Bæjarstjórn

12. maí 2021 kl. 14:00

í fundarsal bæjarstjórnar Hafnarborg

Fundur 1869

Mætt til fundar

  • Rósa Guðbjartsdóttir bæjarstjóri
  • Kristinn Andersen forseti
  • Ágúst Bjarni Garðarsson 2. varaforseti
  • Ólafur Ingi Tómasson aðalmaður
  • Adda María Jóhannsdóttir aðalmaður
  • Friðþjófur Helgi Karlsson aðalmaður
  • Jón Ingi Hákonarson aðalmaður
  • Guðlaug Svala Steinunnar Kristjánsdóttir aðalmaður
  • Kristín María Thoroddsen aðalmaður

Mættir voru allir aðalbæjarfulltrúar að undanskildum Sigurði Þ. Ragnarssyni og Helgu Ingólfsdóttur. Í þeirra stað sitja fundinn Gísli Sveinbergsson og Guðbjörg Oddný Jónasdóttir.

Forseti bæjarstjórnar, Kristinn Andersen, setti fundinn og stjórnaði honum.

Í upphafi fundar bar forseti upp tillögu um að taka af dagskrá mál 1803160-Ærslabelgur. Tillagan samþykkt samhljóða.

Ritari

  • Guðríður Guðmundsdóttir

Mættir voru allir aðalbæjarfulltrúar að undanskildum Sigurði Þ. Ragnarssyni og Helgu Ingólfsdóttur. Í þeirra stað sitja fundinn Gísli Sveinbergsson og Guðbjörg Oddný Jónasdóttir.

Forseti bæjarstjórnar, Kristinn Andersen, setti fundinn og stjórnaði honum.

Í upphafi fundar bar forseti upp tillögu um að taka af dagskrá mál 1803160-Ærslabelgur. Tillagan samþykkt samhljóða.

  1. Almenn erindi

    • 2009507 – Brú lífeyrissjóður, breytingar á réttindaákvæðum, erindi

      16.liður úr fundargerð bæjarráðs frá 28.janúar sl.
      Á fundi bæjarráðs Hafnarfjarðar þ. 28.janúar sl. var eftirfarandi tekið fyrir:
      2009507 – Brú lífeyrissjóður, breytingar á réttindaákvæðum, erindi

      Lagt fram svar frá stjórn Starfsmannafélags Hafnarfjarðar. Til afgreiðslu.

      Bæjarráð samþykkir fyrirliggjandi breytingu á réttindaákvæðum.

      Samþykkt samhljóða með 11 atkvæðum.

    • 1811286 – Rekstrarsamningur við Hraunbúa

      7.liður úr fundargerð fræðsluráðs frá 5.maí sl.
      Drög að rekstrarsamningi milli Hafnarfjarðarbæjar og Skátafélagsins Hraunbúa lagður fram til samþykktar.

      Fræðsluráð samþykkir fyrir sitt leyti að vísa meðfylgjandi rekstrarsamningi milli Hafnarfjarðarbæjar og Skátafélagsins Hraunbúa til samþykkis í bæjarstjórn.

      Samþykkt samhljóða með 11 atkvæðum.

    • 2105021 – Hafnarborg, listaverk

      Til umræðu.

      Til máls tekur Adda María Jóhannsdóttir. Einnig Rósa Guðbjartsdóttir. Adda María Jóhannsdóttir kemur til andsvars. Rósa Guðbjartsdóttir svarar andsvari. Adda María Jóhannsdóttir kemur til andsvars öðru sinni. Rósa Guðbjartsdóttir svarar andsvari öðru sinni.
      Til máls tekur Jón Ingi Hákonarson. Til andsvars kemur Rósa Guðbjartsdóttir. Jón Ingi Hákonarson svarar andsvari. Rósa Guðbjartsdóttir kemur til andsvars öðru sinni. Jón Ingi Hákonarson svarar andsvari öðru sinni. Rósa Guðbjartsdóttir kemur að athugasemd.
      Til máls tekur Guðlaug Kristjánsdóttir. Rósa Guðbjartsdóttir tekur til andsvars. Guðlaug Kristjánsdóttir svarar andsvari.
      Til máls tekur Friðþjófur Helgi Karlsson.

      Fundarhlé gert kl. 15:56.
      Fundi fram haldið kl. 16:11.

