Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Auk ofangreindra ráðsmanna sátu fundinn: Hildur Bjarnadóttir byggingarfulltrúi, Berglind Guðmundsdóttir landslagsarkitekt, Sigurður Haraldsson sviðsstjóri og Ívar Bragason bæjarlögmaður.
Skipulagshöfundur mætir til fundarins og kynnir drög deiliskipulags Hellnahrauns 4.
Skipulags- og byggingarráð þakkar kynninguna.
Lögð fram tillaga að textabreytingu í greinargerð deiliskipulagsins.
Skipulags- og byggingarráð samþykkir að auglýsa tillögu að textabreytingu greinargerðar og vísar til staðfestingar í bæjarstjórn.
Bæjarstjórn samþykkti þann 9. febrúar sl. að auglýsa breytingu á aðalskipulagi Hafnarfjarðar 2013-2025 vegna Selhrauns suðurs samhliða breytingu á deiliskipulagi Selhrauns suðurs. Breytingin nær til 3ha svæðis af heildarsvæði Selhrauns suður. Breytingin nær til lóðanna Norðurhella 13-19 og Suðurhella 12-14. Landnotkun lóðanna breytist úr AT2 í ÍB14. Athafnasvæði AT2 minnkar út 30ha í 27ha. Tillagan var auglýst tímabilið 22.2-5.4.2022. Engin athugasemd barst.
Skipulags- og byggingarráð samþykkir breytingu á aðalskipulagi Hafnarfjarðar 2013-2025 vegna Selhrauns suður og vísar til staðfestingar í bæjarstjórn.
Bæjarstjórn samþykkti 26.1.2022 að auglýsa deiliskipulag Selhrauns suðurs samhliða breytingu á aðalskipulagi í samræmi við skipulagslög. Breytingin felst í að á Norðurhellu 13-19 er heimilað að vera með 67 íbúðir í þegar byggðum húsum. Á lóðunum er gert ráð fyrir leiksvæðum, sorp- og hjólageymslum. Við Suðurhellu 12-20 er gert ráð fyrir 132 íbúðum í fimm nýjum fjölbýlishúsum, 4-6 hæða. Á lóðunum er gert ráð fyrir leiksvæðum, sorp- og hjólageymslum. Bílageymslur eru undir húsum við Suðurhellu 14-18. Frestur til að skila inn athugasemdum var til 5. apríl 2022. Umsögn barst frá Veitum.
Skipulags- og byggingarráð þakkar ábendingu Veitna og samþykkir breytingu á deiliskipulagi Selhrauns suður og vísar til staðfestingar í bæjarstjórn.
Bæjarstjórn samþykkti 12.1.2022 að auglýsa tillögu Lindabyggðar ehf. að deiliskipulagi reitar 27.B. Tillagan gerir ráð fyrir tveimur fimm hæða fjölbýlishúsum með 50 íbúðum ásamt reit fyrir einnar hæðar 30 m2 smáhýsi fyrir íbúa. Á jarðhæð sem snýr að Hringhamri verði heimilt að vera með verslun og þjónustu. Tillagan var auglýst 25.1.2022 – 9.1.2022. Umsögn barst frá Veitum. Lögð fram umsögn skipulagsfulltrúa.
Skipulags- og byggingarráð samþykkir deiliskipulag Hamraness reitar 27.B með vísan til umsagnar skipulagsfulltrúa og vísar til staðfestingar í bæjarstjórn.
Tekin til umræðu tillaga bæjarstjórnar sem samþykkt var þann 23. febrúar 2022. “Bæjarstjórn Hafnarfjarðar samþykkir fyrir sitt leyti að svæðisskipulag höfuðborgarsvæðisins verði tekið til endurskoðunar með það að markmiði að fjölga byggingarsvæðum.” Tillögunni var vísað til umræðu hjá skipulags- og byggingarráði úr bæjarráði þann 3.3.sl. og óskað er eftir minnisblaði frá umhverfis- og skipulagssviði yfir nýbyggingarsvæði bæjarfélagsins til ársins 2040. Minnisblað umhverfis- og skipulagssviðs lagt fram.
Skipulags-og byggingarráð tekur undir tillögu og greinargerð lagða fram í bæjarstjórn þann 23.2.2022 þess efnis að svæðisskipulag höfuðborgarsvæðisins verði tekið til endurskoðunar með það að markmiði að fjölga nýbyggingarsvæðum.
Áheyrnarfulltrúar Viðreisnar og Bæjarlistans telja þetta mál vanreifað með öllu. Því er ósvarað hvernig fólk í þessum nýju hverfum á að komast leiðar sinnar og hvaða áhrif það mun hafa á umferð á Reykjanesbrautinni. Í greiningarvinnu vegna svæðisskipulags höfuðborgarsvæðisins árið 2013 kom fram að útþensla byggðar myndi leiða til stóraukinna tafa í umferð og er það að óbreyttu bein afleiðing af þessari hugmynd. Þá hefur engin skoðun farið fram á kostnaði við innviði þessara nýju hverfa en uppbygging á nýjum hverfum kostar sveitafélög gríðarmikið fjármagn sem nýtist þá ekki við að bæta innviði í þegar byggðum hverfum. Þessi hugmynd mun því tefja fjölmörg framfaraverkefni innan allra hverfa Hafnarfjarðar.
