í meðförum meirihlutans í þessu máli og kostnaður er komin umtalsvert fram úr því sem áætlanir gerðu ráð fyrir. Í ljósi þess finnst okkur rétt að taka undir bókun fulltrúa okkar í ráðinu og leggja áherslu á að málið verði skoðað nánar varðandi þá framúrkeyrslu sem er staðreyndin í þessu máli.
Friðþjófur Helgi Karlsson Árni Rúnar Þorvaldsson
Þá tekur Ingi Tómasson til máls. Rósa Guðbjartsdóttir kemur til andsvars. Einnig Árni Rúnar Þorvaldsson og svarar Ingi andsvari. Árni Rúnar kemur þá til andsvars öðru sinni sem Ingi svarar einnig öðru sinni.
Þá tekur Árni Rúnar til máls. Til andsvars kemur Ingi Tómasson og svarar Árni Rúnar andsvari.
Þá tekur Ágúst Bjarni Garðarsson til máls og kemur Árni Rúnar til andsvars. Ágúst Bjarni svarar andsvari.
Ingi Tómasson kemur að svohljóðandi bókun:
Meirihluti Sjálfstæðisflokks og Framsóknar bóka eftirfarandi: Formleg vinna við aðal- og deiliskipulagsbreytingu hófst með samþykkt skipulags- og byggingarráðs þann 13. desember 2016 um skipulagsbreytingar við Hjallabraut. Í upphafi og allan feril málsins hafa allir fulltrúar í skipulags- og byggingarráði verið samstíga um að vanda til verka og skila tillögu þar sem íbúar gætu glöggvað sig vel á fyrirhuguðum byggingum á svæðinu. Eins og skýrt kemur fram í minnisblaði skipulagsfulltrúa hefur skipulagsgerðin tekið nokkrum breytingum á tímabilinu, m.a. var bætt við bílastæðum við hvert hús ásamt nokkrum öðrum breytingum á þeim tíma, hætt við færslu Hjallabrautar og að síðustu var ákveðið að fækka húsum á skipulagssvæðinu og setja inn þrjú einbýlishús í staðin. Vinna við gerð tveggja deiliskipulagstillagna vegna Hjallabrautar hefur ávallt farið fram og verið samþykkt á fundum skipulags- og byggingaráðs. Meirihluti skipulags- og byggingarráðs og bæjarstjórnar hefur alla tíð verið þeirrar skoðunar að mikilvægt sé og hafi verið að vanda vel til verka, enda er hér um að ræða svæði sem bæði er í nálægð við gróin íbúðahverfi og eitt af fallegustu útivistarsvæðum bæjarfélagsins. Góð tillaga liggur nú fyrir eftir ítarlega og mikilvæga vinnu, þar sem allir þættir máls voru kannaðir, og hefur alla tíð verið uppi á borðum og unnin með vitund og vitneskju allra þeirra sem sitja í skipulags- og byggingaráði. Ánægjulegt verður að sjá húsnæði rísa á þessu fallega þéttingarsvæði.
6.liður úr fundargerð bæjarráðs frá 22.október sl. Eftirfarandi tillaga liggur fyrir fundinum: “Bæjarráð leggur til að gengið verði að fyrirliggjandi tilboði í hlut Hafnarfjarðarkaupstaðar í HS-Veitum hf.?
Tillaga: Fulltrúar Samfylkingar, Viðreisnar, Miðflokks og Bæjarlista leggja til að málið verði lagt í dóm hafnfirskra kjósenda með íbúakosningu.
Greinargerð: Það er mikilvægt að framkvæma íbúakosningu um þetta umdeilda mál og leiða þannig vilja bæjarbúa í ljós. Til þess eru ríkar ástæður: Í fyrsta lagi átti engin umræða sér stað um eignarhlut Hafnfirðinga í HS Veitum eða öðrum fyrirtækjum fyrir kosningar. Einkavæðing opinberra orkuinnviða var ekki á stefnuskrá neins flokks. Enginn fulltrúi í bæjarstjórn Hafnarfjarðar var kosinn til að framfylgja þeirri stefnu. Í öðru lagi fengu þeir flokkar sem mynda meirihlutann í bæjarstjórn Hafnarfjarðar færri atkvæði í síðustu kosningum en flokkarnir í minnihlutanum. Þessi staðreynd hlýtur að setja þá kröfu á meirihlutann að hann sýni auðmýkt og samstarfsvilja en keyri ekki umdeild mál í gegn í krafti eins manns meirihluta í bæjarstjórn. Í þriðja lagi er um gríðarlega umdeilt mál að ræða sem snertir bæði framtíðartekjur bæjarins og fyrirkomulag eignarhalds á orkuinnviðum. Slíkt krefst mun meiri umræðu og samráðs við bæjarbúa en raun ber vitni í þessu máli.
