Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Auk ofangreindra ráðsmanna sátu fundinn: Þormóður Sveinsson skipulagsfulltrúi, Guðrún Guðmundsdóttir arkitekt, Gunnþóra Guðmundsdóttir arkitekt, Sigurður Haraldsson sviðsstjóri og Hildur Bjarnadóttir byggingarfulltrúi.
Bæjarstjórn samþykkti samhljóða breytingar á fulltrúum í skipulags- og byggingarráði á fundi sínum þann 30.10.2019. Um er að ræða breytingu á fulltrúa Viðreisnar í skipulags- og byggingarráði. Óli Örn Eiríksson, Hverfisgötu 52b verður aðalmaður í stað Jóns Garðars Snædal. Varamaður verður Sigurjón Ingvason Suðurgötu 70. Bókun bæjarstjórnar lögð fram.
Formaður skipulags- og byggingarráðs bendir á að liðnir eru 17 mánuðir af kjörtímabilinu. Á þessum 17 mánuðum hefur Viðreisn skipað 3 fulltrúa í ráðið og jafn marga til vara. Á tímabilinu hafa verið 37 fundir í skipulags- og byggingarráði þar af hefur aðalfulltrúi Viðreisnar verið fjarverandi 14 sinnum sem er 62% mæting, hefur varamaður mætt í hans stað einungis 6 sinnum. Vinna skipulags- og byggingarráðs er yfirgripsmikil og krefst oft mikillar vinnu og samvinnu kjörinna fulltrúa. Ráðsmenn miðla upplýsingum til bæjarfulltrúa og inn í baklandið og því mikilvægt að mætt sé á ráðsfundi og ekki síður mikilvægt að stöðuleiki sé á skipan ráðsmanna því oft er verið að fjalla um flókin skipulagsmál í langan tíma sem erfitt getur verið að setja sig inn í.
Fulltrúi Viðreisnar bókar eftirfarandi: Nýskipaðir fulltrúar Viðreisnar í ráðinu hafa góða þekkingu á skipulagsmálum bæjarins og hafa fylgst vel með þeim undanfarin ár. Mæting hefur verið algjörlega fullnægjandi og aðeins örfáir fundir ekki verið sóttir. Formaður ráðsins getur verið fullviss um að mæting á fundi verður góð þa9 sem eftir er tímabils.
Slökkvilið Höfuðborgarsvæðisins óskar eftir að fá að byggja æfingaraðstöðu (reykköfunaraðstöðu) skv. teikningum Sigurðar Þorvarðarsonar dags í maí 2019.12.6.2019. Erindið var grenndarkynnt tímabilið 2.9.-30.9.2019. Athugasemdir bárust. Á afgreiðslufundi skipulags- og byggingarráðs þann 8.10. var lögð fram umsögn skipulagsfulltrúa dags. 07.10.2010. Erindinu var frestað.
Skipulags- og byggingarráð tekur undir umsögn skipulagsfulltrúa og vísar erindinu til staðfestingar í bæjarstjórn.
Umhverfis- og framkvæmdaráð samþykkti á fundi sínum þann 21.10.2019 að vísa breytingu á deiliskipulagi afhafnasvæðis Sörla til skipulags- og byggingarráðs. Um er að ræða breytingu á deiliskipulagi vegna staðsetningar reiðhallar og að einnig verði farið í breytingar á stærðum hesthúsa þannig að húsum verði fjölgað og verði smærri sbr. bókun starfshóps Sörla þann 14.10.2019.
Skipulags- og byggingarráð heimilar að hafin verði vinna við endurskoðun deiliskipulags á Sörlasvæði er varðar staðsetningu reiðhallar og breytingar á hesthúsalóðum og mannvirkjum.
