Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
Fundarsalurinn Hamarinn, Norðurhellu 2 (1. hæð)
Auk ofangreindra ráðsmanna sátu fundinn: Þormóður Sveinsson skipulagsfulltrúi, Anna Margrét Tómasdóttir, Ívar Bragason bæjarlögmaður og Sigurður Haraldsson sviðsstjóri.
Lögð fram tillaga að breytingu á deiliskipulags álversins í Straumsvík ásamt breyttum umferðartengingum við Reykjanesbraut.
Skipulags- og byggingarráð samþykkir að málsmeðferð deiliskipulagsins verði í samræmi við 43 gr. skipulagslaga og vísar því til staðfestingar í bæjarstjórn.
Bæjarstjórn Hafnarfjarðar samþykkti á fundi sínum 23. nóvember 2022 að auglýsa breytingu á deiliskipulagi í samræmi við 1. mgr. 43. gr. skipulagslaga. Á svæði sem áður var endastöð og hringakstur Strætó við Hvannavelli er gert ráð fyrir lóð fyrir parhús á einni hæð. Frestur til að skila inn athugasemdum var til 17. janúar 2023. Engar athugasemdir bárust. Erindið var lagt fram á afgreiðslufundi skipulags- og byggingarfulltrúa 25. janúar sl. og vísað til skipulags- og byggingarráðs. Lögð fram uppfærð tillaga. Breytingin tekur til breytts heitis lóðar, verður Hvannavellir 4.
Skipulags- og byggingarráð samþykkir að uppfærð tillaga vegna breytingu á deiliskipulagi Hvannavalla 4 verði grenndarkynnt.
Á fundi skipulags- og byggingarráðs þann 15. desember sl. var samþykkt að grenndarkynna, í samræmi við 2. mgr. 43. gr. skipulagslaga nr. 123/2010, umsókn eiganda við Hádegisskarð 22 samhliða breytingu á deiliskipulagi Drangsskarðs 13. Breytingin felst í að íbúðum er fjölgað úr tveimur í þrjár, gert er ráð fyrir að minnsta kosti einu bílastæði á íbúð. Byggingarmagn er það sama. Þakgerð einhalla með hæsta punkt til suðurs og/eða flatt þak. Erindið var grenndarkynnt. Frestur til að skila athugasemdum var til 18. janúar 2023. Athugasemdir bárust. Lögð fram samantekt skipulagsfulltrúa vegna framkominna athugasemda.
Skipulags- og byggingarráð synjar breytingu á deiliskipulagi Hádegisskarðs 22 og vísar til staðfestingar í bæjarstjórn.
Á fundi skipulags- og byggingarráðs þann 15. desember sl. var samþykkt að grenndarkynna, í samræmi við 2. mgr. 43. gr. skipulagslaga nr. 123/2010, umsókn eiganda við Drangsskarð 13 samhliða breytingu á deiliskipulagi Hádegisskarðs 22. Breytingin felst í að íbúðum er fjölgað úr tveimur í þrjár, gert er ráð fyrir að minnsta kosti einu bílastæði á íbúð. Byggingarmagn er það sama. Þakgerð einhalla með hæsta punkt til suðurs og/eða flatt þak. Erindið var grenndarkynnt. Frestur til að skila athugasemdum var til 18. janúar 2023. Athugasemdir bárust. Lögð fram samantekt skipulagsfulltrúa vegna framkominna athugasemda.
Skipulags- og byggingarráð synjar breytingu á deiliskipulagi Drangsskarðs 13 og vísar til staðfestingar í bæjarstjórn.
Lögð fram tillaga að breytingu á deiliskipulagi.
Árni Rúnar Árnason vék af fundi við afgreiðslu fimmta dagskrárliðar.
Skipulags- og byggingarráð samþykkir að auglýsa breytingu á deiliskipulagi Sléttuhlíðar og vísar erindinu til staðfestingar í bæjarstjórn.
Tekin fyrir að nýju umsókn Gröfu og grjóts ehf. um leyfi til efnistöku bögglabergs úr Undirhlíðum. Lagt fram minnisblað bæjarlögmanns sem óskað var eftir á fundi ráðsins þann 26.1.2023.
Skipulags- og byggingarráð hafnar beiðni Gröfu- og grjót um námugröft í Undirhlíðanámu með vísan til minnisblaðs bæjarlögmanns.
Lögð fram að nýju til samþykktar endurskoðuð samþykkt um skilti á bæjarlandi.
Erindi frestað.
Lagðar fram athugasemdir Skipulagsstofnunar ásamt lagfærðum uppdrætti.