Fundarhlé gert kl. 10:15 Fundir fram haldið kl. 10:38
Tillagan er borin upp til atkvæða. Fulltrúar minnihluta greiða atkvæði með tillögunni, fulltrúar meirihluta greiða atkvæði á móti. Tillagan er því felld.
Meirihluti Sjálfstæðisflokks og Framsóknar bóka eftirfarandi: Niðurstaða söluferlisins er fagnaðarefni. Ljóst er að mjög gott verð hefur fengist fyrir hlutinn og bent er á að með sölunni eignast lífeyrissjóðir (sem eru yfir 90% bjóðenda) hlut bæjarins sem verður þá áfram í eigu almennings. Um minnihlutaeign í HS-Veitum er að ræða og hefur salan engin áhrif á íbúa í Hafnarfirði en verðlagning á raforkudreifingu er bundin ströngum skilyrðum í raforkulögum. Salan dregur verulega úr lánsfjárþörf bæjarins og þar með afborgunum og vaxtagreiðslum til framtíðar. Andvirði sölunnar gefur Hafnarfjarðarbæ jafnframt færi á því að sækja fram af meiri krafti með hagsmuni íbúa að leiðarljósi og draga úr skaða vegna Kovid-19 faraldursins. Niðurstaða nýlegrar undirskriftasöfnunar sýnir og staðfestir að ekki er tilefni til að halda íbúakosningu um málið.
Fundarhlé gert kl. 10:45 Fundi fram haldið kl. 10:55
Fulltrúar Samfylkingar, Viðreisnar, Bæjarlista og Miðflokks leggja fram svohljóðandi bókun: Það er grundvallarmunur á tilgangi lífeyrissjóða og sveitarfélaga með eign í grunninnviðum. Lífeyrissjóðir eru fagfjárfestar sem ber lagaleg skylda til að skila arði af fjárfestingum sínum. Arður af flutningskerfi raforku verður einungis sóttur í vasa notenda þjónustunnar. Markmið sveitarfélags með eign í grunninnviðum er fyrst og fremst að tryggja örugga þjónustu á hagstæðum kjörum fyrir notendur. Frá árinu 2013, þegar sá aðili sem nú hefur boðið í hlut Hafnarfjarðarbæjar keypti fyrst í HS veitum, hafa arðgreiðslur til eigenda aukist til muna. Sú þróun mun líklega frekar aukast en minnka ef sala á hlut Hafnfirðinga gengur eftir. Með sölunni stuðlar meirihluti bæjarstjórnar því að auknum arðgreiðslum út úr rekstri veitnanna, með tilheyrandi áhættu fyrir verð þjónustunnar til notenda.
Fundarhlé gert kl. 10:59 Fundi fram haldið kl. 11:03
Tillaga: Fulltrúar Samfylkingar, Viðreisnar, Bæjarlista og Miðflokks fara fram á að málinu verði frestað þar til fyrir liggur hver aðkoma ríkisins verður í rekstrarvanda sveitarfélaga.
Tillagan borin upp til atkvæða. Fulltrúar minnihluta greiða atkvæði með tillögunni, fulltrúar meirihluta greiða atkvæði á móti. Tillagan er því felld.
Meirihluti Sjálfstæðisflokks og Framsóknar bóka eftirfarandi: Meirihlutinn vísar í fyrri bókun sína undir sama lið.
Bæjarráð samþykkir fyrirliggjandi tilboð og vísar til staðfestingar í bæjarstjórn.
Tillagan er samþykkt með þremur atkvæðum meirihluta. Fulltrúar minnihluta greiða atkvæði á móti.