      Guðlaug Kristjánsdóttir fulltrúi Bæjarlista leggur fram svohljóðandi tillögu:
      Bæjarfulltrúi Bæjarlistans leggur til að bæjarstjórn ógildi ákvörðun bæjarráðs þar sem fjallað var um staðsetningu listaverks í ytra rými Hafnarborgar.
      Rökstuðningur: Fagleg og listræn sýningarstjórn einstakra sýninga í Hafnarborg á ekki erindi við bæjarráð. Samkvæmt starfslýsingu forstöðumanns Hafnarborgar ber hann ábyrgð á stjórnsýslu safnsins og eftirliti með þjónustu safnsins. Afskipti bæjarráðs af uppsetningu listaverka á því ekki rétt á sér.

      Jón Ingi Hákonarson tekur til máls öðru sinni.

      Rósa Guðbjartsdóttir tekur til máls. Guðlaug Kristjánsdóttir kemur til andsvars.
      Ágúst Bjarni Garðarsson tekur til máls. Guðlaug Kristjánsdóttir kemur til andsvars.

      Fulltrúar Viðreisnar, Samfylkiingar og Bæjarlistans leggja fram svohljóðandi tillögu:
      Fulltrúar Viðreisnar, Samfylkingar og Bæjarlistans leggja til að Bæjarstjórn Hafnarfjarðar biðji listamennina Libiu Castro og Ólafs Ólafssonar afsökunar á því að listaverk þeirra hafi verið tekið niður af gafli Hafnarborgar.

      Jón Ingi Hákonarson
      Adda María Jóhannsdóttir
      Friðþjófur Helgi Karlsson
      Guðlaug Kristjánsdóttir

      Framangreind tillaga Guðlaugar Kristjánsdóttur er borin upp til atkvæða.

      Tillagan er felld með 6 atkvæðum meirihluta gegn 4 atkvæðum minnihluta. Fulltrúi Miðflokksins situr hjá.

      Rósa Guðbjartsdóttir kemur að bókun:

      Vinnu við verklagsreglur Hafnarborgar, hlutverk og umboð þeirra sem að safninu koma þarf að skerpa eins og komið hefur fram á þessum fundi og samþykkt stjórnar Hafnarborgar frá 12. maí ber með sér. Ekki síst á það við um hlutverk bæjarráðs og stjórnar Hafnarborgar. Í viðauka við gjafabréf Hafnarborgar segir í 3. gr. eftirfarandi: Forstöðumaður ber ábyrgð á rekstri og stjórnsýslu safnsins, þar með talið fjármálum, starfsmannamálum og á framkvæmd ákvarðana stjórnar og bæjarráðs.

      Fundarhlé gert kl. 16:27.
      Fundi fram haldið kl. 16:38.

      Adda María Jóhannsdóttir kemur að svohljóðandi bókun:

      Bókun bæjarstjóra ber í besta falli vott um misskilning á fyrirliggjandi tillögu og rökstuðningi hennar.
      Fulltrúar Samfylkingar, Viðreisnar og Bæjarlistans taka undir yfirlýsingu Listráðs Hafnarborgar sem „fordæmir öll afskipti stjórnmálamanna af listrænni starfsemi safnsins, hvort sem það varðar val á listamönnum og listaverkum, uppsetningu verka, útfærslu eða tímabundna staðsetningu þeirra, innan dyra sem og utan. Hús Hafnarborgar heyrir til sýningarsvæðis safnsins, og er afar mikilvægur snertiflötur við almannarýmið. Listaverk og gjörningar á vegum Hafnarborgar hafa enda áður teygt anga sína út fyrir veggi safnsins án þess að forstöðumaður hafi þurft að sækja um formlegt leyfi til bæjaryfirvalda. Afskipti bæjarstjóra eru afar varhugaverð og munu skaða listrænt frelsi safnsins og listarinnar í heild sinni.“
      Það er alvarlegt mál að meirihluti bæjarstjórnar og bæjarstjóri skuli lýsa í verki andstöðu við ályktun listráðs Hafnarborgar og sitji fast við þann keip að þeim sé heimilt að hafa afskipti af listrænu frelsi safnsins og setji þar með faglegri stjórn og tjáningarfrelsi stofnunarinnar í uppnám.

      Adda María Jóhannsdóttir
      Friðþjófur Helgi Karlsson
      Guðlaug Svala Steinunnar Kristjánsdótir.
      Jón Ingi Hákonarson

      Framangreind tillaga Viðreisnar, Samfylkingar og Bæjarlista er borin upp til atkvæða.

      Tillagan er felld með 6 atkvæðum meirihluta gegn 4 atkvæðum minnihluta. Fulltrúi Miðflokks situr hjá.