Tekin fyrir að nýju umsókn Guðmundar Óskars Unnarssonar f.h. Steinsteypunnar ehf. dags. 24.6.2019 um deiliskipulagsbreytingu Kapelluhrauni 1. áfanga, Koparhellu 1. Um er að ræða stækkun á byggingarreit og óbreytt nýtingarhlutfall lóðar. Skipulags- og byggingarráð samþykkti þann 24.9.sl. að málsmeðferð yrði í samræmi við 2.mgr. 43.gr. skipulagslaga nr. 123/2010. Grenndarkynnt var fyrir aðliggjandi lóðarhöfum tímabilið 2.10.2019-30.10.2019. Engar athugasemdir bárust.
Skipulags- og byggingarráð samþykkir erindið og að málinu verði lokið í samræmi við 42.gr. skipulagslaga.
Á fundi bæjarráðs þann 24. okt. sl. var tekið jákvætt í erindi HS veitna þar sem óskað var eftir stækkun lóðar. Þann 31.10. sl. leggja HS veitur inn umsókn um deiliskipulagsbreytingu. Í breytingunni felst að byggingarreitur dreifistöðvar er færður og komið fyrir á nýrri lóð við Svalbarð 14H.
Ingi Tómasson víkur af fundi við afgreiðslu þessa liðar.
Skipulags- og byggingarráð samþykkir að breytingarnar verði grenndarkynntar í samræmi við 2.mgr. 43.gr. skipulagslaga.
Fitjaborg ehf. óskaði eftir deiliskipulagsbreytingu þann 11.6.2019. Skipulags- og byggingarráð heimilaði að unnið yrði að breyttu deiliskipulagi lóðarinnar í samræmi við 43.gr. skipulagslaga. Tillaga að breyttu deiliskipulagi dags. 29.10.2019 lagt fram.
Þormóður Sveinsson vék af fundi við afgreiðslu þessa liðar.
Skipulags- og byggingarráð samþykkir tillögu að breyttu deiliskipulagi og leggur til við bæjarstjórn að afgreiðsla verði í samræmi við 1.mgr. 43.gr. skipulagslaga.
Samþykkt var á fundi bæjarstjórnar þann 18.9.2019 að auglýsa breytingu á Aðalskipulagi Hafnarfjarðar vegna breytingu á nýtingu lóðar við Haukasvæðið. Landnotkunarbreytingin hefur verið auglýst frá 27.09.-04.11.2019. Engar athugasemdir bárust.
Skipulags- og byggingarráð samþykkir aðalskipulagsbreytinguna er nær til landnotkunarbreytingar við Haukasvæði og að málsmeðferð skuli lokið í samræmi við 32.gr. skipulagslaga. Erindinu er vísað til staðfestingar í bæjarstjórn.
Tekin til umræðu framvinda stöðuleyfa gáma.
Tekið til umræðu stöðuleyfi gáma.
Lögð fram tillaga að breytingu á hverfaskiptingu núverandi skipting var samþykkt í bæjarstjórn 11.5.2004. Um er að ræða breytingar útlína í samræmi við mörk þéttbýlis í Aðalskipulaginu, breytt sveitarfélagsmörk og fjölgun hverfa úr 9 í 12. Miðbæ, Hvaleyrarholti og Straumsvík bætt við sem sérstökum hverfum.
Tillögu að breytingu á hverfaskiptingu er vísað til vinnu við endurskoðun aðalskipulags Hafnarfjarðar.
Tekin fyrir að nýju tillaga að heitum hringtorga sem ekki hafa þegar fengið heiti.
Skipulags- og byggingarráð vísar tillögu að heitum hringtorga til afgreiðslu umhverfis- og skipulagssviðs.
Skipulags- og byggingarráð óskaði umsagnar skipulagsfulltrúa á fundi sínum þann 24.9.2019. Lögð fram umsögn skipulagsfulltrúa.
Skipulags- og byggingarráð tekur undir umsögn skipulagsfulltrúa og synjar beiðni um fjölgun íbúða.
Lögð fram fundargerð 770. fundar.
Lögð fram fundargerð 771. fundar.
Lögð fram fundargerð 772. fundar.
Lögð fram fundargerð 19. fundar.
Fundargerðir dags. 1.10. og 1.11.2019 lagðar fram.