Bæjarstjóri verður til taks og tilbúinn í spjall á bókasafninu fimmtudaginn 19. febrúar milli klukkan 14:30 – 16:30.
„Mig langar að hitta fólk, heyra hvað brennur á því, hvaða hugmyndir Hafnfirðingar hafa eða bara spjalla,“ segir Valdimar Víðisson bæjarstjóri.
Valdimar hefur síðustu misseri reglulega fært skrifstofu sína úr ráðhúsinu. Það gefur tækifæri til að nálgast hann víðar og ræða við hann um málefni bæjarins.
