Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Lagðar fram fundargerðir frá afgreiðslufundum skipulags- og byggingarfulltrúa dags. 18.04.12, 25.04.11 og 02.05.12. A-liður afgreiddur af byggingarfulltrúa samkvæmt mannvirkjalögum nr.160/2010.
Lagt fram.
Helgi Pjetur Jóhannsson leggur inn fyrirspurn um hvort leyft verði að byggja ris, 180-240 sm hátt ofan á íbúðarhús við Norðurbraut 31. Sjá meðfylgjandi ljósmyndir. Erindið var til umfjöllunar á afgreiðslufundi skipulags- og byggingarfulltrúa 18.04.2012, sem vísaði því til skipulags- og byggingarráðs.
Skipulags- og byggingarráð tekur neikvætt í fyrirspurnina eins og hún liggur fyrir þar sem umfangið er mikið í þegar grónu hverfi.
Magðalena Ósk Einarsdóttir Háabarði 4 leggur fram fyrirspurn um að skipta eigninni í tvær íbúðir. Athugasemd er gerð við fyrri afgreiðslu málsins, þar sem leiðbeiningarskyldu hafi ekki verið gætt. Erindið var til umfjöllunar á afgreiðslufundi skipulags- og byggingarfulltrúa 25.04.2012, sem vísaði því til skipulags- og byggingarráðs.
Skipulags- og byggingarráð felur skipulags- og byggingarsviði að skoða málið milli funda.
Tekið fyrir að nýju erindi ASK-arkitekta f.h. Fjarðarmóta ehf dags. 03.02.12 þar sem óskað er eftir breytingu á deiliskipulagsskilmálum fyrir lóðirnar Skipalón 1 – 19, þannig að leyft verði að byggja minni bílageymslur en samkvæmt gildandi deiliskipulagi. Skipulags- og byggingarráð óskaði eftir að fá framkvæmdaáætlun og að sýndur verði inngangur í stigahús fyrir næsta fund. Þau gögn bárust og voru lögð fram. Skipulags- og byggingarráð tók jákvætt í fyrirspurnina og heimilaði umsækjanda að vinna tillögu að breytingu að deiliskipulagi í samræmi við lög nr. 123/2010. Lögð fram tillaga ASK-arkitekta að breytingu á deiliskipulagi dags. x.
Skipulags- og byggingarráð samþykkir að senda tillöguna í auglýsingu í samræmi við 43. gr. laga nr. 123/2010 þegar leiðréttur uppdráttur berst.
Princess Annie E. Björnsson sækir um gistileyfi fyrir Vesturgötu 8. Sjá meðfylgjandi gögn. Áður lagt fram minnisblað sviðsstjóra. Skipulags- og byggingarráð taldi 03.04.12 að skoða þyrfti öryggiskröfur betur. Mikilvægt væri að þeim möguleika sé haldið opnum að Byggðasafnið geti nýtt húsið síðar meir og breytingar sem gerðar verða á húsnæðinu séu ekki óafturkræfar.
Sviðsstjóri gerði grein fyrir málinu en vék að því loknu af fundi.$line$$line$Skipulags- og byggingarráð samþykkir byggingaráformin í samræmi við 11. grein mannvirkjalaga nr. 160/2010. Byggingarleyfi verður gefið út þegar skilyrði 1-4 liðar 13. greinar mannvirkjalaga hafa verið uppfyllt. $line$13. gr. Útgáfa byggingarleyfis.$line$ Skilyrði fyrir útgáfu byggingarleyfis eru eftirfarandi: $line$ 1. Mannvirkið og notkun þess samræmast skipulagsáætlunum á svæðinu.$line$ 2. Aðal- og séruppdrættir hafa verið yfirfarnir og leyfisveitandi hefur áritað þá til staðfestingar á samþykki. (Þ.m.t. samþykki slökkviliðs.)$line$ 3. Byggingarleyfisgjöld og önnur tilskilin gjöld hafa verið greidd, svo sem gatnagerðargjald samkvæmt ákvæðum laga um gatnagerðargjald og bílastæðagjald eða gjald fyrir skipulagsvinnu samkvæmt ákvæðum skipulagslaga, eða samið um greiðslu þeirra. Undanskilin eru þó gjöld sem falla ekki í gjalddaga fyrr en við útgáfu byggingarleyfis.$line$ 4. Byggingarstjóri hefur undirritað yfirlýsingu um ábyrgð sína og afhent leyfisveitanda undirritaða ábyrgðaryfirlýsingu þeirra iðnmeistara sem ábyrgð munu bera á einstökum verkþáttum.