      Ágúst Bjarni Garðarsson kemur að bókun:

      Meirihluti Sjálfstæðisflokks og Framsóknar bóka eftirfarandi:
      Listaverkið sem um ræðir var tekið niður 2. maí þar sem tilskilin leyfi vantaði fyrir uppsetningu þess. Um er að ræða hús í eigu Hafnarfjarðarbæjar en þegar þess er óskað að setja upp skilti, myndverk eða annað á eða við húsnæði bæjarins þarf slíkt erindi að fara í formlegt ferli og afgreiðslu. Þar gengur það sama yfir alla sem áhuga hafa á slíku. Formleg afgreiðsla lá ekki fyrir í þessu máli. Málamiðlunartillaga bæjarstjóra að flýtimeðferð við að koma verkinu aftur upp við listasafnið var samþykkt á fundi bæjarráðs 6. maí sl. Ekki hefur náðst samkomulag við listamennina um þá útfærslu. Á fundi stjórnar Hafnarborgar 12. maí var samþykkt að forstöðumaður Hafnarborgar sæki um leyfi til skipulagsfulltrúa fyrir því að hengja listaverkið aftur upp á gafl Hafnarborgar. Forstöðumanni var falið að sækja um stöðuleyfi til byggingarfulltrúa fyrir uppsetningu verksins. Stjórn Hafnarborgar er sammála um að skerpa þurfi á ferlum og vinnulagi við sýningahald í Hafnarborg. Því var stjórnsýslusviði Hafnarfjarðarbæjar falið, í samráði við forstöðumann, að gera tillögu að verklags- og vinnureglum um stofnunina og sýningar í listamiðstöðinni. Þar verði skilgreind umboð og hlutverk þeirra sem að stofnuninni koma með tilliti til gjafabréf um stofnunina frá árinu 1983. Bæjarfulltrúar fagna því að lausn sé komin í málið.

      Adda María Jóhannsdóttir kemur að bókun:

      Fulltrúar Samfylkingar, Viðreisnar og Bæjarlistans lýsa furðu og vonbrigðum með að fulltrúar Sjálfstæðisflokks og Framsóknar hafi fellt tillögu um að biðja listafólkið afsökunar og sýnt þannig ósveigjanleika þrátt fyrir ný gögn sem bárust fundinum frá Listráði Hafnarborgar. Undirrituð vilja fyrir sína hönd biðja listafólkið formlega afsökunar á þeirri meðferð sem þau hafa sætt af hálfu Hafnarfjarðarbæjar síðustu vikur.

      Adda María Jóhannsdóttir
      Friðþjófur Helgi Karlsson
      Guðlaug Svala Steinunnar Kristjánsdóttir
      Jón Ingi Hákonarson

    Fundargerðir

    • 2101038 – Fundargerðir 2021, til kynningar í bæjarstjórn

      Fundargerð umhverfis- og framkvæmdaráðs frá 5.maí sl.
      a. Fundargerð stjórnar SORPU bs. frá 9.apríl sl.
      Fundargerð fræðsluráðs frá 5.maí sl.
      a. Fundargerð íþrótta- og tómstundanefndar frá 27.apríl sl.
      Fundargerð fjölskylduráðs frá 7.maí sl.
      Fundargerð bæjarráðs frá 5.maí sl.
      a. Fundargerðir hafnarstjórnar frá 21.og 26.apríl sl.
      b. Fundargerð heilbrigðiseftirlits Hafnarfjarðar- og Kópavogssvæðis frá 26.apríl sl.
      c. Fundargerð menningar- og ferðamálanefndar frá 28.apríl sl.
      d. Fundargerð stjórnar Samtaka orkusveitarfélaga frá 16.apríl nk.
      e. Fundargerð stjórnar Sambands íslenskra sveitarfélaga frá 30.apríl sl.
      f. Fundargerð stjórnar SORPU bs. frá 9.apríl sl.
      g. Fundargerð stjórnar SSH frá 12.apríl sl.
      Fundargerð skipulags- og byggingaráðs frá 4.maí sl.
      Fundargerð forsetanefndar frá 10.maí sl.

      Guðlaug Kristjánsdóttir tekur til máls undir lið 7 í fundargerð fjölskylduráðs frá 7. maí.
      Guðbjörg Oddný Jónasdóttir tekur til máls undir fundargerð fræðsluráðs frá 5. maí og menningar- og ferðamálanefndar frá 28. apríl.
      Til máls tekur Friðþjófur Helgi Karlsson undir 3. lið í fundargerð fræðsluráðs frá 5. maí.

Ábendingagátt