Fulltrúar Samfylkingar, Viðreisnar, Bæjarlistans og Miðflokks leggja fram svohljóðandi bókun: Fulltrúar Samfylkingar, Viðreisnar, Bæjarlistans og Miðflokks lýsa furðu á þeirri afstöðu meirihluta Sjálfstæðisflokks og Framsóknar og óháðra að verjandi sé að leggja til sölu á hlut bæjarins í HS Veitum á þessum tímapunkti. Á fundi bæjarráðs í dag liggur fyrir röksemdafærsla fyrir sölunni sem í vantar mikilvæga þætti sem varða hagsmuni bæjarbúa. Ljóst má vera af umræðu um fjárhagsstöðu sveitarfélaga, bæði í fjölmiðlum og á pólitískum vettvangi, að sterk rök hníga að því að ríkissjóður verði að stíga inn með afgerandi hætti, annað hvort með afar hagstæðum lánum á ríkis- og/eða Seðlabankakjörum eða þá með beinum framlögum til að mæta tekjutapi. Samanburður innan OECD styður þau rök með afgerandi hætti. Sú greining sem meirihlutinn leggur fram til stuðnings á sölu almannaeignar í grunninnviðum tekur ekkert tillit til þess að þessi ríkisstuðningur sé til umræðu. Því er haldið fram að það felist bein áhætta í því að bærinn eigi áfram hlut sinn í HS Veitum en ekki vikið að því orði hvort áhætta geti falist í því að selja of snemma. Í gögnum með málinu er talið til áhættu að Hafnarfjörður geti orðið innlyksa með hlut sinn ef Reykjanesbær ákveði að selja leyfilegan hluta opinberra aðila í HS Veitum. Fulltrúum minnihlutans vitanlega hefur ekkert komið fram sem bendir til þess að Reykjanesbær sé í söluhugleiðgum. Því er asi málsins af hálfu meirihlutans óskiljanlegur. Síðast en alls ekki síst skal því haldið til haga að bæjarbúar hafa ekki verið spurðir álits á málinu, enda var sala á almannaeign alls ekki til umræðu í síðustu kosningum. Fyrir liggur að Sjálfstæðisflokkur og Framsókn hafa hafnað boði minnihlutans um aukið samstarf þvert á pólitískar línur í þeim stóru verkefnum sem framundan eru í rekstri bæjarins. Það skref sem þau stíga hér í dag er glögglega til marks um það að þeim hugnast best að keyra mál í gegn með meirihlutavaldi.
Fundarhlé gert kl. 11:16 Fundi fram haldið kl. 11:25
Meirihluti Sjálfstæðisflokks og Framsóknar bóka eftirfarandi: Ákvörðun meirihluta bæjarráðs í dag er tekin að vel ígrunduðu máli, með hag íbúa og bæjarfélagsins að leiðarljósi.
Til máls tekur Helga Ingólfsdóttir og leggur fram svohljóðandi bókun:
Þar sem ég er sitjandi stjórnarmaður í lífeyrissjóði mun ég ekki taka þátt í afgreiðslu þessa máls auk þess sem ég hef ekki komið að umræðu eða ákvörðun um sölumeðferð eignarhlutarins sem er hér á dagskrá undir þessum lið.
Helga víkur næst af fundi undir þessum lið kl. 15:48 og í hennar stað situr fundinn Guðbjörg Oddný Jónasdóttir.
Þá tekur Guðlaug Kristjánsdóttir til máls um fundarsköp.
Fundarhlé kl. 15:53. fundi framhaldið kl. 16:02.
Næst tekur Jón Ingi Hákonarson til máls undir fundarsköpum og leggur fram svohljóðandi frávísunartillögu:
Skv. 5. mgr. 35. gr. sveitarstjórnarlaga er bæjarráði heimilt að fullnaðarafgreiða mál sem ekki varða verulega fjárhagslega hagsmuni:
Byggðarráði er heimil fullnaðarákvörðun mála sem eigi varða verulega fjárhag sveitarsjóðs eða stofnana hans, enda sé eigi ágreiningur innan ráðsins eða við framkvæmdastjóra um ákvörðunina, en meðan sveitarstjórn er í sumarleyfi fer byggðarráð með sömu heimildir og sveitarstjórn hefur ella. Þá er heimilt að fela byggðarráði fullnaðarafgreiðslu einstakra mála sem samkvæmt samþykktum sveitarfélags hafa áður komið til umfjöllunar annarra nefnda sveitarstjórnar.
