Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
á fjarfundi
Auk ofantalinna og undirritaðra sátu fundinn: Hrund Apríl Guðmundsdóttir, aðstoðarmaður sviðsstjóra, Vigfús Hallgrímsson, þróunarfulltrúi grunnskóla, Jenný Dagbjört Gunnarsdóttir, þróunarfulltrúi leikskóla, Guðbjörg Dögg Gunnarsdóttir, áheyrnarfulltrúi skólastjóra grunnskóla, Anna Sigríður Þorsteinsdóttir, áheyrnarfulltrúi grunnskólakennara, Inga Þóra Ásdísardóttir, varaáheyrnarfulltrúi leikskólastjóra, Sólveig Reynisdóttir, áheyrnarfulltrúi starfsfólks leikskóla, Kristín Ragnarsdóttir, áheyrnarfulltrúi foreldra grunnskólabarna og Margrét Thelma Líndal áheyrnarfulltrúi foreldra leikskólabarna.
Lögð fram fundargerð 345. fundar íþrótta- og tómstundanefndar.
Tinna Dahl Christiansen mætti á fundinn undir þessum lið.
Lagt fram bréf dags. 1. febrúar 2022 um endurnýjað starfsleyfi til daggæslu í heimahúsi fyrir Ásrúnu Höllu Finnsdóttur.
Samþykkt.
Lögð fram fyrstu drög að skóladagatali 2022-2023, grunnur fyrir grunnskóla.
Drög að skóladagatali 2022-2023 lögð fram til kynningar.
Lögð fram fyrstu drög að skóladagatali 2022-2023 grunnur fyrir leikskóla.
Drög að skóladagatali lögð fram til kynningar. Minnisblað þróunarfulltrúa leikskóla lagt fram og vísað til frekari umsagnar í foreldraráði leikskólabarna og skólastjórnenda leikskóla.
Á fundi bæjarráðs þ. 16.desember sl. var eftirfarandi tekið fyrir:
2.liður úr fundargerð fræðsluráðs frá 17.nóvember sl. Lögð fram drög að reglum um námssamninga starfsmanna leikskóla til samþykktar. Fræðsluráð samþykkti fyrir sitt leyti námssamninga starfsmanna í leikskólum og vísar til frekari samþykktar bæjarráðs.
Bæjarráð vísar námssamningum starfsmanna í leikskólum aftur til umræðu í fræðsluráði og óskar jafnframt eftir frekari skýringum og áhrifum á fjórða lið í liðnum “Annað” í fyrirliggjandi reglum.
Fræðsluráð samþykkir meðfylgjandi reglur um námssamninga starfsmanna leikskóla.
Niðurstaða könnunar vegna fyrirkomulags sumaropnunar lögð fram.
Á síðasta ári var samþykkt að heimila heilsársopnun leikskóla og jafnframt að ákvörðunin skyldi endurmetin í lok sumars. Reynslan hefur svo gefið til kynna að foreldrar tóku sumarfrí fyrir börn sín með mismunandi hætti, en aðeins 17% barna voru í leikskólum síðustu tvær vikur júlímánaðar. Við endurmatið var ákveðið að gera könnun á meðal foreldra og starfsmanna um fyrirkomulag sumarfría leikskólanna. Í könnuninni var hægt að velja á milli tveggja leiða; að hafa óbreytt fyrirkomulag þ.e. heilsársopnun, eða að lokað verði í tvær vikur í júlí. Niðurstaða könnunarinnar liggur fyrir og ljóst er að mikill meirihluti foreldra og starfsmanna vill loka leikskólum Hafnarfjarðar tvær síðustu vikur júlímánaðar. Sjálfstæðisflokkurinn,Framsókn og óháðir ásamt Miðflokki og Viðreisn samþykkir að verða við þeim óskum og að foreldrar geti valið sér sumarfrísmánuð, þ.e. mánaðar sumarfrísmánuð á hvaða tíma sem er yfir sumartímann. Ef foreldri velur ekki þær vikur sem lokað er greiðir viðkomandi ekki fyrir þær vikur. Með þessu teljum við að komið sé til móts við væntingar flestra foreldra og starfsmanna. Mennta- og lýðheilsusviði er falið að vinna að útfærslunni.
