Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarherbergi Norðurhellu 2
Auk ofangreindra ráðsmanna sátu fundinn: Sigurður Haraldsson sviðsstjóri og Guðmundur Elíasson umhverfis- og veitustjóri.
Teknar fyrir að nýju tillaga fulltrúa Samfylkingarinnar í bæjarstjórn um niðurgreiðslu á strætókortum fyrir börn að 18 ára aldri og tillögur fulltrúa Miðflokksins í bæjarstjórn um uppbyggingu hundasvæðis við Hamranes og að fyrirhugaðar hækkanir á félagslegri þjónustu við aldraða og öryrkja verði teknar til baka sem vísað var til umhverfis- og framkvæmdaráðs frá bæjarstjórn þann 13.11.sl.
Fulltrúar Sjálfstæðisflokks og Framsókn og óháðra leggja fram svohljóðandi bókun: Í dag er almennt fargjald fyrir börn og ungmenni að 17 ára aldri 235 kr. Með afsláttarkorti og hóflegri notkun eða 30 ferðum á mánuði er gjaldið undir 100 krónum á ferð og því ekki um íþyngjandi gjald að ræða. Þannig að nú þegar er um verulega niðurgreiðslu að ræða á fargjöldum fyrir þennan hóp. Tillögunni er hafnað.
Fulltrúi Samfylkingarinnar lýsir vonbrigðum með að ekki sé vilji til að skoða möguleika á útfærslu að niðurgreiðslu á strætókortum til barna og ungmenna. Sú aðgerð væri mikilvægt skref í að auka aðgengi að tómstundum ásamt því að stuðla að aukinni notkun á almenningssamgöngum og styðja þar með við umhverfissjónarmið. Það er miður að fulltrúar meirihluta Sjálfstæðisflokks og Framsóknar og óháðra hafni jafnvel því að skoða mögulega útfærslu á að taka slíkt verkefni upp í áföngum. Bent er á til samanburðar að í greinargerð með fjárhagsáætlun fyrir árið 2020 kemur fram að heildarkostnaður við frístundaakstur, sem ætlaður er nemendum í 1.-4. bekk, verði 35 m.kr. á meðan full niðurgreiðsla á strætókortum fyrir öll börn frá 6-17 ára (eða alls 12 árganga) er áætluð tæpar 80 m.kr.
Umhverfis- og framkvæmdaráð samþykkir tillögu Miðflokksins um bætta aðstöðu á hundasvæði við Hamranes.
Fulltrúa Samfylkingarinnar finnst miður að tillaga Miðflokksins um að leiga í félagslega kerfinu muni ekki hækka umfram lífskjarasamninga sé felld hér í ráðinu. Fulltrúinn telur að mikilvægt sé að almennt verði fallið frá gjaldskrárhækkunum umfram það sem mælst er til í yfirlýsingu Sambands íslenskra sveitarfélaga í tengslum við lífskjarasamninga. Mikilvægt er að stutt sé við þá samninga og hækkanir á gjaldskrám sveitarfélagsins og þar með talin hækkun á leigu í félagslega húsnæðiskerfinu hér í Hafnarfirði verði ekki umfram þau 2,5% sem samþykkt var í tengslum við fyrrnefnda lífskjarasamninga.
Þann 14. október sl. samþykkti fjölskylduráð breytingu á reglum um sérstakan húsnæðisstuðning þess efnis að leigjendur í félagslega húsnæðiskerfinu í Hafnarfirði eiga sama rétt til sérstaks húsnæðisstuðnings og aðrir leigjendur að uppfylltum almennum skilyrðum samkvæmt lögum um Húsnæðisstuðning og sérstakar húsnæðisbætur. Í framlagðri fjárhagsáætlun vegna ársins 2020 liggur fyrir tillaga um hækkun á leiguverði í félagslega húsnæðiskerfinu í Hafnarfirði. Lagt er til að leiguverð hækki um 21% og verði eftir hækkun u.þ.b. 1600 kr.,- pr. fermetra miðað við vísitölu nóvember mánaðar 2019. Forsendur fyrir 21% hækkun á leiguverði eru að leigugreiðslur nái að standa undir rekstrarkostnaði í félagslega húsnæðiskerfinu. Fyrir liggur samkvæmt útreikningum sem lagðir voru fram í Fjölskylduráði að breyttar reglur um sérstakan húsnæðisstuðning mun lækka húsnæðiskostnað fyrir tekjulægri og að eftir þessar breytingar mun leiguverð í félagslega húsnæðiskerfinu í Hafnarfirði verða mun lægra en hjá öðrum óhagnaðardrifnum leigufélögum sem rekin eru á sömu forsendum.
Lagt fram minnisblað vegna framkvæmdarkostnaðar 2019.
Lagt fram.
Lagður fram viðauki VII og staða rekstrar eftir 10 mánuði.
Umhverfis- og framkvæmdaráð samþykkir framlagðan viðauka og vísar til bæjarráðs.
Lagt fram erindi St. Georgsgildis vegna aðkomu bæjarins að salernisaðstöðu í nágrenni Skátalunds sem væri opið öllum sem um svæðið fara.
Umhverfis- og framkvæmdaráð tekur jákvætt í erindið og felur starfsmönnum sviðsins að útfæra verkefnið nánar.
Skipulagshöfundar mæta til fundarins og kynna vinnu við deiliskipulag vesturbæjar.
Lagt fram til kynningar.
Vilbert Gústafsson óskar þann 14.11.2019 eftir að leigja mannvirki og landsvæði í Seltúni til lengri tíma með uppbyggingu ferðaþjónustu í huga.
Umhverfis- og framkvæmdaráð felur umhverfis- og skipulagssviði að kanna reglur um opinber innkaup með tilliti til erindisins.
Tekin fyrir að nýju umsókn Raufarhóls ehf. dags. 9.10.2019 þar sem óskað er eftir afnotum af landsvæði við Leiðarenda til lengri tíma með uppbyggingu ferðaþjónustu og vernd í og við Raufarhólshelli í huga.
Á fundi ÍTH var erindi Icebike Adventures um smáhýsi/aðstöðu við Hvaleyrarvatn vísað til umhverfis- og framkvæmdaráðs. Íþrótta- og tómstundanefnd tók jákvætt í erindið og telur það vera í anda heilsubæjarins Hafnarfjarðar og stuðla að samveru fjölskyldunnar.
Tekið til umræðu.
Tekin til umræðu staða mála er varða biðstöð Strætó við Vörðutorg.
Fræðsluráð vísaði tillögum foreldraráðs Hraunvallaskóla um endurbætur á lóð leikskólans á fundi sínum þann 20.11.sl. til umhverfs- og skipulagssviðs.
Umhverfis- og framkvæmdaráð felur sviðinu að taka út lóðina í samræmi við innsenda beiðni um endurbætur.
Lögð fram til kynningar skýrsla starfshóps um Ásvelli.
Lögð fram fundargerð frá 12.11.2019.
Lagðar fram verkfundargerðir nr. 43. 44 og 45.
