Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
Hér geturðu skoðað í tímaröð alla þá skemmtilegu árlegu viðburði sem haldnir eru í bænum.
Á þrettándanum, 6. janúar ár hvert, eru jólin kvödd með dansi og söng á glæsilegri Þrettándagleði á Ásvöllum. Jólasveinn, Grýla, Leppalúði, álfar og púkar skemmta og hátíðinni lýkur með glæsilegri flugeldasýningu Björgunarsveitar Hafnarfjarðar.
Vetrarhátíð er haldin í febrúar ár hvert. Megintilgangurinn er að gefa íbúum höfuðborgarsvæðisins tækifæri til að njóta menningar, lista, íþrótta og útiveru í eigin sveitarfélagi eða heimsækja nágranna sína í nærliggjandi sveitarfélagi.
Sumardagurinn fyrsti hefst á víðavangshlaupi Hafnarfjarðar í umsjón Frjálsíþróttadeildar FH. Að því loknu er haldið í skrúðgöngu á Víðistaðatún þar sem skátafélagið Hraunbúar sér um fjölbreytta fjölskyldudagskrá.
Bjartir dagar er menningarhátíð sem endurspeglar allt fjölbreytta menningarstarfið sem á sér stað í Hafnarfirði sem stofnanir, félagasamtök, fyrirtæki og einstaklingar standa að. Bjartir dagar hefjast á afmælisdegi bæjarins 1. júní á því að þriðjubekkingar syngja inn sumarið. Kraftur og gróska í listalífinu í Hafnarfirði hefur meðal annars endurspeglast í viðburðinum Gakktu í bæinn. Þá opna listamenn, hönnuðir og handverksfólk vinnustofur sínar og bjóða gesti og gangandi velkomna í heimsókn.
Sjómannadagurinn hefur verið haldinn hátíðlegur í Hafnarfirði síðan 1953 enda tengist saga Hafnarfjarðar náið sjósókn og fiskvinnslu. Fjölbreytt dagskrá og heiðrun sjómanna fer fram við Flensborgarhöfn og Björgunarsveit Hafnarfjarðar setur upp fjölbreytt björgunarleiktæki á landi og í sjó.
Sjómannadagurinn er fyrsti sunnudagurinn í júní, nema ef hvítasunnu ber upp á þann dag, þá er hann næsti sunnudagur þar á eftir. Endilega gerðu þér ferð niður að höfn og njóttu þess sem höfnin, sem bærinn er kenndur við, hefur upp á að bjóða.
Yfir sumarmánuðina er boðið upp á menningar- og heilsugöngur öll miðvikudagskvöld. Flestar göngur taka um klukkustund og hefjast kl. 20 nema annað sé tekið fram, þátttaka er ókeypis og allir velkomnir.
Þjóðhátíðardagurinn hefst í Hafnarfirði með fánahyllingu á Hamrinum. Að lokinni skrúðgöngu, sem skátafélagið Hraunbúar og Lúðrasveit Hafnarfjarðar leiða, flytur fjallkona Hafnarfjarðar ávarp við setningu þjóðhátíðardagskrár. Þá tekur við fjölbreytt hátíðar- og skemmtidagskrá sem teygir sig um allan miðbæinn og enginn ætti að láta Austurgötuhátíðina framhjá sér fara.
Víkingafélagið Rimmugýgur stendur árlega fyrir Víkingahátíð á Víðistaðatúni. Hátíðin er haldin vikuna í kringum 17. júní. Á hátíðinni fara fram bardagasýningar, leikjasýningar, sögumenn, bogfimi, handverk, markaður, víkingaskóli barna og veitingar til sölu. Víkingahátíð hefur verið haldin í Hafnarfirði í næstum þrjá áratugi en fyrsta hátíðin fór fram á Víðistaðatúni árið 1995.
Bóka- og bíóhátíð barnanna sem er haldin að hausti í Hafnarfirði minnir á mikilvægi lestrar og bóka og tengsl þeirra við kvikmyndir. Stofnanir bæjarins standa fyrir viðburðum og fjölbreytt verkefni eru unnin í leik- og grunnskólum bæjarins.
Jólaþorpið er opið alla föstudaga frá kl. 17-20, laugardaga og sunnudaga á aðventunni frá kl. 13–18. Þar iðar allt af lífi og fjöri í kringum jólin. Litlu fagurlega skreyttu jólahúsin í Jólaþorpinu í Hafnarfirði eru orðin landsþekktur söluvettvangur fyrir ýmiss konar gjafavöru, handverk og hönnun sem tilvalið er að setja í jólapakkann. Einnig eru á boðstólum gómsætar veitingar til að borða á staðnum og ljúfmeti til að taka með heim á veisluborðið. Endilega komdu í miðbæ Hafnarfjarðar í desember til að njóta skemmtidagskrár á Thorsplani, kíkja í litlu jólahúsin og hver veit nema þú rekist á Grýlu eða jólasveinana á vappi um bæinn.
Var efnið hjálplegt?
