Cleaning and care
A beautiful and safe local environment makes everyone feel better.
Snow and ice
Á veturna þegar snjóar mikið eða hálka myndast er reynt að bregðast við sem fyrst til að halda umferð gangandi.
Snow clearance and anti-slip measures
Þjónustumiðstöð Hafnarfjarðar sér um snjómokstur og hálkuvarnir og er með vaktir á tímabilinu 15. október–15. apríl. Það er reynt að halda góðri þjónustu á götum og stígum frá kl. 7:30–22:00 (fer eftir forgangi) en veður stýrir þjónustutímanum. Verktakar eru kallaðir til þegar þarf á álagstíma.
Ábendingar varðandi snjómokstur og hálku skulu berast í gegnum ábendingagátt bæjarins eða í síma 585 5670.
Hálka á götum
Hálkuvarnir er fyrst og fremst fyrirbyggjandi aðgerðir þar sem notast er við söltun og sand eftir þörfum ásamt snjóruðning. Ákvarðanir eru teknar út frá ástandi vega , veðurfari, veðurspám ásamt umferð og umferðarflæði. Götum er skipt upp í forgangsröðun þar sem aðalgötur eru teknar fyrst, strætóleiðir, leiðir að skólum og leikskólum og varasamir staðir, brekkur og fleira. Almennar húsagötur og botnlangar eru almennt ekki hálkuvarðar nema í sérstökum aðstæðum.
Snjór á götum
Þegar snjór eða ís byrjar að tefja umferðina er mannskapur kallaður út í snjómokstur. Viðmið er áður en snjóþykkt nær 10 cm. Við snjómokstur er fyrst farið í aðalgötur forgangur 1, síðan forgang 2. Eftir að búið er að ná flæði umferðar á þessum götum þá er farið í snjómokstur á húsagötum og öðrum minni götum.
Snjór og hálka á stéttum og stígum
Snjómokstur og hálkuvarnir á stígum er skipt upp í forgangsröð. Fyrst er farið í aðalgönguleiðir, tengingar milli bæjarhluta, leiðum inn og út frá Hafnarfirði ásamt gönguleiðir að skólum og stofnunum bæjarins.
- Forgangur 1 (aðalleiðir), þjónusta alla daga vikunnar.
- Forgangur 2 (helstu gönguleiðir), unnið er við snjó- og hálkuvarnir alla virka daga á vinnutíma.
- Forgangur 3, unnið við snjó- og hálkuvarnir þegar forgangi 2 er lokið.
Gönguleiðir í almennum húsagötum er vanalega ekki ruddar nema í sérstökum aðstæðum.
Sandur og salt
Íbúar geta aðstoðað við hálkuvarnir til að tryggja öryggi allra. Hægt er að fá sand í Þjónustumiðstöðinni, Norðurhellu 2. Það þarf að koma með sitt eigið ílát, til dæmis margnota poka, fötur eða bala, en á staðnum er sandur og skófla.
Saltkistur eru staðsettar á 16 stöðum í bænum fyrir bæjarbúa. Gott er að nota salt á götur þar sem er mikill halli og á varasama staði þar sem hálka myndast.