Skipulags- og byggingarráð samþykkir uppfærða tillögu deiliskipulags Hamraness vegna gatna, stíga, stofnanalóða og veitna með vísan til bréfs Skipulagsstofnunar 12.1.2023 og vísar til staðfestingar í bæjarstjórn.
Lagðar fram athugasemdir Skipulagsstofnunar ásamt umsögn skipulagsfulltrúa og lagfærðri greinargerð.
Skipulags- og byggingarráð samþykkir uppfærða greinargerð Aðalskipulags Hamraness með vísan til bréfs Skipulagsstofnunar dags. 20.1.2023 og vísar til staðfestingar í bæjarstjórn.
Á fundi skipulags- og byggingarráðs þann 23.11.2022 var lögð fram uppfærð skipulagslýsing vegna fjölgunar íbúða. Skipulags- og byggingarráð samþykkti að leita umsagna vegna framlagðrar skipulagslýsingar og vísaði erindinu til staðfestingar bæjarstjórnar. Umsagnir bárust.
Skipulags- og byggingarráð samþykkir að unnið verði áfram að breyttu aðalskipulagi reitsins sem tekur mið af sjónarmiðum Skipulagsstofnunar dags. 19.12.2022.
Vegagerðin sækir 19.1.2023 um leyfi til rannsóknarborana í landi Hafnarfjarðar vegna verkefnisins Reykjanesbraut, Álftanesvegur – Lækjargata.
Sigurður Haraldsson vék af fundi við afgreiðslu ellefta dagskrárliðar.
Skipulags- og byggingarráð felur skipulagsfulltrúa að gefa út framkvæmdaleyfi.
Lagður fram skýringaruppdráttur vegna tillögu að breytingu á deiliskipulagi lóðarinnar Víkingastræti 2 sem skipulags- og byggingarráð samþykkti 26.1.sl að auglýsa.
Lagt fram og vísað til afgreiðslu bæjarstjórnar vegna tillögu að breytingu á deiliskipulagi Víkingastrætis 2.
Lagt fram álit Skipulagsstofnunar.
Lagt fram.
Lagður fram úrskurður Úrskurðarnefndar umhverfis- og auðlindamála í máli nr. 148/2022.
Garðabær óskar 12.12.2022 eftir umsögn Hafnarfjarðarbæjar vegna skipulagslýsingar tillögu að breytingu á Aðalskipulagi Garðarbæjar 2016-2036 sem nær til óbyggðs svæðis í Rjúpnadal og Rjúpnahlíð.
Skipulags- og byggingarráð Hafnarfjarðar gerir ekki athugasemdir við fyrirhugaðar breytingar á aðalskipulagi Garðabæjar 2016-2036 sem nær til óbyggðs svæðis í Rjúpnadal og Rjúpnahlíð samanber bréf skipulagsfulltrúa dags. 07.02.2023.
Fulltrúar meirihluta Framsóknar og Sjálfstæðisflokks bóka eftirfarandi: Þau nýbyggingarsvæði sem til staðar eru í Hafnarfirði, samkvæmt svæðisskipulagi höfuðborgarsvæðisins til ársins 2040, eru Ásland 4 og Vatnshlíð. Þau svæði liggja enn undir línum að hluta. Fulltrúar benda á að ef byggja eigi samkvæmt metnaðarfullum áætlunum ríkis og sveitarfélaga á næstu árum, verður bæjarfélagið að hafa raunverulegt svigrúm til að brjóta nýtt land. Þau svæði eru til og eru í námunda við þau sem þegar eru í uppbyggingu. Ávallt höfum við haldið þeim sjónarmiðum á lofti að mikilvægt sé að hér fari saman skynsamleg þétting byggðar í bland við uppbyggingu á nýjum svæðum eins og verið hefur á síðustu árum. Mikilvægt er að þessum sjónarmiðum sé haldið á lofti innan svæðisskipulagsnefndar í tengslum við þetta mál sem hér um ræðir.
Lögð fram beiðni svæðisskipulagsnefndar um umsögn vegna breytinga á vaxtamörkum. Óskað er eftir því að lýsing verði tekin til efnislegrar umræðu, afgreiðslu og staðfestingar sbr. 1. mgr. 23. gr. skipulagslaga nr. 123/2010.
Skipulags- og byggingarráð Hafnarfjarðar gerir ekki athugasemdir við fyrirhugaðar breytingar á vaxtamörkum Garðabæjar við Rjúpnadal og Rjúpnahlíð samanber bréf skipulagsfulltrúa dags. 07.02.2023.
Lögð fram fundargerð 113. fundar.
Lögð fram fundargerð 913. fundar.
Lögð fram fundargerð 914. fundar.