Nýsköpunarsetrið
við lækinn

Hreiðrið ungmennahús er miðstöð fyrir ungt fólk í Hafnarfirði. Hreiðrið er opið öllum ungmennum á aldrinum 16-25 ára og er opið frá kl. 14 til 22 alla virka daga. Hreiðrið hefur tvö rými í norðurálmu Nýsköpunarsetursins en nýtir jafnframt önnur rými í húsinu, eins og Tæknismiðju og Tilraunasmiðju.

Á þriðju hæð hússins er músíksmiðja Hreiðursins. Þar er æfingarými sem ungar hljómsveitir geta fengið afnot af til að æfa og taka upp tónlist. Hér er hægt að sækja um pláss í æfingarými Hreiðursins.

Öll eru velkomin í Hreiðrið, hvort sem þau vilja spjalla í sófanum, mæta með tölvuna og vinna eða læra eða sinna tómstundastarfi.

Tónlist er ókeypis aðstaða fyrir ungt tónlistarfólk í Hafnarfirði til að æfa, semja, pródúsera og vinna tónlist. Þar eru tónlistarherbergi og æfingaaðstaða fyrir tónlistarfólk og hljómsveitir á aldrinum 13–20 ára, og starfsmaður á staðnum sem aðstoðar eftir þörfum.

Hljómsveitir og aðrir tónlistarskaparar geta nýtt upptökuver til að taka upp eigið efni undir leiðsögn. Músíkhúsið hefur reynst frábær stökkpallur fyrir ungar og efnilegar hljómsveitir.

You can apply for a facility by speaking to the staff on site, or by sending an email to mgm@hafnarfjordur.is or ring the phone 585-5867 During opening hours.

Hinsegin Hittingar í Hafnarfirði fyrir aldurinn 16-25 ára. Vikulegir hittingar alltaf á miðvikudögum.

Spunaspilarar hittast á fimmtudögum í Nýsköpunarsetrinu við Lækinn. Húsið opnar kl. 17:00 og spilamennska hefst kl. 18:00. Hópurinn er fyrir 15–16 ára og öll eru velkomin.

Spunaspil eru leikin þar sem þátttakendur setja sig í hlutverk persóna og leysa ýmis verkefni, oft með blöðum, blýöntum og teningum. Spilað er á ensku undir handleiðslu spilameistarans Thorvalds Michael og engin reynsla er nauðsynleg.

Hægt er að mæta beint eða hafa samband við ith@hafnarfjordur.is.