200 börn syngja saman
Laugardaginn 12. mars munu hafnfirskir barnakórar koma fram á Barnakóramóti Hafnarfjarðar í Víðistaðakirkju. Um 200 hafnfirsk börn taka þátt í mótinu sem haldið er í 19. skipti nú í ár.
Laugardaginn 12. mars munu hafnfirskir barnakórar koma fram á árlegu kóramóti þeirra sem nefnist Barnakóramót Hafnarfjarðar og fer fram í Víðistaðakirkju. Um 200 hafnfirsk börn munu taka þátt í mótinu sem haldið er í 19. skipti nú í ár.
Barnakóramót Hafnarfjarðar 2016 verður haldið í Víðistaðakirkju laugardaginn 12. mars. Þar munu sex barnakórar í Hafnarfirði syngja hver í sínu lagi auk þess sem kórarnir munu einnig syngja saman. Kórarnir sem syngja eru:
- Barnakór Hafnarfjarðarkirkju
- Barnakór Víðistaðakirkju
- Litli kór Öldutúnsskóla
- Kór Áslandsskóla
- Kór Öldutúnsskóla
- Unglingakór Hafnarfjarðarkirkju
Á dagskrá kóranna eru fjölbreytt lög af ýmsu tagi. Tónleikarnir hefjast kl. 13 og eru opnir öllum áhugasömum. Aðgangur er ókeypis.