Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarráðs, Strandgötu 6
Einnig sat Rannveig Einarsdóttir, sviðsstjóri, fundinn.
Sérfræðingar fjármálasviðs mæta á fundinn og fara yfir drög að fjárhagsáætlun fyrir árið 2022.
Tillögur fulltrúa Samfylkingar og Bæjarlista
NPA samningar Lagt er til að taxtar NPA samninga bæjarfélagsins verði hækkaðir í samræmi við taxta NPA miðstöðvarinnar en þeir miðast við kjarasamninga Eflingar.
Greinargerð: Það er skýr krafa á notendur NPA og umsýsluaðila að þeir fari eftir ákvæðum kjarasamninga í framkvæmd NPA samninga. Til þess að það geti gengið eftir þá verða sveitarfélögin að taka mið af því.
Fjölmenningarráð Lagt er til að aukið verði við stöðugildi fjölmenningarfulltrúa úr 50% í 100%.
Greinargerð: Nauðsynlegt er að efla starf fjölmenningarfulltrúa frá því sem nú er til þess að styðja við það mikilvæga starf sem hann sinnir. Við gerð síðustu fjárhagsáætlunar óskaði fjölmenningarráð eftir því að stöðugildi fjölmenningarfulltrúar yrði aukið úr 50% í 100% en meirihlutinn hafnaði þeirri tillögu. Við teljum mikilvægt efla þessa starfsemi hjá bæjarfélaginu og leggjum því fram þessu tillögu fyrir fjárhagsáætlun 2022.
Fátækt barna í Hafnarfirði Lagt er til að settur verði á fót starfshópur á vegum fjölskylduráðs sem gert verður að kortleggja fátækt barna í Hafnarfirði. Í úttekt starfshópsins verði leitast við að átta sig á umfangi vandans í bænum og hópurinn skal einnig móta aðgerðaáætlun þar sem leitast verður við að koma til móts við þennan hóp.
Greinargerð: Verulegar líkur eru á því að talsverður hópur barna búi við skilgreinda fátækt í Hafnarfirði í dag líkt og í öðrum sveitarfélögum á landinu. Það er óásættanlegt. Erfitt er þó að gera sér grein fyrir því hve stór vandinn er. Því er mikilvægt að sveitarfélagið ráðist í greiningu af þessu tagi og komi fram með raunhæfar tillögur sem geta komið til móts við þennan hóp barna í samfélaginu.
Fyrirspurn fulltrúa Samfylkingarinnar um húsnæðismál
Félagslegar íbúðir 1. Hvað eru margar félagslegar íbúðir í Hafnarfirði og hversu margar eru þær á hverja þúsund íbúa bæjarfélagsins? 2. Hversu margir einstaklingar og fjölskyldur eru núna á biðlista eftir félagslegu húsnæði hjá Hafnarfjarðarbæ? a) Hversu margir á biðlistanum teljast í brýnni þörf eftir húsnæði? b) Hver er meðalbiðtími fólks á biðlistanum eftir húsnæði? 3. Hversu margar íbúðir hefur Hafnarfjarðarbær keypt inn í félagslega húsnæðiskerfið á síðustu fjórum árum, sundurliðað eftir árum, þ.e. 2018, 2019, 2020 og á yfirstandandi ári? 4. Hefur heimild til lántöku vegna kaupa á félagslegum íbúðum verið fullnýtt á síðustu fjórum árum? Óskað er eftir því að upplýsingar verðir sundurliðaðar eftir árum; 2018, 2019, 2020 og 2021.
Íbúðir fyrir fatlað fólk 1. Hversu margir einstaklingar eru á biðlista eftir húsnæði fyrir fatlað fólk í Hafnarfirði? a) Hversu margir á biðlistanum teljast í brýnni þörf eftir húsnæði? b) Hver er meðalbiðtími fólks á biðlistanum eftir húsnæði? 2. Hversu margir einstaklingar eru í búsetuúrræðum í dag sem ekki teljast fullnægjandi, þ.e. svokölluðum sambýlum? Það er yfirlýst stefna stjórnvalda að ekki skuli haldið áfram að nýta slíkt búsetuúrræði. 3. Hversu margar íbúðir fyrir fatlað fólk eru á framkvæmdastigi í Hafnarfirði í dag? a)Hversu margar íbúðir fyrir fatlað fólk verða teknar í notkun á yfirstandandi ári? 4. Hversu margar íbúðir fyrir fatlaða fólk voru byggðar í Hafnarfirði á sl. fjórum árum? Óskað er sundurliðunar eftir árum, þ.e. 2018, 2019, 2020 og 2021.
Almennar íbúðir 1. Hversu mörgum íbúðum á vegum óhagnaðardrifinna leigu- eða búseturéttarfélaga hefur verið úthlutað í Hafnarfirði sl. 4 ár? Óskað er sundurliðunar eftir árum, þ.e. 2018, 2019, 2020 og 2021. 2. Hefur Hafnarfjarðarbær veitt stofnframlög vegna byggingar almennra íbúða á vegum óhagnaðardrifinna leigu- eða búseturéttarfélaga á grundvelli laga nr. 52/2016 um almennar íbúðir? a)Ef svar við spurningu 2 er já, vegna hversu margra íbúða eru þau stofnframlög og hver er samanlögð fjárhæð nú þegar veittra stofnframlaga? 3. Hversu margar almennar íbúðir á vegum óhagnaðardrifinna félaga eru á framkvæmdastigi í Hafnarfirði í dag? 4. Hversu margar stúdentaíbúðir eru í Hafnarfirði í dag? a)Hversu margar stúdentaíbúðir hafa verið byggðar í Hafnarfirði sl. fjögur ár? Óskað er sundurliðunar eftir árum, þ.e. 2018, 2019, 2020 og 2021. 5. Hversu margar íbúðir eru á framkvæmdastigi innan Hafnarfjarðarbæjar í dag? 6. Hversu margar íbúðir voru byggðar í Hafnarfirði á sl. fjórum árum? Óskað er sundurliðunar eftir árum, þ.e. 2018, 2019, 2020 og 2021.
Árni Rúnar Þorvaldsson Fulltrúi Samfylkingarinnar í fjölskylduráði
Fyrirspurn fulltrúa Samfylkingarinnar um starfshóp um félagslega heimaþjónustu
Á fundi fjölskylduráðs þann 04.12.2020 var samþykkt erindisbréf fyrir starfshóp um félagslega heimaþjónustu og skipað í hann. Í erindisbréfi kemur fram að hópurinn hafi heimild til þess að halda 10 fundi og skuli skila af sér niðurstöðu eigi síðar en 1. mars 2021. Hópurinn hittist síðast á fundi þriðjudaginn 18. maí sl. Þá var um 6. fund starfshópsins að ræða. Þrátt fyrir nokkra tölvupósta fyrirspyrjandi til þess að komast að því hver næstu skref eigi að vera hjá starfshópnum hafa engin svör borist. Því er spurt: 1. Er búið að leggja starfshópinn niður? 2. Ef ekki er búið að leggja starfshópinn niður, hver eru þá næstu skref í störfum hans og hvenær stendur til að boða til næsta fundar?
Árni Rúnar Þorvaldsson Fulltrúi Samfylkingarinnar
