Viðburðarík helgi í Hafnarborg

Hafnarborg uppspretta listarinnar 

Helgin verður viðburðarík í Hafnarborg. Saturday, 28th February at 2 p.m. tekur Eggert Pétursson, myndlistarmaður, á móti gestum og segir frá verkum sínum á sýningunni Red, sem lýkur þessa sömu helgi.

Á sýningunni má sjá bæði ný málverk og grafíkverk eftir listamanninn, sem hefur um árabil vakið athygli fyrir einstakan og ástríðufullan áhuga á íslenskri náttúru og þá sérstaklega flóru landsins.

„Þetta er einstakt tækifæri fyrir gesti að koma og hlusta á Pétur segja frá verkum sínum,“ segir Aldís Arnardóttir forstöðumaður safnsins en sýningin hefur staðið frá 20. nóvember.

• Nánar um þetta listamannaspjall

Það er svo skemmtileg tilviljun að sonur hans Pétur Eggertsson mætir með Lilju Maríu Ásmundsdóttur í Hafnarborg á sunnudag.

Þau frumflytja sunnudaginn 1. mars kl. 20 nýtt verk sem þau hafa samið sérstaklega sem inngrip í yfirstandandi sýningu myndlistarmannsins Unu Bjargar Magnúsdóttur, Filling, í aðalsal Hafnarborgar, menningar- og listamiðstöðvar Hafnarfjarðar, en tónleikarnir eru jafnframt lokahnykkur sýningarinnar.

Lilja og Pétur munu koma til með að ferðast á milli staða innan sýningar Unu Bjargar þar sem nótur og hljóðfæri þeirra verða umbreytast í skúlptúra innan sýningarinnar. Viðburðurinn er hluti af tónleikaröð Hafnarborgar, Hljóðönum.

„Þetta er eins og inngrip í sýninguna,“ segir Aldís.  „Já, og virkilega skemmtileg tenging við sýningu Eggerts. Hið sannkallaða litla Ísland,“ segir hún og brosir.

• Sjáðu allt um Fyllingu í þessari Hljóðön

Svo líður helgin og þótt henni ljúki verður nóg um að vera í Hafnarborg. Tuesday, 3rd March at 12 býður safnið ykkur velkomin á næstu hádegistónleika í Hafnarborg. Þá verður Alda Ingibergsdóttir, sópran, gestur Antoníu Hevesi, píanóleikara og listræns stjórnanda tónleikaraðarinnar.

• Sjáðu allt um viðburðinn hér

Og ef þetta er ekki nóg má benda á tónleika strax í dag. Síðdegistóna Kristjönu Stefánsdóttur kl. 18.

• Strax síðdegis í dag

Og þetta er allt gjaldfrálst! Ókeypis! Já, Hafnarfjörður er sko sannkallaður menningarbær. Njótum saman.