Fulltrúi Samfylkingarinnar tekur undir tillögu um endurskoðun svæðaskipulags, fjölgun byggingarsvæða. Jafnframt fagnar fulltrúi Samfylkingarinnar því að meirihluti Framsóknar- og Sjálfstæðisflokks sé að vakna af doðanum og framtaksleysinu núna örfáum vikum fyrir kosningar. Nú allt í einu eru skipulagsmál og vöntun á framboði fjölbreyttra íbúða komin á dagskrá eftir réttmæta gagnrýni Samfylkingarinnar. Þetta sýnir algjöran skort á framtíðarsýn og táknrænt fyrir þreytuna við stjórn bæjarins á yfirstandandi kjörtímabili, en kjörtímabilinu fækkaði íbúum Hafnarfjarðar í fyrsta skiptið í 80 ár og fjölgun íbúa hefur verið langt undir áætlunum. Þá voru miklar hugmyndir um þéttingu byggðar, en lítið sem ekkert þokast áfram í þeim efnum. Þar er allt í stóru stoppi. Jafnaðarmenn við stjórn bæjarins eftir kosningarnar í vor munu tryggja að byggt verði á nýjum svæðum og einnig þétta byggð.
Fulltrúar Sjálfstæðisflokks og Framsóknar bóka eftirfarandi: Það er auðvitað dæmalaus þvættingur í málflutningi fulltrúa Samfylkingarinnar sem heldur engu vatni. Núverandi meirihluti hefur einmitt úthlutað lóðum fyrir ríflega 2.000 íbúðir á kjörtímabilinu 2018-2022. Þær skipulagstillögur sem inn hafa komið gera einmitt ráð fyrir fjölbreyttu formi íbúða, Bjarg íbúðafélag er að byggja 148 íbúðir, samþykkt hafa verið stofnframlög til Brynju hússjóðs ÖBÍ, sérstök samningsmarkmið í þéttingu byggðar og svo mætti lengi áfram telja. Samhliða því sem lóðum hefur verið úthlutað á nýbyggingarsvæðum hefur markvisst verið unnið að því að þétta byggð líkt og sést víða um bæinn; uppbygging við Dvergsreit, við Stekkjahraun, á Hrauntungu og við Hjallabraut eru svæði og reitir þar sem framkvæmdir eru þegar hafnar og jafnvel langt komnar. Einnig er samþykkt deiliskipulag á Hraunum vestur, tillaga sem fulltrúar Samfylkingarinnar, Viðreisnar og Bæjarlistans lögðust hart gegn á sínum tíma. Einnig er í gangi deiliskipulagsvinna fyrir spennandi Óseyrarhverfi við höfnina. Þrátt fyrir þetta allt er nauðsynlegt að tryggja að áfram, til næstu ára og inn í nánustu framtíð, að mögulegt sé fyrir bæjarfélagið að brjóta nýtt land til uppbyggingar samhliða þéttingu byggðar. Það er gert til að svara þeirri miklu þörf sem fyrirsjáanleg er á næstu árum á húsnæðismarkaði hér á höfuðborgarsvæðinu. Engar tillögur hafa komið fram frá Samfylkingunni þess efnis á kjörtímabilinu, né tillögur til að hraða uppbyggingu í bæjarfélaginu. Mikil vinna meirihlutans á kjörtímabilinu er nú að bera ávöxt líkt og allar tölur sýna, m.a. frá SI og HMS. Við ætlum að halda áfram á þeirri vegferð.
Áheyrnarfulltrúar Viðreisnar og Bæjarlistans bóka: Samkvæmt nýbirtri skýrslu SSH þá eru 14.000 íbúðir í samþykktu skipulagi á höfuðborgarsvæðinu sem undirstrikar að það eru engar forsendur fyrir því að taka ákvarðanir í óðagoti í jafn mikilvægum málaflokki sem svæðisskipulag höfuðborgarsvæðisins er. Það er gríðarlegur fjöldi verkefna innan byggðamarka svæðisskipulags í Hafnarfirði sem bærinn gæti lagt meiri vinnu við að rækta sem myndi efla sjálfbærni hverfa, fjölga íbúum og gera bæinn blómlegri. Lélegur árangur undanfarinna ára er ekki þéttingarstefnu að kenna heldur lélegri framkvæmd núverandi meirihluta. Árinni kennir illur ræðari.
