Umhverfis- og framkvæmdaráð

Almenn erindi

• 2001456 – Fjárhagsáætlun Hafnarfjarðarkaupstaðar og fyrirtækja hans 2021 og 2022-2024

  Kynnt staða á rekstri fram til júlí 2021.

  Lagt fram til kynningar.

• 2102340 – Samræming úrgangsflokkunar á höfuðborgarsvæðinu

  Tekin til umræðu staða verkefnisins.

  Tekið til umræðu.

• 2103424 – Grænkun Valla

  Tekið til umræðu.

  Umhverfis og framkvæmdaráð leggur til að stofnaður verði samráðshópur til að forgangsraða verkefnum til næstu þriggja ár í samræmi við bókun ráðsins frá 25. ágúst s.l. Samráðshópurinn hafi það hlutverk að skoða skipulag á Völlum og leggja til 3ja ára áætlun um úrbætur. Fulltrúar í samráðshópi verði þrír frá meirihluta og tveir frá minnihluta ásamt fulltrúum frá íbúasamtökum Valla. Samráðshópur skili tillögu til úrvinnslu eftir 6 ? 8 vikur.
  Greinargerð:
  Þegar Vallahverfið var skipulagt var horft til þess að nýta jarðefni á svæðinu og grjót úr húsgrunnum var notað í manir og til fyllinga við stíga. Íbúar hafa ekki verið sáttir við þetta skipulag og á undanförnum árum hefur verið leitast við að mæta þeirra sjónarmiðum með því m.a. að tyrfa manir og í ár verður grjót við gönguleið í miðju hverfissins fjarlægt og mosatorf sett í staðinn. Áfram verður haldið á þeirri braut að leiðrétta skipulagið með því að fjölga grænum svæðum og mýkja ásýnd hverfisins og með því að fara í heildarendurskoðun á skipulaginu með aðkomu landslagsarkitekts. Við vinnu fagaðila verði Umhverfis- og Trjáræktarstefna Hafnarfjarðar hafðar til hliðsjónar.

• 1106043 – Gatnalýsing í Hafnarfirði

  Farið yfir stöðu led væðingar.

  Tekið til umræðu.

• 2104588 – Gangstéttir, endurnýjun

  Kynnt staða verkefnisins.

  Tekið til umræðu.

• 2108729 – Ásvellir, ljósabúnaður við gervigrasvöll

  Lagt fram erindi Knattspyrnufélagsins Hauka varðandi endurnýjun á flóðlýsingu knattspyrnuvallar.

  Lagt fram.

• 2108748 – Kaldárhraun, röskun og verndun

  Lagt fram til kynningar bréf Trausta Baldurssonar varðandi verndun Kaldárhrauns.

  Lagt fram til kynningar.

• 2108602 – Hellisgerði, deiliskipulag

  Skipulagslýsing lögð fram til kynningar.

  Tekið til umræðu.

• 1407049 – Fegrunarnefnd - Snyrtileikinn

  Tekið til umræðu

  Tekið til umræðu.

• 2108192 – Hvaleyrarvatn, vatnsstaða

  Lögð fram greining á vatnsstöðu í Hvaleyrarvatni.

  Umhverfis- og framkvæmdaráð þakkar fyrir framkomna skýrslu frá Vatnaskilum og felur umhverfis- og veitustjóra að óska eftir kostnaðarmati á greiningu á grunnvatni í upplandi Hafnarfjarðar. Sú greining er til að auka þekkingu á vatnsbólinu í Kaldárbotnum, vatnstöðu í Hvaleyrarvatni og orsakir fyrir lágri vatnsstöðu í samræmi við þær tillögur sem fram koma í samantekt skýrslunnar.

• 2108625 – Umferðarhraði í Hafnarfirði

  Tekið til umræðu.

  Umhverfis- og framkvæmdaráð felur umhverfis- og skipulagssviði að leggja fram tillögur að staðsetningum hraðalækkandi aðgerða fyrir næsta fund.

• 2104506 – Deilibílar, rannsóknarverkefni

  Tekið til umræðu og kynnt tillaga að staðsetningu fyrir stæði bílsins á bílastæðinu við Fjörð.

  Lagt fram.

• 2103477 – Hnoðraholtslína, jarðstrengur

  Lögð fram bókun skipulags- og byggingarráðs frá 24.8.sl.: Skipulags- og byggingarráð samþykkir að gengið verði til samninga við Landsnet um að setja Hnoðraholtslínu í jörð vegna skipulagsvinnu við Ásland 4 og 5. Erindinu er jafnframt vísað til fjárhagsáætlunargerðar á umhverfis- og skipulagssviði.

  Lagt fram.

• 2108789 – Álver ISAL, nýtt starfsleyfi

  Lögð fram umsókn Rio Tinto um endurnýjun starfsleyfis fyrir Álver í Straumsvík.

  Umhverfis- og framkvæmdaráð felur umhverfis- og skipulagssviði að gera umsögn.

Fundargerðir

• 2101084 – Strætó bs, fundargerðir 2021

  Lögð fram fundargerð 343. fundar.