Öldutúnsskóli auglýsir eftir skóla- og frístundaliða fyrir skólaárið 2026-2027

Öldutúnsskóli auglýsir eftir drífandi og kraftmiklum skóla- og frístundaliða í 50% starf í frístundaheimilið Selið. 

Um er að ræða hlutastarf sem felur í sér stuðning og aðstoð við nemendur í 1. – 4. bekk í frístundaheimilinu Selinu eftir hádegi virka daga frá kl. 13:00 til kl. 17:00. Starfið hentar vel sem aukavinna með námi eða öðru starfi. 

Selið býður upp á fjölbreytt tómstundastarf þar sem lögð er áhersla á skipulagðar tómstundir við hæfi hvers og eins. Á skipulagsdögum skólans og virkum dögum í jóla- og páskafríi er frístundaheimilið opið frá kl. 8:00–16:30.

Í Öldutúnsskóla er lögð áhersla á skapandi og gefandi umhverfi þar sem allir leitast við að gera nám og starf áhugavert og skemmtilegt. Við leggjum áherslu á góðan starfsanda, fjölbreytt viðfangsefni og öfluga teymisvinnu.

Einkunnarorð skólans eru virðing, virkni og vellíðan og grundvallast starf skólans á þeim gildum. Skólinn vinnur samkvæmt hugmyndafræði SMT um jákvæða skólafærni og Olweusaráætlun gegn einelti og andfélagslegri hegðun.

Í Öldutúnsskóla eru um 580 nemendur í 1. – 10. bekk.

Helstu verkefni og ábyrgð:

• Aðstoða við faglegt starf með nemendum.
• Starfa samkvæmt leiðsögn næsta yfirmanns.
• Stuðla að góðum aga og jákvæðum samskiptum.
• Taka þátt í skipulagningu, undirbúningi og framkvæmd fjölbreytts tómstundastarfs.
• Stuðla að velferð barna í samstarfi við foreldra og annað fagfólk.
• Leitast við að virkja alla  nemendur, óháð getu eða þroska, til þátttöku í fjölbreyttum verkefnum og viðburðum.
• Sinna öðrum verkefnum  samkvæmt starfslýsingu og fyrirmælum yfirmanns.

Menntunar- og hæfniskröfur:

• Reynsla af og áhugi af starfi með börnum.
• Lipurð í samskiptum, sveigjanleiki og samstarfshæfni.
• Frumkvæði og sjálfstæði í vinnubrögðum.
• Jákvætt viðmót og góð hæfni í mannlegum samskiptum.
• Áhugi á að starfa í skapandi og metnaðarfullu umhverfi.
• Stundvísi og samviskusemi.
• Mjög góð íslenskukunnátta, að lágmarki C1 samkvæmt skv. viðmiðum Evrópska tungumálarammans

Gerð er krafa um hreint sakavottorð við ráðningu.

Nánari upplýsingar veita Kristján Hans Óskarsson deildarstjóri tómstundamiðstöðvar  eða í síma 664-5712, Margrét Sverrisdóttir, skólastjóri,  eða Áslaug Hreiðarsdóttir eða í síma 555-1546

Launakjör eru samkvæmt kjarasamningi Sambands íslenskra sveitarfélaga við STH 

Umsóknarfrestur er til 4. júní 2026

Greinargóð ferilsskrá fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.