Nýr kafli hefst – Opnunarhátíð Bókasafns Hafnarfjarðar
Opnunarhátíð nýja bókasafnsins í Firði verður haldin fimmtudaginn 13. ágúst milli kl. 16-18. Nú er hægt að taka forskot á sæluna, því safnið opnaði dyrnar fyrst í morgun.
Nýja bókasafnið okkar í Firði
Fólk streymdi að strax í morgun þegar Bókasafn Hafnarfjarðar opnaði nýtt húsnæði sitt í fyrsta sinn. Fimmtudaginn 13. ágúst verður formleg opnun nýja bókasafnsins okkar í Firði – og það aðeins þremur mánuðum frá því að bærinn fékk lyklavöldin að húsnæðinu. Allar bækur eru komnar í hillur. Safnið er glæsilegt.
Húsnæði nýja bókasafnsins er tæpir 1.700 fermetrar að stærð. Þar af eru um 550 fermetrar í nýbyggingu Fjarðar við Strandgötu 26-30. Breytingarnar og uppbyggingin við Fjörð eru mestu framkvæmdir sem átt hafa sér stað í miðbæ Hafnarfjarðar í áratugi.
Nýja bókasafn Hafnarfjarðar er nútímasamkomuhús fyrir Hafnfirðinga. Og hvað finnum við á nýja bókasafninu?
- Næðisrými
- Hljóðver
- Raddrými fyrir podcöst
- Fundarherbergi
- Hópaherbergi
- Samkomusalur
- Barnahorn
- Lærdómsrými
Og það sem við finnum fyrst og fremst er góður andi, gott fólk sem mætir okkur og aðstoðar í þessum nýja töfraheimi okkar sem er umkringdur bókum.
Play
Bókasafnið hefur þegar opnað og því hægt að taka forskot á sæluna og sjá síðustu hnútana hnýtta áður en safnið verður opnað formlega
- Where? Bókasafn Hafnarfjarðar, 2. hæð í Firði
- When? Fimmtudagurinn 13. ágúst frá kl. 16-18 (safnið er opið til 19)
- Hvað? Sérstök opnunarhátíð (opið í Firði til kl. 19)
All are welcome.