Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarráðs, Strandgötu 6
Einnig sat Rannveig Einarsdóttir sviðsstjóri fundinn
Samvinna Fjölskylduþjónustu og Starfsendurhæfingar Hafnarfjarðar. Anna Guðný Eiríksdóttir, framkvæmdastjóri Starfsendurhæfingarinnar og Soffía Ólafsdóttir, deildarstjóri á Fjölskylduþjónustunni mæta á fundinn.
Fjölskylduráð þakkar Önnu Guðný og Soffíu fyrir góða kynningu.
Bókun: Fjölskylduráð leggur á það áherslu að samstarf fjölskylduþjónustu Hafnarfjarðar og Starfsendurhæfingar Hafnarfjarðar verði eflt enn frekar. Leitast þarf við að skapa störf innan sveitarfélagsins til að einstaklingar sem nýta þjónustu Starfsendurhæfingar Hafnarfjarðar geti snúið aftur út á vinnumarkaðinn. Sviðstjóra er falið að taka þetta upp á fundi sviðstjóra bæjarins og kanna hvar hægt sé að auka svigrúm til fjölbreyttra starfa. Ennfremur verði skoðað að taka upp samstarf við Markaðstofu Hafnarfjarðar.
Kynning á stöðu samstarfsverkefnis Fjölskyldu- og Fræðslu- og frístundaþjónustu en meginmarkmið verkefnisins er að auka lífsgæði barna og fjölskyldna í Hafnarfirði. Hulda Björk Finnsdóttir, verkefnastjóri Hafnarfjarðarlíkansins mætir á fundinn.
Fjölskylduráð þakkar Huldu fyrir góða kynningu.
Bókun: Fjölskylduráð fagnar þessari auknu samvinnu fjölskyldu- og fræðslu ? og frístundasviðs. Hér er um að ræða stórt skref í átt að bættri þjónustu við börn og fjölskyldur þeirra.
Guðmundur Pálsson, ráðgjafi hjá KPMG mætir á fundinn og fer yfir drög að húsnæðisstefnu.
Fjölskylduráð þakkar Guðmundi fyrir góða kynningu.
Drög að húsnæðisstefnu lögð fram. Vísað í bæjarráð og skipulagsráð til kynningar og óskað er eftir umsögn þessara ráða.
Guðmundur Sverrisson og Elsa Guðrún Jóhannsdóttir frá fjármálasviði mæta á fundinn og fara yfir stöðu fjárhagsáætlunar sviðsins árið 2018.
Elsa Guðrún Jóhannsdóttir frá fjármálasviði mætti til fundarins og fór yfir stöðu fjárhagsáætlunar sviðsins árið 2018.
Fjölskylduráð þakkar Elsu Guðrúnu fyrir kynninguna.
Fyrir fundinum liggja upplýsingar um uppbyggingu heimilis fyrir fatlað fólk, fundargerð Ráðgjafarráðs í málefnum fatlaðs fólks og minnisblað sviðsstjóra dagsett 13. sept. 2018.
: Fjölskylduráð samþykkir samvinnu við sjálfseignarstofnunina Ásgarð/Embla. Um er að ræða samning um rekstur á heimili fyrir einstaklinga með þroskaskerðingu sem eiga við fjölþættan vanda að stríða. Með samningi við Ásgarð/EMBLU fær Hafnarfjarðarbær pláss fyrir tvo einstaklinga.
Fyrir fundinum liggur minnisblað vegna lóðar að Smyrlahrauni °41a. Óskað er eftir lóðinni fyrir búsetukjarna fyrir fatlað fólk.
Fjölskylduráð samþykkir að óska eftir lóðinni að Smyrlahrauni 41a fyrir búsetukjarna fyrir fatlað fólk.
