Tveir nýir ærslabelgir í Hafnarfirði á árinu 

Uppfært 22. janúar 2025

Á fundi umhverfis- og framkvæmdaráðs Hafnarfjarðar þann 22. janúar 2025 var umræða um fyrirhugaða staðsetningu ærslabelgs á Holtinu tekin fyrir. Ráðið þakkar íbúum fyrir gagnlegar athugasemdir um staðsetningu ærslabelgs við Álfholt og hverfur frá fyrirhugaðri staðsetningu. Unnið er að tillögum að nýrri staðsetningu á Hvaleyrarholti.

Þar sem tveir hoppa saman þar er gaman

Ákveðið hefur verið að setja upp tvo nýja ærslabelgi í Hafnarfirði á árinu 2025 á völdum opnum svæðum í bænum sem ætluð eru til almennrar útivistar.  Með framkvæmdinni er verið að svara ákalli íbúa um ærslabelgi víðar bænum og það innan sem flestra hverfa.  

Hoppað á Hörðuvöllum og Holtinu  

Á fundi  umhverfis-  og  framkvæmdaráðs  Hafnarfjarðar  þann 30. október síðastliðinn var  samþykkt  að  svara ákalli íbúa og fjölga ærslabelgjum í bænum. Til stendur að setja upp ærslabelg á opnu svæði sem  afmarkast  af  Háholti,  Hvaleyrarbraut  og  Álfholti og hinn á opnu svæði á Hörðuvöllum. Svæðin eru ætluð til almennrar útivistar og þarfnast því ekki breytinga á skipulagi. Fimm ærslabelgir eru í Hafnarfirði í dag og því verða ærsabelgirnir orðnir sjö þegar þessir tveir verða komnir í gagnið. Ærslabelgirnir  eru  opnir  frá  kl.  9 -22  alla  daga  vikurnar yfir  sumartímann  og  njóta  mikilla  vinsælda  meðal  barna  og  ungmenna. Það verður hægt að hoppa ansi víða í Hafnarfirði á árinu 2025.  

Yfirlit yfir staðsetningu ærslabelgja 

Hoppað á Hörðuvöllum – staðsetning á nýjum ærslabelg á árinu

Hoppað á Holtinu – staðsetning á nýjum ærslabelg á árinu