Ertu í atvinnuleit? Komdu að starfa með okkur

Ertu í atvinnuleit eða langar þig að prófa eitthvað nýtt?

Hafnarfjarðarbær er stór vinnustaður. Leit stendur meðal annars yfir að kennurum, verkefnastjóra, sviðsstjóra, safnstjóra, skrifstofustjóra, tónmenntakennara, skóla- og frístundaliða, þroskaþjálfa og verkstjóra. Ert þú í atvinnuleit eða langar að prófa eitthvað nýtt?

Gefandi og skemmtilegt starfsumhverfi

Á ráðningarvef Hafnarfjarðarbæjar er að finna yfirlit yfir öll þau fjölbreyttu störf sem í boði eru hjá sveitarfélaginu. Um er að ræða framtíðarstörf, fullt starf eða hlutastörf sem tilvalin eru með skóla. Einnig jafnvel störf til skemmri tíma. Við tökum fagnandi á móti metnaðarfullu fólki sem langar að starfa í gefandi og skemmtilegu starfsumhverfi. Hafnarfjarðarbær er þriðja stærsta sveitarfélag landsins með rúmlega 2000 starfsmenn sem sinna fjölbreyttum störfum og verkefnum á tæplega 75 ólíkum starfsstöðvum um allan bæ. Rík áhersla er lögð á það að hjá bænum starfi fólk sem getur veitt bestu þjónustu sem völ er á og sem sinnir sínu starfi af þekkingu, ábyrgð og metnaði. Sérstök athygli er vakin á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.

Hér eru nokkur dæmi um störf í auglýsingu 

• Sviðsstjóri þjónustu- og þróunarsviðs
• Kennari í sérdeild 
• Þroskaþjálfi í grunnskóla 
• Skóla- og frístundaliði 
• Skrifstofustjóri 
• Safnstjóri skólabókasafns 
• Tónmenntakennari 
• Leikskólakennari 
• Þroskaþjálfi í skammtímadvöl
• Verkefnastjóri í félagsmiðstöð 
• Umsjónarmaður vinnuskólans 
• Verkstjóri í vinnuskóla

Kíktu í heimsókn á ráðningarvef bæjarins!