Víðavangshlaup Hafnarfjarðar 2021 – takk fyrir komuna!
Víðavangshlaup Hafnarfjarðar fór fram í miðbænum sunnudaginn 3. október en með þessu frábæra hlaupi sló heilsubærinn Hafnarfjörður botninn í Íþróttaviku Evrópu 2021.
Þúsund þakkir fyrir þátttökuna!
Víðavangshlaup Hafnarfjarðar fór fram í miðbænum sunnudaginn 3. október en með þessu frábæra hlaupi sló heilsubærinn Hafnarfjörður botninn í Íþróttaviku Evrópu 2021. Margir efnilegir hlauparar voru að stíga sín fyrstu skref í hlaupinu en keppendur voru um hundrað talsins og fjölmennast var í yngstu aldursflokkunum.
Kynning á kúluvarpi og langstökki
Frjálsíþróttadeild FH sá um framkvæmd hlaupsins og bauð áhugasömum að prófa kúluvarp og langstökk áður en hlaupið sjálft hófst. Þá sáu Solla stirða og Halla hrekkjusvín úr Latabæ um upphitun og liðkun stirðra liða. Allir keppendur fengu verðlaunapeninga sem voru gefnir af Hafnarfjarðarbæ og fyrstu keppendur í mark í hverjum flokki fengu verðlaunabikara.
Fyrstir í hverjum flokki voru:
7-8 ára
- Yusif Þór Hassan Bonnah
- Lilja Björk Tómasdóttir
9-10 ára
- Alexander Óli Magnússon
- Auður Alice Jónsdóttir
11-12 ára
- Hrannar Már Arnarson
- Ingibjörg Magnúsdóttir
Næsta víðavangshlaup verður haldið á Sumardaginn fyrsta 21. apríl 2022!