Vinnuskólinn

Byrjað verður að taka á móti umsóknum á sumardaginn fyrsta þann 23.april.

Skrifstofa Vinnuskóla Hafnarfjarðar er á Skólabraut 3. Frá 20. maí er skrifstofan opin frá kl. 9–15 mánudaga til fimmtudaga og kl. 9–13 á föstudögum. Hægt er að ná í starfsfólk með að senda póst á vinnuskoli@hafnarfjordur.is.

Helstu verkefni

Með vinnu sinni fegrar og bætir starfsfólk Vinnuskólans umhverfið um leið og það þjálfast í vinnubrögðum sem skila sér út í samfélagið til framtíðar. Oftast er þetta fyrstu kynni unglinga af launuðu starfi og mikilvægt að vel takist til því lengi býr að fyrstu gerð.

Það er reynt eftir bestu getu að hafa fjölbreytni í verkefnum og ýta undir starfsánægju. Hópunum er dreift í ýmis verkefni innan bæjarins en reynt er að hafa hópa ekki mjög langt frá heimilum sínum. Flokkstjóri er alltaf með sínum hóp og er hlutverk hans meðal annars að kenna unglingum rétt handtök við þau verk sem unnin eru hverju sinni.

Samstarfsaðilar

Vinnuskóli Hafnarfjarðar býður upp á ýmis störf. Almennir vinnuskólahópar í garðyrkju eru til staðar víðsvegar um bæinn og í boði fyrir alla nemendur sem sem gjaldgengir eru í störf hjá okkur.

Vinnuskólinn er einnig í samstarfi við ýmis félög og starfsstaði sem hjálpa okkur að veita ungmennum fjölbreytta reynslu á vinnumarkaði.

Þau sem eru að ljúka við nám í 10. bekk geta sótt um öll störfin sem við höfum upp á að bjóða en þau sem eru að ljúka við nám í 9. bekk geta jafnframt sótt um ýmis störf. Allir sem eru að ljúka við nám í 8.bekk eiga aðeins kost á því að stunda sína vinnu í almennum garðyrkjuhópum.

Mikilvægt er að nemendur sem óska eftir því að starfa hjá samastarfsaðilum verði búnir að senda inn sínar umsóknir fyrir 11. maí, en þá munu samstarfsaðilar fá yfirlit yfir þá sem vilja starfa hjá viðkomandi starfsstað. Hver starfsstaður er tengdur aldurstakmörkunum í kerfinu okkar sem þýðir að nemendur sjá aðeins þá kosti sem þau geta sótt um

Listinn hér að neðan sýnir samstarfsaðila en getur tekið breytingum.

Fræðslur vinnuskólans

Fjármálafræðsla

Í ár verða haldnar fjármálafræðslur fyrir alla nemendur Vinnuskólans sem starfa í almennum garðyrkjuhópum. Markmiðið er að stuðla að auknu fjármálalæsi hjá ungmennum með fræðslum þar sem nemendum er mætt á jafningjagrundvelli.

Jafningjafræðsla

Á hverju sumri heimsækja jafningjafræðarar alla almennu garðyrkjuhópana sem starfandi eru hjá Vinnuskóla Hafnarfjarðar. Áherlsa fræðslunar er mismunandi milli ára en ávallt eitthvað sem kallað er eftir í samfélaginu.

Börn með ofnæmi

Á hverju ári koma unglingar með gróðurofnæmi til starfa hjá Vinnuskólanum. Innan almennra hópa eru fjölbreytt verkefni t.d. sópun á gangstéttum, ruslatínsla og almenn tiltekt sem hægt er að sinna í stað beða -og gróðurvinnu. Nemendur sem telja sig þurfa þann valkost eru hvattir til að láta vita í athugasemdardálki í umsóknarferli.