Á þýsku þýðir Traum „draumur“ – staður fyrir ímyndunarafl, löngun og flótta frá veruleikanum. En í hverjum draumi býr möguleikinn á andstæðu hans: Albtraum, martröðinni.

Orðið trauma kemur frá gríska orðinu trauma (τραύμα) sem þýðir sár. Í dag er það líka notað yfir sálræn sár, oft af völdum atburða eða aðstæðna sem geta verið yfirþyrmandi eða ógnandi og hugurinn eða líkaminn getur ekki að fullu tekist á við.

Með verkinu viljum við skoða sambandið milli draums og áfalls – þar sem von og ótti mætast og þar sem draumar geta umbreyst í eitthvað annað. Draumur (Traum) getur róað – eða brotið niður.

Gjörningurinn og hljóðheimur er tilraun til að takast á við ákveðna martraðakennda atburði og við bjóðum áhorfendum að fylgja okkur í gegnum þessa innsetningu í Litla gallerý.

Hljóðheimur í samstarfi við Hilmar Örn Hilmarsson.

—-

Borghildur útskrifaðist frá Universität der Künste Berlin, og hefur unnið sem arkitekt síðan en einnig sýnt verk meðfram því. Hún hefur sýnt Flip Over og fleiri sýningar með Artist on the Moon konseptinu, Demoncrazy á Listahátíð í Reykjavík, og Murus Opus á Saco Bienal de Arte Contemporáneo í Antofagasta, Chile 2022.

Olga Sonja útskrifaðist úr leiklist frá Listaháskóla Íslands og lauk meistaranámi í Spatial Strategies við Weißensee listaháskólann í Berlín. Hún hefur sýnt verkin STRIPP og Fegurð í mannlegri sambúð, á Reykjavík Dans Festival ásamt því að vinna með listahópnum, Maternal Fantasies í Berlín, 2020.

Borghildur og Olga Sonja kynntust í Berlín haustið 2012 þegar þær tóku þátt í uppsetningu á verkinu, Club Inferno í Volksbühne. Síðan hafa þær unnið saman að uppsetningu á öðru leikverki við Schaubühne. Saman gerðu þær líka gjörninginn Pseudo Preachers árið 2014 sem var ritual hljóðinnsetning og gjörningur í orkustöðinni.

Sýningaropnun verður fimmtudaginn 19. júní frá 18:00-21:00 og allir velkomnir!

Aðrir opnunartímar:
Föstudagur   20. júní   13:00 – 18:00
Laugardagur 21. júní   13:00 – 16:00
Sunnudagur  22. júní   14:00 – 17:00

LG // Litla Gallerý er styrkt af Menningar og ferðamálanefnd
Hafnarfjarðarbæjar vegna viðburðarins.