Íþrótta- og viðurkenningarhátíð 2019 – íþróttafólkið okkar

Bæjarstjórn Hafnarfjarðar og íþrótta- og tómstundanefnd standa fyrir afhendingu viðurkenninga til íþróttamanna sem keppa með hafnfirskum liðum, Íslandsmeistara, hópa bikarmeistara, Norðurlandameistara, heimsmeistara og sérstakra afreka, ásamt vali á íþróttakonu, íþróttakarli og íþróttaliði Hafnarfjarðar á árinu 2019.

Viðurkenningar og val á íþróttafólki ársins 2019

Rúmlega 300 einstaklingum sem hafa á árinu 2019 unnið Íslandsmeistaratitla með hafnfirsku liði er veitt viðurkenning á hátíðinni. Úthlutað verður úr sjóði sem Rio Tinto á Íslandi, ÍBH og Hafnarfjarðarbær standa að sem ætlað er að efla íþróttastarf fyrir yngri en 18 ára auk þess sem skrifað verður undir áframhaldandi samning. Viðurkenningar verða veittar bikarmeisturum og þeim sem hafa náð alþjóðlegum titlum. Íþróttabandalag Hafnarfjarðar hlýtur viðurkenningu frá ÍSÍ sem fyrirmyndar íþróttahérað. Vali á íþróttakonu, íþróttakarli og íþróttaliði Hafnarfjarðar fer fram en alls hafa tíu tilnefningar verið kynntar í hvorum flokki. Útnefnt verður lið Hafnarfjarðar 2019.

Allir bæjarbúar eru velkomnir og fer hátíðin fram í íþróttahúsinu við Strandgötu kl. 18:00 föstudaginn 27. desember.