Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
Hafnarfjörður býður jólin velkomin með sínu árlega jólaþorpi, ljósadýrð og ævintýraveröld í Hellisgerði, Hjartasvelli og svo miklu fleiru. Þú finnur jólaandann í Hafnarfirði!
Á aðventunni er notalegt að koma til Hafnarfjarðar, njóta og hafa gaman saman. Hafnarfjörður er sannkallaður jólabær þar sem fjölskyldur og vinahópar upplifa hlýlega og afslappaða jólastemningu.
Við tökum hlýlega á móti þér og öllum þínum!
Heiti lags: Nú mega jólin Söngur: Rakel Björk Björnsdóttir Lag: Héðinn Svavarsson Texti: Ólafur Heiðar Harðarson
Jólaleiðin liggur um hjarta Hafnarfjarðar. Skelltu þér á safn, í sund, í skógarferð með fjölskylduna, tónleika með vinahópnum, út að borða með makanum, á kaffihús með foreldrunum eða í alvöru kaupstaðarferð í hjarta Hafnarfjarðar. Skildu jólastressið eftir heima og komdu í heimsókn í huggulegasta heimabæ höfuðborgarsvæðisins.
Jólaleiðin 2022
Hér eru mild jólaljós, ljúfir tónar, freistandi vörur, blómstrandi menning, óvæntar uppákomur og öðruvísi jóladagskrá. Einnig eru fjölbreyttar verslanir, veitingastaðir og kaffihús af bestu gerð þar sem njóta má á staðnum eða grípa dýrindis bakkelsi og njóta heima.
Þú finnur jólaandann í Hafnarfirði
Jólaþorpið í Hafnarfirði er jólamarkaður sem er opinn á aðventunni alla föstudaga frá kl. 17-20 og alla laugardaga og sunnudaga frá kl. 13-18. Þar iðar allt af lífi og fjöri. Öll eru velkomin í miðbæ Hafnarfjarðar í desember að njóta óvæntra skemmtiatriða á Thorsplani, kíkja í litlu jólahúsin og hver veit nema þú rekist á Grýlu eða jólasveinana á vappi um bæinn.
Jólaþorpið í Hafnarfirði
Fagurlega skreyttu jólahúsin í Jólaþorpinu eru orðin landsþekktur söluvettvangur fyrir ýmis konar gjafavöru, sælkerakrásir, handverk og hönnun sem tilvalið er að setja í jólapakkann. Einnig eru á boðstólnum gómsætar veitingar til að borða á staðnum og ljúfmeti til að taka með heim á veisluborðið.
Jólahúsin í Jólaþorpinu í Hafnarfirði
Jólaþorpið í Hafnarfirði er með Facebook síðu þar sem hægt er að fylgjast með því sem er á döfinni hverju sinni.
Sannkallað jólaævintýraland er risið í Hellisgerði, þessum nær 100 ára gamla og gullfallega lystigarði í miðbæ Hafnarfjarðar. Við innganginn frá Reykjavíkurvegi tekur fallegt rautt jólahjarta á móti gestum og gangandi og síðan tekur við ævintýraveröld ljósa og lystisemda. Ljósaseríur og ljósafígúrur gleðja augað og andann. Mikið af fólki leggur leið sína um garðinn á göngu sinni um jólabæinn auk þess sem sjá má fjölskyldur í nestisferð með kakó og jólakökur, börn við létt hraunklifur og hellaskoðun og skautandi á tjörninni sem liggur í botni garðsins. Einhverjir hafa verið í ævintýraferð og í leit að álfum og huldufólki enda segir sagan að þarna búi mikill fjöldi álfa og huldufólks. Álfabúðin í Hellisgerði er opin allar aðventuhelgarnar frá kl. 12-17 en þar er hægt að versla fallegt handverk og hönnun og gæða sér á álfakakói og piparkökum.
