The Children's Book Exchange Market

Lumar barnið þitt á „gömlum“ og mikið lesnum bókum sem það væri alveg til í að skipta út fyrir „nýjar“ bækur? 

Hvílir stafli af barnabókum uppi á lofti eða inni í geymslu sem gæti öðlast nýtt líf í höndum annarra?

Vettvangur fyrir börnin

Bókabýttimarkaður barnanna verður haldinn í Verslunarmiðstöðinni Firði á laugardaginn frá kl. 13-15.  Tilgangur markaðar er að skapa tækifæri og vettvang fyrir börn á grunnskólaaldri að eignast nýjar bækur með því að selja eldri bækur sem þeir eiga og kaupa aðrar í staðinn eða býtta. Enginn þarf að býtta á bókum nema að hann vilji það. Það eina sem þarf er samþykki foreldra fyrir sölunni. 

Eitt verð og mæting kl. 12:45

ATHUGIÐ að aðeins eitt verð er á öllum bókum (200 kr.) og gott gæti verið að hafa skiptimynt meðferðis til að auðvelda sölu. Mæting er í Fjörð kl. 12.45 fyrir þá sem vilja selja bækur en markaðurinn hefst kl. 13 fyrir þá sem vilja skoða og kaupa bækur á mjög góðu verði. 

Hlökkum til að sjá ykkur!! 😀

Ef einhverjar spurningar vakna vinsamlega sendið póst á: vigfus@hafnarfjordur.is

The Children's Book and Film Festival in Hafnarfjörður

Viðburðurinn er liður af Bóka- og bíóhátíð barnanna. Þessi nýja menningarhátíð, sem stendur yfir í eina viku, er nú haldin í fyrsta skipti og endurspegla viðburðir vikunnar áherslu á bækur og kvikmyndir og skapandi og skemmtileg verkefni sem tengjast hvoru tveggja. Tilgangur hátíðarinnar er að efla áhuga barna enn frekar á lestri og læsi í víðum skilningi og mun hátíðin styðja við læsisverkefni leik- og grunnskóla bæjarins sem í gangi hefur verið síðustu misseri. Hátíðin er haldin í nánu samstarfi Hafnarfjarðarbæjar við Bókasafn Hafnarfjarðar, grunnskóla, leikskóla, Hafnarborg, Byggðasafn, Bæjarbíó, Verslunarmiðstöðina Fjörð og fleiri aðila.

An overview of the festival's events can be found. here or on Facebook page of the festival,