Fulltrúar minnihlutans gera því þá kröfu að málinu verði vísað frá þar sem ekki lá fyrir löglegt umboð til að bjóða hlutinn til sölu.
Framkomin tillaga er næst tekin til atkvæðagreiðslu og er tillagan felld með 6 atkvæðum meirihluta en 5 fulltrúar minnihluta greiða atkvæði með tilögunni.
Þá tekur til máls Rósa Guðbjartsdóttir. Til andsvars kemur Árni Rúnar Þorvaldsson og Rósa svarar andsvari. Þá kemur Árni Rúnar til andsvars öðru sinni. Næst kemur Sigurður Þ. Ragnarsson til andsvars og svarar Rósa andsvari. Þá kemur Friðþjófur Helgi Karlsson til andsvars. Einnig kemur Guðlaug Kristjánsdóttir til andsvars og svarar Rósa andsvari. Þá kemur til andsvars Jón Ingi Hákonarson og svarar Rósa andsvari.
Þá tekur Ágúst Bjarni Garðarsson til máls. Til andsvars kemur Friðþjófur Helgi Karlsson og svarar Ágúst Bjarni andsvari. Þá kemur Guðlaug Kristjánsdóttir til andsvars sem Ágúst Bjarni svarar. Næst kemur Árni Rúnar til andsvars og þá Sigurður Þ. Ragnarsson. Næst kemur Jón Ingi Hákonarson til andsvars sem Ágúst Bjarni svarar, og kemur þá Jón Ingi til andsvars öðru sinni.
Þá tekur Árni Rúnar til máls.
Næst tekur til máls Sigurður Þ. Ragnarsson. Til andsvars kemur Friðþjófur Helgi Karlsson. Einnig Ágúst Bjarni og svarar Sigurður andsvari. Ágúst Bjarni kemur næst til andsvars öðru sinni sem Sigurður svarar öðru sinni. Þá kemur Ingi Tómasson til andsvars sem Sigurður svarar. Þá kemur Ingi til andsvars öðru sinni sem Sigurður svarar öðru sinni. Þá kemur Ingi að stuttri athugasemd sem og Sigurður einnig.
Þá tekur Guðlaug Kristjánsdóttir til máls. Til andsvars kemur Friðþjófur Helgi Karlsson.
Næst tekur Friðþjófur Helgi til máls.
Einnig tekur til máls Jón Ingi Hákonarson. Til andsvars kemur Árni Rúnar Þorvaldsson og svarar Jón Ingi andsvari. Þá kemur Árni Rúnar til andsvars öðru sinni.
Til máls öðru sinni tekur Árni Rúnar Þorvaldsson.
Þá tekur Friðþjófur Helgi til máls öðru sinni og leggur fram svohljóðandi tillögu:
Fulltrúar Samfylkingar, Viðreisnar, Miðflokks og Bæjarlista leggja til að málið verði lagt í dóm hafnfirskra kjósenda með íbúakosningu.
Greinargerð: Það er mikilvægt að framkvæma íbúakosningu um þetta umdeilda mál og leiða þannig vilja bæjarbúa í ljós. Til þess eru ríkar ástæður: Í fyrsta lagi átti engin umræða sér stað um eignarhlut Hafnfirðinga í HS Veitum eða öðrum fyrirtækjum fyrir kosningar. Einkavæðing opinberra orkuinnviða var ekki á stefnuskrá neins flokks. Enginn fulltrúi í bæjarstjórn Hafnarfjarðar var kosinn til að framfylgja þeirri stefnu. Í öðru lagi fengu þeir flokkar sem mynda meirihluta í bæjarstjórn Hafnarfjarðar færri atkvæði í síðustu kosningum en flokkarnir í minnihlutanum. Þessi staðreynd hlýtur að setja þá kröfu á meirihlutann að hann sýni auðmýkt og samstarfsvilja en keyri ekki umdeild mál í gegn í krafti eins manns meirihluta í bæjarstjórn. Í þriðja lagi er um gríðarlega umdeilt mál að ræða sem snertir bæði framtíðartekjur bæjarins og fyrirkomulag eignarhalds á orkuinnviðum. Slíkt krefst mun meiri umræðu og samráðs við bæjarbúa en raun ber vitni í þessu máli.
