Creative Summer Jobs – Vilborg
Vilborg Lóa Jónsdóttir er 23 ára myndlistarnemi. Hún starfar á vegum skapandi sumarstarfa í Hafnarfirði. Vilborg verður með sýninguna Minningar, 10.ágúst. það er málverkasýning, þar sem hvert málverk táknar eina minningu úr barnæsku og uppeldi hennar úr Hafnarfiði.
„Ég heiti Vilborg Lóa Jónsdóttir og er 23 ára myndlistarnemi. Ég er að starfa hjá skapandi sumarstörfum Hafnarfjarðar. Ég verð með sýninguna Minningar 10.ágúst. það er málverkasýning, þar sem hvert málverk táknar eina minningu úr minni barnæsku og uppeldi úr Hafnarfiði. Sumar minningarnar eru sameiginlegar, og aðrar persónulegri mér. Markmið verkefnisins er að fá fólk til að hugsa til sinnar barnæsku og athuga hvað skilgreindi þeirra barnæsku. Er eitthvað sem við eigum sameiginlegt með öðrum sem ólust upp í sama umhverfi og þú eða ekki?“
Hér má fylgjast með framvindu verkefnisins í sumar Vilborg Lóa (@vilborg_creates) • Instagram photos and videos
See the event on Facebook Minningar – Listasýning | Facebook
UM SKAPANDI SUMARSTÖRF 2023
Sumarið 2021 ákvað Hafnarfjarðarbær í samstarfi við Ungmennahús bæjarins, Hamarinn, að endurvekja verkefnið “Skapandi sumarstörf” sem hafði verið starfrækt sumarið 2017. Þá bauðst einstaklingum og hópum á aldrinum 18-23 ára að koma með hugmyndir að skapandi verkefnum í Hafnarfirði. Valdir hópar fengu tækifæri til að starfa við ýmis skapandi verkefni á ýmsum sviðum lista sem einnig myndu lífga upp á mannlífið í bænum, gleðja ferðamenn og íbúa með einum eða öðrum hætti. Starfsfólki Skapandi sumarstarfa, sem rekið er sem hluti af Vinnuskóla Hafnarfjarðar er ætlað að glæða bæinn lífi, gera hann skemmtilegri, fallegri og fjölbreyttari með listrænum og skapandi uppákomum. Verkefnin eru fjölbreytt og höfða til mismunandi aldurshópa og áhugasviða. Klara Ósk Elíasdóttir er verkefnastýra Skapandi sumarstarfa.
Í ár eru níu fjölbreyttir hópar og einstaklingar sem starfa á vegum skapandi sumarstarfa og verða þau kynnt vikulega í sumar.