Fulltrúi Samfylkingarinnar fagnar því að verið sé að bregðast við vanda í húsnæðismálum fatlaðs fólks í Hafnarfirði með þessari lóðarumsókn. Skv. svörum við fyrirspurn Samfylkingarinnar frá 17. ágúst sl. kom fram að þörf væri á 3-4 búsetukjörnum í viðbót við þá sem voru í undirbúningi. Það blasir við að vandinn er alvarlegur og aðkallandi að bregðast við honum eins fljótt og kostur er.
Fjölskylduráð óskar eftir upplýsingum um stöðu verkefna sem eru í undirbúningi og óskar eftir kynningu frá Sviðstjóra Umhverfis og skipulagsþjónustu á næsta fundi og Ráðgjafarráði fatlaðra verði boðin þáttaka á fundinum.
Lagt fram svar við fyrirspurn Samfylkingarinnar frá 17.ágúst 2018.
Fulltrúi Samfylkingarinnar þakkar framlögð svör við fyrirspurnum um þetta mál sem lagðar voru fram á fundi Fjölskylduráðs þann 17. ágúst sl. Á síðustu rúmu fjórum árum hefur Hafnarfjarðarbær keypt 21 íbúð inn í félagslega íbúðakerfið en að teknu tilliti til íbúafjölda þyrfti Hafnarfjarðarbær að fjölga íbúðum um 221 til þess að íbúðir innan kerfisins teldust jafn margar og í Reykjavík. Félagslegar íbúðir eru 7,9 á hverja þúsund íbúa í Hafnarfirði en landsmeðaltalið er 10,5 íbúðir á hverja þúsund íbúa. Svörin sýna því að nauðsynlegt er að setja aukinn kraft í að fjölga íbúðum í félagslega kerfinu til þess að mæta þeirri brýnu þörf sem til staðar og stytta biðtíma.
Fyrir fundinum liggja drög að erindisbréfi starfshóps um dagdvöl fyrir heilabilaða.
Lagt fram erindisbréf fyrir starfshóp sem hefur það verkefni að leggja fram hugmyndir um húsnæði sem hentar fyrir dagdvöl fyrir heilabilaða í sveitarfélaginu. Starfshópurinn á að ljúka störfum í lok október.
Fjölskylduráð hefur skipað eftirtalda aðila í starfshópinn:
Valdimar Víðisson, fulltrúi meirihluta. Formaður. Erla Sigríður Ragnarsdóttir, fulltrúi meirihluta. Auðbjörg Ólafsdóttir, fulltrúi minnihluta. Starfsmaður starfshópsins er sviðsstjóri Fjölskyldusviðs.
Samkvæmt barnaverndarlögum nr. 80/2002 skulu sveitarfélög marka sér stefnu og gera framkvæmdaáætlun á sviði barnaverndar innan sveitarfélagsins. Fyrir fundinum liggur drög að erindisbréfi starfshóps um gerð framkvæmdaáætlunar.
Fjölskylduráð hefur skipað eftirtalda aðila í verkefnastjórnina:
Jóhanna Erla Guðjónsdóttir, fulltrúi meirihluta. Formaður. Kristjana Ósk Jónsdóttir, fulltrúi meirihluta. Dagbjört Rún Guðmundsdóttir, fulltrúi minnihluta. Starfsmenn hópsins eru Ólína Birgisdóttir, deildarstjóri barnaverndar, Haukur Haraldsson, sálfræðingur Fjölskylduþjónustu og Eiríkur Þorvarðarson, yfirsálfræðingur á fræðslu- og frístundasviði.
Lögð fram niðurstaða málskotsnefndar í málum nr. 8/2018 og 9/2018.
Fjölskylduráð staðfestir niðurstöðu afgreiðslu málskotsnefndar.
Fjölskylduráð leggur til að skoðað verði aðgengi fatlaðra að menningarstofnunum og íþróttamannvirkjum bæjarins. Mikilvægt er að tryggt sé jafnt aðgengi allra að þessum mannvirkjum. Málinu vísað til ráðgjafaráðs fatlaðra sem tekur málið til umsagnar.