Fulltrúi Samfylkingar lagði fram eftirfarandi bókun; Fulltrúi Samfylkingar fagnar því að meirihlutinn sjái að sér og hlusti á raddir starfsfólks og foreldra og dragi til baka fulla sumaropnun og leggi til lokanir tvær síðustu vikurnar í júlí. Sigríður Ólafsdóttir (sign)
Fulltrúi Miðflokksins lagði fram eftirfarandi bókun; Fulltrúi Miðflokksins þakkar fyrir góð vinnubrögð við gerð könnunarinnar. Sumaropnun leikskóla var umdeilt mál þegar það var lagt fram og voru skiptar skoðanir á því sem skiptust að mestu eftir tveimur hópum, leikskólastjórar og starfsmenn annars vegar sem voru að stórum hluta ósáttir og foreldrar hins vegar sem voru að stórum hluta fylgjandi. Fulltrúi Miðflokksins talaði gegn sumaropnun á sínum tíma og biðlaði m.a. til meirihlutans varðandi það að endurskoða þessa ákvörðun og snúa frá henni sem var ekki gert. Fulltrúi Miðflokksins fagnar þar af leiðandi því að fundin sé lausn sem miðar að því að reyna að mæta báðum hópum á miðri leið með því að stíga frekar stórt skref frá algjörri sumaropnun og hafa lokað síðustu tvær vikurnar í júlí og foreldrar geta þá tvinnað sumarfrí sitt við þá lokun eða valið annan tíma en í könnuninni kemur fram að mikill meirihluti starfsmanna er sáttur við þessa lausn. Það kemur samt hvergi fram og hefur ekki verið kannað hvort einhverjir, starfsmenn eða foreldrar, vilji hverfa aftur að fyrra fyrirkomulagi, þ.e. þegar alveg var lokað í júlí og fram yfir verslunarmannahelgi. En þótt vissulega hefði verið áhugavert að sjá skoðun fólks á því þá er niðurstaðan þessi og er hún vel ásættanleg og jákvæð. Bjarney Grendal Jóhannesdóttir (sign)
Fulltrúi Bæjarlistans lagði fram eftirfarandi bókun; Þegar meirihluti fræðsluráðs fór í þá vegferð að hafa leikskóla bæjarins opna allt sumarið mætti það strax mikilli andstöðu, sérstaklega meðal starfsfólks leikskóla. Fulltrúin Bæjarlistans í fræðsluráði og fleiri lögðu þá til að bakkað væri með þessa tillögu eða í það minnsta beðið með hana þar sem margar aðrar utanaðkomandi aðstæður hafa verið að valda auknu álagi á starfsfólk leikskóla um þessar mundir. Ákvað meirihlutinn að halda þessu til streitu þrátt fyrir greinilega andstöðu. Nú er komið í ljós samkvæmt könnun sem lögð var fram að mikill meirihluti starfsfólks leikskóla og foreldra er á því að bakkað verði með þessa sumaropnun og frekar farin sú leið sem nú er í boði að leikskólar verði lokaðar í tvær vikur í júlí. Fulltrúi Bæjarlistans fagnar því að nú sé hlustað á þessar raddir en harmar um leið það auka álag sem þessi vegferð hefur valdið starfsfólki leikskóla. Birgir Örn Guðjónsson (sign)
Lögð fram tillaga meirihluta um fjölgun leikskólarýma í Hafnarfirði.
Meirihluti fræðsluráðs og Miðflokkur samþykkir að hefja undirbúning við fjölgun leikskólaplássa í Hafnarfirði. Eftir nýlegar viðræður við skólastjórnendur leik- og grunnskóla Hraunvallaskóla er mennta- og lýðheilsusviði falið að hefja undirbúning að fjölgun leikskólaplássa í færanlegum kennslustofum sem þegar eru staðsetttar við Hraunvallaskóla. Í nýju hverfi, Hamranesi, sem nú er að byggjast upp er gert ráð fyrir leik- og grunnskóla og er mennta- og lýðheilsusviði jafnframt falið að hefja undirbúning á nýjum leikskóla í Hamranesi.
Ljóst er að miðað við fjölgun plássa og stöðu mönnunar í leikskólum bæjarins verður hægt að innrita yngri börn en nú er strax næsta haust. Það mun auka enn þjónustu við barnafjölskyldur í Hafnarfirði.