Fulltrúar Sjálfstæðisflokks og Framsóknar bóka eftirfarandi: Þegar fulltrúi Viðreisnar segir að lélegur árangur undanfarinna ára sé ekki þéttingarstefnu að kenna heldur lélegri framkvæmd núverandi meirihluta, er rétt að benda fulltrúanum á að m.v. fjölda íbúða í byggingu á hverja þúsund íbúa hér á höfuðborgarsvæðinu eru tölurnar eftirfarandi skv. greiningu og talningu SI og HMS:
Hafnarfjörður er með 27 íbúðir í byggingu á hverja 1000 íbúa. Reykjavík er með 19 íbúðir í byggingu á hverja 1000 íbúa. Kópavogur er með 21 íbúð í byggingu á hverja 1000 íbúa. Garðabær er með 37 íbúðir í byggingu á hverja 1000 íbúa. Mosfellsbær er með 13 íbúðir í byggingu á hverja 1000 íbúa.
Hafnarfjörður er því að standa sig vel, það sýna allar tölur, og það ætlum við að gera áfram.
Fulltrúar Bæjarlistans, Samfylkingar og Viðreisnar hafa stutt dyggilega við tillögur um þéttingu byggðar, s.s. Hraun-vestur. Rammaskipulag fyrir svæðið var unnið með faglegum hætti í breiðu samráði við íbúa og hagaðila, sem var samþykkt í skipulags- og byggingaráði, en var síðan hafnað í bæjarstjórn. Deiliskipulag Hraun, gjótur, gerði ráð fyrir óhóflegu byggingarmagni sem var í engu samræmi við rammaskipulag eða aðliggjandi byggð, einnig gæði byggðar, skuggavarp og fjöldi bílastæða. Þetta er eitt dæmið af mörgum um óvönduð og ólýðræðisleg vinnubrögð meirihlutans á kjörtímabilinu, skort á framtíðarsýn og hringlanda í skipulags- og byggingarmálum. Staðreyndin er sú að deiliskipulag fyrir svæðið var samþykkt 2019, en engin uppbygging er enn hafin á svæðinu þrátt fyrir fögur fyrirheit.
Fulltrúi Samfylkingarinnar bókar að á síðasta ári fjölgaði íbúum Hafnarfjarðar aðeins um 0.25% og árið 2020 fækkaði þeim í fyrsta skiptið í 80 ár. Samkvæmt miðspá húsnæðisáætlunar Hafnarfjarðarbæjar er einungis gert ráð fyrir 152 nýjum íbúðum á þessu ári. Þetta eru staðreyndir máls og uppskera Sjálfstæðisflokksins eftir átta ár í meirihluta.
Fulltrúi Viðreisnar bókar: Það er mjög erfitt að skilja hvernig meirihlutinn telur á sama tíma gríðarlega mikla uppbyggingu vera í gangi og vill þess vegna umbreyta stórum langtímaáætlunum í svæðisskipulagi vegna þess að það er of lítið byggt.
Fulltrúar Sjálfstæðisflokks og Framsóknar bóka eftirfarandi: Það er alveg ljóst, skv. fyrirliggjandi tölum, að 811 íbúðir eru í byggingu í Hafnarfirði eins og staðan er í dag. Sú tala fer ört hækkandi. Auk þess er um að ræða 244% fjölgun íbúða í byggingu á tímabilinu september 2021 ? mars 2022, en slík fjölgun er ekki til staðar í neinu öðru sveitarfélagi á höfuðborgarsvæðinu og sýnir það svart á hvítu að sú mikla vinna meirihlutans í skipulagsmálum á kjörtímabilinu er nú að skila árangri. Ástæðan fyrir því að lagt er til að svæðisskipulagið verði tekið upp og sá möguleiki opnaður að hægt verði að brjóta nýtt land til uppbyggingar er einfaldlega vegna þess að mikið hefur verið gert á liðnum árum, lóðum úthlutað fyrir 2.000 íbúðir samhliða þéttingu byggðar, sem er ástæða þess að það byggingarland sem til staðar er innan núgildandi svæðisskipulags er svo gott sem uppurið ef frá er talin Vatnshlíðin sem liggur undir línum.
Geymsla eitt ehf. sækir þann 14.2.2022 um endurnýjun á leyfi fyrir skilti sem þekur húshlið. Samningur eigenda er fyrirliggjandi. Lögð fram umsögn umhverfis- og skipulagssviðs.
Skipulags- og byggingarráð hafnar umsókninni með vísan til umsagnar umhverfis- og skipulagssviðs.
Lagður fram úrskurður Úrskurðarnefndar umhverfis- og auðlindamála nr. 15/2022.
Lagt fram.
Lagðar fram umsagnarbeiðnir vegna skipulagsbreytinga í Garðabæ
Lagt fram og óskað umsagnar umhverfis- og skipulagssviðs.
Lögð fram fyrirspurn Guðmundar Inga Jónssonar varðandi þéttingu byggðar.
Lagt fram og óskað umsagnar skipulagsfulltrúa.
Lögð fram fundargerð 106. fundar ásamt þróunaráætlunum sveitarfélaganna á höfuðborgarsvæðinu.
Lögð fram fundargerð 878. fundar.
Lögð fram fundargerð 879. fundar.