Til andsvars kemur Ágúst Bjarni og svarar Friðþjófur Helgi andsvari. Ágúst Bjarni kemur þá til andsvars öðru sinni sem Friðþjófur Helgi svarar einnig öðru sinni. Þá kemur Ágúst Bjarni að stuttri athugasemd.
Til máls öðru sinni tekur Sigurður Þ. Ragnarsson og leggur fram svohljóðandi tillögu:
Fulltrúar Samfylkingar, Viðreisnar, Bæjarlista og Miðflokks fara fram á að málinu verði frestað þar til fyrir liggur hver aðkoma ríkisins verður í grafalvarlegum rekstrarvanda sveitarfélaga.
Forseti ber næst upp framkomna tillögu um frestun málsins og er tillagan felld þar sem 6 fulltrúar meirihlutans greiða atkvæði gegn tillögunni en 5 fulltrúar minnihlutans greiða atkvæði með tillögunni.
Þá ber forseti næst upp framkomna tillögu um að málinu verði lagt í dóm hafnfirska kjósenda og er tillagan felld þar sem 6 fulltrúar meirihlutans greiða atkvæði gegn tillögunni en 5 fulltrúar minnihlutans greiða atkvæði með tillögunni.
Kristín Thoroddsen gerir grein fyrir atkvæði sínu.
Einnig kemur Rósa Guðbjartsdóttir að svohljóðandi bókun:
Niðurstaða nýlegrar undirskriftasöfnunar sýnir og staðfestir að ekki er tilefni til að halda íbúakosningu um málið.
Þá ber forseti upp til atkvæða þá tillögu sem liggur fyrir fundinum um sölu um hlut sveitarfélagsins í HS veitum.
Óskað er eftir nafnakalli.
Sigurður Þ. Ragnarsson Nei Ágúst Bjarni Garðarsson Já Árni Rúnar Þorvaldsson Nei Friðþjófur Helgi Karlsson Nei Guðlaug Kristjánsdótir Nei Guðbjörg Oddný Jónasdóttir Já Jón Ingi Hakonarson Nei Kristín Thoroddsen Já Ólafur Ingi tómasson Já Rósa Guðbjartsdóttir Já Kristinn Andersen Já
Bæjarstjórn samþykkir því með sex atkvæðum, frá fulltrúum meirihluta, sölu á hlutabréfum Hafnarfjarðarkaupstaðar í HS Veitum hf. til HSV eignarhaldsfélags slfhf. sbr. fyrirliggjandi kauptilboð. Fimm fulltrúar minnihlutans greiða atkvæði á móti.
Rósa Guðbjartsdóttir kemur að svohljóðandi bókun fyrir hönd Sjálfstæðisflokks og Framsóknar:
Bæjarfulltrúar Sjálfstæðisflokks og Framsóknar bóka eftirfarandi:
Sala hlutar í HS-Veitum styrkir Hafnarfjörð
Á bæjarráðsfundi 22. apríl var samþykkt að hafinn yrði undirbúningur að sölu hlutabréfa Hafnarfjarðarkaupstaðar í HS Veitum hf sem er 15,42% með það að markmiði að hlutabréf sveitarfélagsins yrðu seld. Hlutur Hafnarfjarðar í HS Veitum var auglýstur í dagblöðum í maí og fengu um 30 fagfjárfestar gögn um fjárfestinguna. Að afloknu sex mánaða ítarlegu söluferli stóð að lokum eftir fyrirvaralaust tilboð í hlutinn að fjárhæð 3,5 milljarðar króna. Bjóðandi var HSV eignarhaldsfélag sem er um 90% í eigu lífeyrissjóða sem standa að baki yfir helmings lífeyriskerfis landsins. Niðurstaða söluferlisins er fagnaðarefni. Ljóst er að mjög gott verð hefur fengist fyrir hlutinn og bent er á að með sölunni eignast lífeyrissjóðir hlut bæjarins sem verður þá áfram í eigu almennings. Hluturinn í HS Veitum hefur engin áhrif á íbúa í Hafnarfirði en verðlagning á raforkudreifingu er bundin ströngum skilyrðum í raforkulögum. Andvirði sölunnar dregur aftur á móti úr lánsfjárþörf Hafnarfjarðar og lækkar þannig afborganir og vexti í framtíðinni. Jafnframt veitir salan Hafnarfjarðarbæ færi á því að sækja fram með hagsmuni bæjarbúa að leiðarljósi og milda þannig höggið vegna Covid-19 faraldursins. Það er mat meirihlutans í Hafnarfirði að þessum fjármunum bæjarins sé betur varið í þágu bæjarbúa en sem minnihlutaeign í félagi sem þessu.
