Fjölskyldu- og barnamálasvið Hafnarfjarðar óskar eftir að ráða félagsráðgjafa til starfa innan barnaverndar. Um er að ræða 100% stöðugildi. Æskilegt er að viðkomandi geti hafið störf sem fyrst.

Hafnarfjarðarbær vinnur eftir lögum um samþættingu þjónustu í þágu farsældar barna og hefur undanfarin ár þróað verklag í snemmbærum stuðningi í þjónustu við leik- og grunnskólabörn sveitafélagsins sem kallast Brúin sem er í takt við þau lög. Áhersla er lögð á samþætta þjónustu við börn og fjölskyldur á fyrri stigum með aukinni samvinnu aðila í nærumhverfinu.

Hafnarfjarðarbær leggur áherslu á metnaðarfullt og faglegt starf í þágu bæjarbúa.

Helstu verkefni og ábyrgð:

• Móttaka barnaverndartilkynninga og vinnsla barnaverndarmála í samræmi við barnaverndarlög
• Samskipti og samvinna við börn og foreldra
• Þverfagleg teymisvinna við vinnslu barnaverndarmála
• Stýrir stuðningsteymi barna
• Samskipti og ráðgjöf við helstu stofnanir sem að málefnum barna og fjölskyldu koma
• Þátttaka í stefnumótun, mótun verkferla, starfsáætlana og endurskoðun á reglum í málaflokknum
• Bakvaktir
• Önnur verkefni samkvæmt starfslýsingu og sem yfirmaður felur starfsmanni

Menntunar- og hæfniskröfur:

• Gerð er krafa um meistaragráðu MA/MS í félagsráðgjöf.
• Þekking á PMTO foreldrafærni er kostur
• Reynsla af vinnu í þverfaglegu teymi
• Samskipta- og samstarfshæfni
• Frumkvæði og sjálfstæði í vinnubrögðum og skipulagshæfni
• Góð íslensku- og enskukunnátta bæði í ræðu og riti
• Geta til að vinna undir álagi
• Hæfni til að tjá sig í ræðu og riti

Nánari upplýsingar veitir Helena Unnarsdóttir, deildarstjóri barnaverndar Hafnarfjarðar

helenau@hafnarfjordur.is

Launakjör eru samkvæmt kjarasamningum Sambands íslenskra sveitarfélaga við BHM.

Umsóknarfrestur er til og með 26. september 2023.

Ferilskrá, kynningarbréf og starfsréttindi fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.