Hellisgerði er skrúðgarður Hafnarfjarðar
Frá 10. nóvember til 30. desember 2023 mun Hafnarfjarðarbær í samvinnu við Bæjarbíó starfrækja Hjartasvellið, 200 m² skautasvell fyrir fólk á öllum aldri. Svellið var fyrst opnað á aðventunni 2021 og komu fjölmargir og nutu samveru á skautum í hjarta Hafnarfjarðar. Hjartasvellið er staðsett á Ráðhústorgi, fyrir framan Bæjarbíó og Bókasafn Hafnarfjarðar og tengir þannig skemmtilega saman Jólaþorpið í miðbænum og ljósadýrðina í Hellisgerði. Tilvalið er að skella sér á Bókasafn Hafnarfjarðar eftir skautaferðina, ylja sér og glugga í bók.
Hjartasvellið er 100% vistvænt þar sem hvorki vatn né rafmagn er notað til að frysta það. Svellið er byggt á sérhönnuðum gerviísplötum sem hafa sömu eiginleika og venjulegur ís sem býður uppá frábæra afþreyingu, upplifun og hreyfingu fyrir alla fjölskylduna. Skautaferðir eru til sölu á tix.is, innifalin er leiga á skautum og hjálmi. Hver skautaferð er 40 mín og hefst á heila tímanum. Mikilvægt er að mæta tímanlega til að forðast raðir. Hægt er að kaupa allt að átta ferðir á 4.000 kr í sérstökum fjölskyldupakka og reiknast afslátturinn í körfunni sjálfkrafa.
Hjartasvellið er skautasvell í hjarta Hafnarfjarðar
Jólablað Hafnarfjarðar er gefið út í sömu viku og Jólaþorpið opnar ár hvert og er dreift 72.000 eintökum á öllu heimili á höfuðborgarsvæðinu. Jólablaðið hefur þann tilgang að kynna jólabæinn Hafnarfjörð fyrir öllum áhugasömum, gestum og gangandi, og varpa ljósi á hlýleikann og fjölbreytileikann sem býr með fólkinu og fyrirtækjunum í Hafnarfirði.
Jólablaðið er aðgengilegt í Fjarðarkaupum, Firði verslunarmiðstöð, þjónustuveri Hafnarfjarðarbæjar, Bókasafni Hafnarfjarðar, Hafnarborg, Byggðasafni Hafnarfjarðar og í sundlaugum bæjarins.
Jólablað Hafnarfjarðar 2023: Jólabærinn Hafnarfjörður – vefútgáfa:
Jólablað Hafnarfjarðar 2022: Jólabærinn Hafnarfjörður – vefútgáfa:
.embed-container { position: relative; padding-bottom:56.25%; height:0; overflow: hidden; max-width: 100%; } .embed-container iframe, .embed-container object, .embed-container embed { position: absolute; top: 0; left: 0; width: 100%; height: 100%;}
Jólabærinn Hafnarfjörður er að mörgu leyti einstakur, ekki síst fyrir lifandi og skemmtilegan miðbæ, heillandi hafnarsvæði og gott aðgengi að fjölbreyttum og fallegum náttúruperlum allt árið um kring. Margir áhugaverðir staðir eru í göngufæri frá miðbænum, til dæmis Hellisgerði, Víðistaðatún, Hamarskotslækur og Hamarinn.
Tónlistarveisla í Hafnarborg
Aðventan verður ekki bara jólaleg í Hafnarfirði heldur afar lífleg og fjörug og munu viðburðir og skemmtun sýna fjölbreytileikann sem ríkir í menningarlífi bæjarins. Þar spilar Bæjarbíó stórt hlutverk ásamt Byggðasafni Hafnarfjarðar, Hafnarborg og Bókasafni Hafnarfjarðar. Öll áhugasöm eru hvött til að kynna sér dagskrána sem í boði er á hverjum stað. Vakin er sérstök athygli á því að frítt er á söfn bæjarins.
Jólasund er góð samverustund og sundlaugarnar í Hafnarfirði vel til þess fallnar að uppfylla þarfir allra samfélagshópa enda ólíkar. Notum tækifærið og skellum okkur í sund með allri fjölskyldunni og/eða vinum um jólin. Sundlaugarnar eru þrjár og hafa þær allar sína sérstöðu og sjarma. Þannig einkennir Sundhöll Hafnarfjarðar gömul saga og rólegt andrúmsloft, Ásvallalaug fjölskylduvænt umhverfi og heitur salur fyrir yngri börnin og Suðurbæjarlaug fallegt og gott útisvæði og útilaug.
Var efnið hjálplegt?