Tekin fyrir að nýju tillaga að breytingu á deiliskipulagi lóðarinnar, þannig að í stað þess að byggður verði grunn- og leikskóli við Bjarkavelli 3 verði verði byggður 4ra deilda leikskóli. Tillaga Skipulags- og byggingarsviðs að deiliskipulagi dags. 08.02.12 var auglýst í samræmi við 43. gr. laga nr. 123/2010. Athugasemdatíma er lokið. Engar athugasemdir bárust.
Meirihluti skipulags- og byggingarráðs samþykkir deiliskipulagið og að afgreiðslu verði lokið samkvæmt 43. grein skipulagslaga nr. 123/2010.$line$$line$Fulltrúar Sjálfstæðisflokks vísa til bókunar fulltrúa flokksins í Fræðsluráði 12. desember sl. og sitja hjá við afgreiðslu málsins.
Tekin til afgreiðslu ósk Advania hf um stækkun lóðarinnar Steinhella 10. Sviðsstjóri gerði grein fyrir minniblaði þar sem fram kemur ósk um heimild til að breyta deiliskipulagi.
Skipulags- og byggingarráð samþykkir að heimila Advania hf. að vinna breytingu á deiliskipulagi fyrir lóðina Steinhellu 10 í samvinnu við skipulags- og byggingarsvið.
Tekin fyrir að nýju tillaga skipulags- og byggingarsviðs að endurgerð deiliskipulags fyrir Norðurbæ Hafnarfjarðar, sem samþykkt var í fjárhagsáætlun 2009 og 2010 og unnin er á skipulags- og byggingarsviði. Áður lögð fram fornleifaskráning, sem send hefur verið til umsagnar fornleifaverndar ríkisins. Forstigskynningarfundur var haldinn 31.03.11. skipulagið verði auglýst í samræmi við 43. grein skipulagslaga nr. 123/2010. Athugasemdir bárust. Haldinn var kynningarfundur á auglýsingatíma, þar sem fornleifaskráning svæðisins var jafnframt kynnt. Lögð fram samantekt skipulags- og byggingarsviðs á innkomnum athugasemdum.
Skipulags- og byggingarráð gerir svör skipulags- og byggingarsviðs að sínum. Skipulags- og byggingarráð samþykkir deiliskipulagið og jafnframt breytt mörk eldra deiliskipulags fyrir Norðurbæinn þannig að sá hluti þess sem lendir utan nýja deiliskipulagsins standi áfram sem sérstakt deiliskipulag sbr. uppdrátt dags. 04.05.2012. Skipulags- og byggingarráð gerir eftirfarandi tillögu til bæjarstjórnar Hafnarfjarðar: “Bæjarstjórn Hafnarfjarðar samþykkir endurgert deiliskipulag fyrir Norðurbæ Hafnarfjarðar ásamt uppdrætti með breyttum mörkum skipulagsins og að afgreiðslu verði lokið í samræmi við 41. gr. laga nr. 123/2010.”
Tekin til umræðu “Samþykkt um skilti í lögsögu Hafnarfjarðar” sem samþykkt var í bæjarstjórn 29.03.2012.
Skipulags- og byggingarráð felur skipulags- og byggingarsviði ásamt umhverfis- og framkvæmdasviði að gera tillögu að útfærslu hönnunar og uppsetningar almennra upplýsingaskilta í iðnaðarhverfum.
Tilkynnt ákvörðun starfshóps um endurskoðun AH 2005-2025 um að haldinn verði kynningarfundur fimmtudaginn 10. maí á græna hluta aðalskipulagsins.
