Byggðasafn

Byggðasafn Hafnarfjarðar er minja- og ljósmyndasafn Hafnarfjarðar. Hlutverk þess er að safna og skrásetja, varðveita og rannsaka muni og minjar um menningarsögu svæðisins og kynna þær almenningi.

Sýningar

Byggðasafnið er lifandi og fróðlegt safn fyrir alla fjölskylduna. Sýningar eru á sjö stöðum.

  • Pakkhúsið er almennt með þrjár sýningar í gangi í einu: Fastasýningu um sögu bæjarins, leikfangasýningu og þemasýningu.
  • Sívertsen-húsið er elsta hús Hafnarfjarðar, byggt á árunum 1803–1805 af Bjarna Sívertsen. Þar er sýnt hvernig yfirstéttarfjölskylda í Hafnarfirði bjó í byrjun 19. aldar. Einnig er varpað ljósi á merkilega sögu Bjarna og fjölskyldu hans.
  • Siggubær er varðveittur sem sýnishorn af heimili verkamanns og sjómanns í Hafnarfirði frá fyrri hluta 20. aldar. Þannig er hægt að upplifa hvernig alþýðufólk í bænum bjó á þeim tíma.
  • Bookless Bungalow við Vesturgötu hefur að geyma sýningu um tímabil erlendu útgerðanna í Hafnarfirði á fyrri hluta 20. aldar. Þar má einnig sjá stássstofu Bookless-bræðra.
  • Beggubúð var byggð árið 1906 og stóð húsið áður við aðalverslunargötu bæjarins. Nú er þar verslunarminjasafn.
  • Guttó eða Góðtemplarahúsið, byggt árið 1886, var fyrsta eiginlega samkomuhús Hafnfirðinga og um langan tíma miðstöð allrar menningar í bænum.
  • Strandstígurinn meðfram höfninni í Hafnarfirði býður upp á ljósmyndasýningar sem varpa ljósi á dagleg störf og sögu fólksins sem byggði bæinn.

Í fyrsta viðtali Vitans, hlaðvarpi Hafnarfjarðarbæjar er rætt við Björn Pétursson bæjarminjavörð. Viðtalið er tekið upp í Bookless Bungalow þar sem Björn segir frá starfsemi safnsins, sögu bæjarins og skemmtilegar sögur, meðal annars af draugagangi og atkvæðasmölun Siggu í Siggubæ. Þátturinn var tekinn upp í ágúst 2019.

Byggðasafnið

Byggðasafn Hafnarfjarðar kr.
Aðgangur Frítt
Opnunargjald fyrir hópa utan þjónustutíma 25.000
Gjald á einstakling (gest) í hóp utan þjónustutíma Frítt
Afnot af ljósmyndum
Ljósmynd til einkanota 5.039
Bók - forsíðumynd 22.111
Bók - aðrar myndir 10.887
Myndabók og kynningarrit - forsíðumynd 22.111
Myndabók og kynningarrit - baksíðumynd 16.948
Myndabók og kynningarrit - aðrar myndir 12.795
Tímarit - forsíðumynd 13.581
Tímarit - aðrar myndir 8.081
Dagblað 8.081
Sjónvarp - fyrsta birting myndar 8.081
Sjónvarp - endurbirting myndar 4..041
Auglýsing
Auglýsing - heil síða 29.500
Auglýsing - hálf síða 18.631
Auglýsing - vefsíða 22.111
Auglýsingaherferð 34.660
Auglýsingaskilti 36.702
Dagatal og símskeyti 31.988
Póstkort (allt að 1000 eintök) 21.213
Geislamynd 10.550
Frímerki 71.750
Birtingarréttur fyrir mynd á sýningu 9.540

Ef keyptar eru fleiri en 15 myndir vegna bókaútgáfu og sýninga er veittur 30% afsláttur frá verðskrá