Kennari – Leikskólinn Álfaberg

Sækja um starf

Umsóknarfrestur frá: 06.02.2024

Umsóknarfrestur til: 20.02.2024

Tengiliður: Lilja Kolbrún Steinþórsdóttir

Leikskólinn Álfaberg óskar að ráða leikskólakennara til starfa í 100% starfshlutfall. Um tímabundið starf er að ræða til eins árs vegna afleysinga fæðingarorlofs.

Leikskólinn Álfaberg er 5 deilda leikskóli sem er staðsettur á Breiðvangi 42. Megin áhersluþættir leikskólans eru íslenska og félagsfærni. Unnið er markvisst að þróun læsis og snemmtækrar íhlutunar. Í leikskólanum er unnið samkvæmt SMT skólafærni.

Áhersla er lögð á að mynda jákvætt andrúmsloft, unnið er markvisst með starfsánægju og að starfsumhverfið sé skapandi og lærdómsríkt fyrir börn og fullorðna. Á Álfabergi starfar skemmtilegur og metnaðarfullur hópur starfsmanna sem eru lífsglaðir, jákvæðir og lausnamiðaðir.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

  • Að vinna að uppeldi og menntun leikskólabarna
  • Að taka þátt í skipulagningu faglegs starfs
  • Að taka þátt í foreldrasamstarfi í samráði við deildarstjóra
  • Önnur verkefni skv. starfslýsingu og sem yfirmaður felur starfsmanni

Menntunar- og hæfniskröfur:

  • Starfsleyfi sem kennari (leyfisbréf fylgi umsókn)
  • Reynsla af uppeldis og kennslustörfum æskileg
  • Góð færni í samskiptum
  • Frumkvæði í starfi og faglegur metnaður
  • Sjálfstæð og skipulögð vinnubrögð
  • Góð íslenskukunnátta
  • Þekking á starfsaðferðum SMT er kostur

Fríðindi í starfi:

  • Heilsuræktarstyrkur
  • 75% afsláttur af leikskólagjöldum
  • Forgangur á leikskóla
  • Bókasafnskort
  • Sundkort

Ef ekki fæst leikskólakennari eða kennari í starfið, kemur til greina að ráða einstakling með aðra uppeldismenntun.

Nánari upplýsingar um starfið veita Lilja Kolbrún Steinþórsdóttir leikskólastjóri, liljakolbrun@hafnarfjordur.is og Linda Björk Halldórsdóttir aðstoðarleikskólastjóri, lindab@hafnarfjordur.is eða í síma 5553021/6645864.

Launakjör eru samkvæmt kjarasamningi Sambands íslenskra sveitarfélaga og KÍ v/ Félags leikskólakennara.

Umsóknarfrestur er til og með 20. febrúar 2024.

Greinargóð ferilskrá og leyfisbréf fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Önnur störf