Tekin fyrir ákvörðun sviðsstjóra um að haldinn verði kynningarfundur á breytingu á aðalskipulagi vegna Hamranesnámu ásamt deiliskipulagi námunnar, og að hann verði haldinn samtímis kynningarfundi á græna hluta endurskoðunar Aðalskipulags Hafnarfjarðar 10. maí n.k.
Lögð fram verkefnislýsing fyrir deiliskipulag Hamranesnámu dags. 23.04.12.
Skipulags- og byggingarráð samþykkir framlagða verkefnislýsingu. Skipulags- og byggingarráð gerir eftirfarandi tillögu til bæjarstjórnar:$line$”Bæjarstjórn Hafnarfjarðar samþykkir verkefnislýsingu fyrir deiliskipulag Hamranesnámu dags. 23.04.12.”
Tekið fyrir erindi atvinnuveganefndar Alþingis dags. 25.04.12 þar sem vísað er til umsagnar tillögu til þingsályktunar um áætlun um vernd og orkunýtingu landsvæða, 727. mál. Umsagnarfrestur er til berist 08.05.12.
Skipulags- og byggingarráð vísar til fyrri umsagnar 15. nóvember 2011 og felur sviðsstjóra að senda hana til nefndarsviðs Alþingis.
Lögð fram til kynningar skipulagstillaga ásamt umhverfismati vegna uppbyggingar við Landsspítala-Háskólasjúkrahús, breytingar á gatnaskipulagi.
Skipulags- og byggingarráð gerir engar athugasemdir við tillöguna.
Tekið fyrir erindi samtaka sveitarfélaga á höfuðborgarsvæðinu þar sem vísað er til umsagnar tillögu að breytingu á svæðisskipulagi höfuðborgarsvæðisins 2001-2024 hvað varðar Holtsgöng, breytingar á gatnaskipulagi og breytingar á byggingarmagni á byggðasvæði nr. 5, Landsspítalalóð.$line$
Tekin til umræðu tillaga starfshóps SSH skipuðum skipulagsfulltrúum sveitarfélaganna um aðferðafræði, sem vísað er til umsagnar sveitarfélaganna. Bæjarráð fól skipulags- og byggingarráði að gera umsögn um málið til bæjarstjórnar.
Skipulags- og byggingarráð gerir eftirfarandi tillögu til bæjarstjórnar Hafnarfjarðar: “Bæjarstjórn Hafnarfjarðar samþykkir tillögu starfshóps SSH.”
Tekin til umræðu tillaga um hreinsun vegna byggingarframkvæmda í nýjum íbúðarhverfum: Völlum 5 og 6, Áslandi 3, Norðurbakka og Lónshverfi (Skipalóni).
SBH samþykkir að setja í gang sérstak hreinsunarátak vegna byggingarframkvæmda í nýjum íbúðarhverfum: Völlum 5 og 6, Áslandi 3, Norðurbakka og Lónshverfi (Skipalóni). Átakið standi yfir í 6 mánuði og sérstök áhersla verður lögð á frágang byggingarsvæða. Framkvæmd verkefnisins verði með svipuðu hætti og hreinsunarátak á iðnaðarsvæðum sem nú er lokið. Með þessu átaki er jafnframt vakin athygli framkvæmdaðila á 15. kafla nýrrar byggingarreglugerðar sem tók gildi í lok janúar 2012 sem fjallar um frágang á byggingarstað og förgun efnis. Sviðsstjóra falið að gera áætlun um framkvæmd fyrir næsta fund.
Lögð fram fornleifaskráning Katrínar Gunnarsdóttur fornleifafræðings sem unnin var fyrir deiliskipulagið.
Lagður fram tölvupóstur Skipulagsstofnar dags. 02.05.12 sem sendir til umsagnar fyrstu drög að yfirliti yfir stefnu stjórnvalda í einstökum málaflokkum sem varða landnotkun. Yfirlitið er lagt til grundvallar við mótun landsskipulagsstefnu og markmiðið er að það verði til leiðbeiningar fyrir skipulagsgerð. Umsagnarfrestur er til 1. ágúst næstkomandi.$line$
Skipulags- og byggingarráð felur skipulags- og byggingarsviði að gera tillögu að umsögn.
