Sumarnámskeið

  1. Þjónusta
  2. Íþróttir og útivera

Hér er hægt að skoða námskeið og sumartómstund á vegum Hafnarfjarðarbæjar auk upplýsinga um Vinnuskóla Hafnarfjarðar. Skipulagt starf sem ætlað er börnum og ungmennum á aldrinum 6-16 ára.

Eftirfarandi er í boði

Opið fyrir skráningar frá og með 27. april 2026. Skráning á námskeið og í sumarfrístund á vegum Hafnarfjarðarbæjar

Ítarlegar upplýsingar um námskeiðin

Sumarfrístund fyrir útskriftarhópa leikskólanna

Dagana 5. – 21. ágúst, þar til starf grunnskólanna hefst með formlegum hætti, er boðið uppá fjölbreytta og uppbyggilega sumarfrístund á öllum frístundaheimilum í Hafnarfirði fyrir 6 ára útskriftarhópa leikskólanna eða þau börn sem eru að hefja grunnskólagöngu frá hausti. Námskeiðin eru líkt og hefðbundin sumarnámskeið en mikil áhersla er lögð á útiveru, hreyfingu, hollustu og er sérstaklega lagt upp með að fara í fjölbreytta leiki. Börnin fá tækifæri til að kynnast sínu frístundaheimili og nærumhverfi skólans með það að leiðarljósi að auka öryggi þeirra og vellíðan við upphaf skólagöngu.

  • Foreldrar/forráðamenn velja þann tíma sem hentar
  • Skráning þarf að fara fram fyrir miðnætti á fimmtudegi eigi barn að byrja á mánudegi
  • Börnin koma með hádegismat að heiman og nesti fyrir morgun- og síðdegishressingu

Námskeiðin eru þrískipt – hægt er að velja á milli eftirfarandi:

  • kl. 9-12
  • kl. 13-16
  • kl. 9-16

Sumarfrístund fyrir 7–9 ára

Í Hafnarfirði eru sumarnámskeið starfrækt í öllum frístundaheimilum fyrir börn í 1. – 3. bekk (7-9 ára). Sumarfrístund inniheldur fjölbreytta dagskrá sem samanstendur af skapandi verkefnum, leikjum, hreyfingu, spennandi ferðum, sundferðum og sameiginlegum viðburðum. Dagskrá getur verið breytileg eftir hvaða frístundaheimili er valið. Skráning þarf að fara fram fyrir miðnætti á fimmtudegi eigi barn að byrja á mánudegi. Námskeiðin, sem ætluð eru 7-9 ára hefjast 12. júní og standa flest yfir til 29. júní. Miðlæg námskeið eru í boði í júlí eða frá 6-17.júlí í Áslandsskóla (Tröllaheimum)  og Setbergsskóla (Krakkabergi).  Ekki er boðið uppá miðlæg námskeið í ágúst líkt og áður en boðið er upp á ýmis námskeið á vegum íþróttafélaga og önnur tómstundanámskeið – Sjá framboð í ágúst

  • Skráning þarf að fara fram fyrir miðnætti á fimmtudögum til að barn geti hafið þátttöku næsta mánudag, að því tilskildu að pláss sé laust.
  • Hægt er að greiða með kredit- og debetkortum.
  • Foreldrar/forráðamenn velja þann tíma sem hentar
  • Börnin koma með hádegismat að heiman og nesti fyrir morgun- og síðdegishressingu
  • Veittur er 50% systkinaafsláttur þegar systkini eru á sama námskeiði sömu vikuna.

Námskeiðin eru þrískipt – hægt er að kaupa vistun eftir því sem hentar:

  • kl. 9-12
  • kl. 13-16
  • kl. 9-16:30

Sumarkletturinn fyrir 10–13 ára

Sumarkletturinn er tómstundaúrræði fyrir börn í 4 til 7 bekk með sértæka stuðningsþörf. Sumarkletturinn leggur áherslu á að bjóða uppá faglega þjónustu með uppeldisgildi frítímastarfs að leiðarljósi. Reynt er að vinna með styrkleika hvers og eins og komið til móts við ólíkar þarfir. Skráning fer fram hér

Tómstund fyrir 10–13 ára

Tómstund heldur úti námskeiðum á sumrin fyrir börn sem voru að ljúka 4. – 7. bekk. Helstu markmið Tómstundar eru að virkja börn í sumarfríinu, gefa þeim tækifæri á að hitta önnur börn, kynnast áhugaverðum viðfangsefnum og endurvekja gömul áhugamál. Tómstund verður starfrækt í Engidalsskóla og Hraunvallaskóla. Ítarlegar upplýsingar um starf og dagskrá námskeiða má nálgast á Facebook síðu námskeiðanna. Skráning fer fram hér

Myndlistarnámskeið í Hafnarborg fyrir 6-12 ára

Hafnarborg býður upp á myndlistar- og tónlistarnámskeið fyrir börn á aldrinum 6-12 ára. Undirstöðuatriði myndlistar verða kynnt í gegnum rannsóknir á umhverfinu, sýningar í safninu og skapandi vinnu. Verkefnin verða unnin í fjölbreytta miðla -teiknað, málað og mótað – með það að markmiði að þjálfa sjónræna athygli, örva skapandi hugsun og persónulega tjáningu þátttakenda.

Allar nánari upplýsingar má finna á vef Hafnarborgar

Sumarlestur fyrir alla krakka

Á Bókasafni Hafnarfjarðar er boðið upp á sumarlestur frá 1. júní til 31. ágúst. Allir krakkar sem farnir eru að lesa sjálfir geta komið við á bókasafninu til að skrá sig og fengið afhenta lestrardagbók.

Fristund.is

Á vefnum www.fristund.is er hægt að skoða framboð á íþrótta- og tómstundastarfi höfuðborgarsvæðinu í heild sinni. Nýr vefur er í vinnslu og mun opna í lok apríl árið 2026. Framboð á fristund.is stýrist af skráningum félaganna sjálfra og með einföldum hætti er hægt að leita eftir aldri, tímabilum og áhugasviði.