Á fundi bæjarstjórnar í dag liggur fyrir röksemdafærsla fyrir sölunni sem í vantar mikilvæga þætti sem varða hagsmuni bæjarbúa. Ljóst má vera af umræðu um fjárhagsstöðu sveitarfélaga, bæði í fjölmiðlum og á pólitískum vettvangi, að sterk rök hníga að því að ríkissjóður verði að stíga inn með afgerandi hætti, annað hvort með afar hagstæðum lánum á ríkis- og/eða Seðlabankakjörum eða þá með beinum framlögum til að mæta tekjutapi. Samanburður innan OECD styður þau rök með afgerandi hætti.
Sú greining sem meirihlutinn leggur fram til stuðnings á sölu almannaeignar í grunninnviðum tekur ekkert tillit til þess að þessi ríkisstuðningur sé til umræðu. Því er haldið fram að það felist bein áhætta í því að bærinn eigi áfram hlut sinn í HS Veitum en ekki vikið að því orði hvort áhætta geti falist í því að selja of snemma. Í gögnum með málinu er talið til áhættu að Hafnarfjörður geti orðið innlyksa með hlut sinn ef Reykjanesbær ákveði að selja leyfilegan hluta opinberra aðila í HS Veitum. Fulltrúum minnihlutans vitanlega hefur ekkert komið fram sem bendir til þess að Reykjanesbær sé í söluhugleiðgum. Því er asi málsins af hálfu meirihlutans óskiljanlegur. Síðast en alls ekki síst skal því haldið til haga að bæjarbúar hafa ekki verið spurðir álits á málinu, enda var sala á almannaeign alls ekki til umræðu í síðustu kosningum. Fyrir liggur að Sjálfstæðisflokkur og Framsókn hafa hafnað boði minnihlutans um aukið samstarf þvert á pólitískar línur í þeim stóru verkefnum sem framundan eru í rekstri bæjarins. Það skref sem þau stíga hér í dag er glögglega til marks um það að þeim hugnast best að keyra mál í gegn með meirihlutavaldi.
Fundargerð fjölskylduráðs frá 23.október sl. Fundargerð skipulags- og byggingaráðs frá 20.október sl. Fundargerð umhverfis- og framkvæmdaráðs frá 21.október sl. a. Fundargerðir stjórnar SORPU bs. frá 28.ágúst og 15.september sl. b. Fundargerðir stjórnar Strætó bs. frá 4. og 25.september og 9.október sl. Fundargerðir fræðsluráðs frá 15. og 21. október sl. a. Fundargerð íþrótta- og tómstundanefndar frá 14.október sl. Fundargerðir bæjarráðs frá 19. og 22.október sl. a. Fundargerð hafnarstjórnar frá 7.október sl. b. Fundargerð heilbrigðiseftirlits Hafnarfjarðar- og Kópavogssvæðis frá 19.október sl. c. Fundargerð menningar- og ferðamálanefndar frá 15.október sl. d. Fundargerðir stjórnar SORPU bs. frá 25. september og 9.október sl. e. Fundargerðir stjórnar SSH frá 5. og 12.október sl. f. Fundargerð stjórnar Strætó bs. frá 9.október sl. Fundargerð forsetanefndar frá 26.október sl.
Helga Ingólfsdóttir mætir á ný til fundar kl. 19:06 og víkur Guðbjörg Oddný þá af fundi.
Til máls tekur Friðþjófur Helgi Karlsson undir 2. lið í fundargerð fjölskylduráðs frá 23. október. Til andsvars kemur Helga Ingólfsdóttir og svarar Friðþjófur andsvari.
