Leiðbeinandinn mun taka þig í gegnum ýmis sjónræn dæmi og stíla og kynna aðrar aðferðir við teikningu. Kynnt verða hefðbundin og óhefðbundin verkfæri við að skapa. Námskeiðið fer að stærstum hluta fram inni í stúdíói Heiðdísar sem unnið hefur að því að gera aðstöðuna fullkomna fyrir krakka þar sem þau geta sullað eins mikið og þau vilja og skemmt sér við að skapa sína eigin list.

VERKEFNI

Kennsluaðferðir kennara útskýrðar, efni og aðferðir kynntar.
Tilraunir með þurrum efnum
Tilraunir með blaut efni
Mixed media og abstrakt.
Að nota línu, tón, áferð, mælikvarða og samsetningu.

KENNARI

Heiðdís Helgadóttir er starfandi listamaður, hönnuður og arkitekt. Hún lærði listfræði við Háskóla Íslands og lauk í beinu framhaldi Arkitektúr við Listaháskóla Íslands. Heiðdís stofnaði sitt eigið fyrirtæki í kringum hönnun sína árið 2012 og hefur starfað við eigin list síðan og stækkar áhugi hennar á teikningu og hönnun dag frá degi. Sjá meira inni á www.heiddis.com

EFNI
Allt efni innifalið, málning, litir, penslar, pappír, svunta, og allt tilheyrandi. Ætlast er til að nemendur hafi með sér einhvern léttan bita / hollt nesti.