Automatic translation by Google Translate. We cannot guarantee that it is accurate.

Fjölskylduráð

24. janúar 2023 kl. 08:15

í fundarsal bæjarráðs, Strandgötu 6

Fundur 481

Mætt til fundar

  • Margrét Vala Marteinsdóttir formaður
  • Jóhanna Erla Guðjónsdóttir aðalmaður
  • Helga Ingólfsdóttir varaformaður
  • Árni Rúnar Þorvaldsson aðalmaður
  • Auður Brynjólfsdóttir aðalmaður
  • Árni Stefán Guðjónsson áheyrnarfulltrúi

Einnig sat Guðríður Guðmundsdóttir, staðgengill sviðsstjóra, fundinn.

Ritari

  • Erna Aradóttir ritari fjölskylduráðs

Einnig sat Guðríður Guðmundsdóttir, staðgengill sviðsstjóra, fundinn.

  1. Almenn erindi

    • 1809463 – Öldungaráð

      Sjöfn Guðmundsdóttir deildarstjóri mætir til fundar og kynnir minnisblað um fjölgun funda í öldungaráði.

      Lagt fram.

      Fjölskylduráð þakkar Sjöfn Guðmundsdóttur fyrir kynninguna.

      Fjölskylduráð óskar eftir að reglur um Öldungaráð verði teknar til skoðunar hjá Öldungaráði og á fjölskyldu- og barnamálasviði.

    • 1110181 – Fatlaðir, ráðgjafarráð

      Sjöfn Guðmundsdóttir deildarstjóri mætir til fundar og kynnir minnisblað um fjölgun funda í ráðgjafaráði.

      Lagt fram.
      Fjölskylduráð þakkar Sjöfn Guðmundsdóttur fyrir kynninguna.

    • 22111193 – Viðhald húsnæðis og lóðar 2022 og viðhaldsáætlun 2023

      Starfsmenn umhverfis- og skipulagssviðs mæta til fundar og kynna viðhaldsskýrslu 2022 og viðhaldsáætlun 2023.

      Lagt fram

      Fjölskylduráð þakkar Helgu Stefánsdóttur, Stefáni Eiríki Stefánssyni og Einari Kr Haraldssyni fyrir góða kynningu á viðhaldi húsnæðis og lóðar 2022 og viðhaldsáætlun 2023.

    • 1804381 – Barnavernd Hafnarfjarðar, beiðni um aukin stöðugildi

      Helena Unnarsdóttir deildarstjóri leggur fram erindi um aukin stöðugildi í barnavernd.

      Lagt fram.

      Fjölskylduráð þakkar Helenu Unnarsdóttur fyrir kynninguna og óskar eftir að fá ítarlega kynningu á starfsemi deildarinnar þar sem margir ráðsmenn eru nýjir og mikilvægt að fara yfir helstu verkefni barnaverndar. Einnig upplýsingar um öll stöðugildi og verkaskiptingu innan deildarinnar og hvernig umbótaáætlun sem gerð var í framhaldi af úttekt á starfsemi sviðsins hefur gengið.

      Einnig óskar fjölskylduráð eftir upplýsingum um aðkeypta þjónustu fagaðila síðustu ár.

      Fulltrúar Samfylkingarinnar lýsa yfir áhyggjum af þeirri alvarlegu stöðu sem uppi er í barnaverndarmálum í Hafnarfirði. Þrátt fyrir gott starf Brúarinnar er ljóst að tilkynningum til Barnaverndar hefur ekki fækkað og málin eru þyngri en áður. Hér er á ferðinni gríðarlega mikilvæg og viðkvæm þjónusta sem þolir enga óvissu og sleifarlag. Starfsfólk er undir miklu álagi og bregðast verður við stöðunni af festu strax.

    • 2301645 – Húsnæðismál, fyrirspurn

      Fyrirspurn Samfylkingarinnar um húsnæðismál
      Félagslegar íbúðir
      1. Hvað eru margar félagslegar íbúðir í Hafnarfirði og hversu margar eru þær á hverja þúsund íbúa bæjarfélagsins?
      2. Hversu margir einstaklingar og fjölskyldur eru núna á biðlista eftir félagslegu húsnæði hjá Hafnarfjarðarbæ?
      a. Hversu margir á biðlistanum teljast í brýnni þörf eftir húsnæði?
      b. Hver er meðalbiðtími fólks á biðlistanum eftir húsnæði?
      3. Hversu margar íbúðir hefur Hafnarfjarðarbær keypt inn í félagslega húsnæðiskerfið á síðustu fimm árum, sundurliðað eftir árum, þ.e. 2018, 2019, 2020, 2021 og 2022.

      Íbúðir fyrir fatlað fólk
      1. Hversu margir einstaklingar eru á biðlista eftir húsnæði fyrir fatlað fólk í Hafnarfirði?
      a. Hversu margir á biðlistanum teljast í brýnni þörf eftir húsnæði?
      b. Hver er meðalbiðtími fólks á biðlistanum eftir húsnæði?
      2. Hversu margir einstaklingar eru í búsetuúrræðum í dag sem ekki teljast fullnægjandi, þ.e. svokölluðum herbergjaheimilum? Það er yfirlýst stefna stjórnvalda að ekki skuli haldið áfram að nýta slíkt búsetuúrræði.
      3. Hversu margar íbúðir fyrir fatlað fólk eru á framkvæmdastigi í Hafnarfirði í dag?
      a. Hversu margar íbúðir fyrir fatlað fólk verða teknar í notkun á yfirstandandi ári?
      4. Hversu margar íbúðir fyrir fatlaða fólk voru byggðar í Hafnarfirði á sl. fimm árum? Óskað er sundurliðunar eftir árum, þ.e. 2018, 2019, 2020, 2021 og 2022.

      Almennar íbúðir
      1. Hafa einhverjar íbúðir verið byggðar í Hafnarfirði á vegum óhagnaðardrifinna leigu- eða búseturéttarfélaga sl. 5 ár? Óskað er sundurliðunar eftir árum, þ.e. 2018, 2019, 2020, 2021 og 2022?
      2. Hefur Hafnarfjarðarbær veitt stofnframlög vegna íbúða hjá óhagnaðardrifnum félögum á grundvelli laga nr. 52/2016 um almennar íbúðir á sama tíma?
      a. Ef svar við spurningu 2 er já, vegna hversu margra íbúða eru þau stofnframlög og hver er samanlögð fjárhæð nú þegar veittra stofnframlaga?
      3. Hversu margar íbúðir eru á framkvæmdastigi innan Hafnarfjarðarbæjar í dag og hvert er hlutfall íbúða á vegum óhagnaðardrifinna félaga?
      4. Hversu margar stúdentaíbúðir hafa verið byggðar í Hafnarfirði sl. fimm ár? Óskað er sundurliðunar eftir árum, þ.e. 2018, 2019, 2020, 2021 og 2022.
      5. Hversu margar íbúðir fyrir eldri borgara hafa verið byggðar í Hafnarfirði sl. fimm ár? Óskar er sundurliðunar eftir árum, þ.e. 2018, 2019, 2020, 2021 og 2022.

    Fundargerðir

    • 1110181 – Fatlaðir, ráðgjafarráð

      Frestað.

Ábendingagátt