Afgreiðslufundur skipulags- og byggingarfulltrúa

A-hluti byggingarleyfa

• 1904439 – Skútahraun 11, breyting

  Endurvinnslan hf sækir þann 24.04.2019 um breytingu á áður samþykktum aðaluppdráttum, teikningar unnar af Rafni Guðmundssyni dags. 23.04.2019.

  Byggingarfulltrúi samþykkir erindið í samræmi við lög um mannvirki nr. 160/2010.

• 1905019 – Hvaleyrarbraut 8-10, dagsektir vegna lóðarmarka

  Hvaleyrarbraut 8-10, dagsektir vegna vinnuskúrs sem er á lóðarmörkum og ekki hefur verið sótt um leyfi fyrir, og svo brettastæður sem eru einnig á lóðarmörkum, eigandi hefur fengið bréf vegna þessa en ekki brugðist við.

  Afgreiðslufundur skipulags- og byggingarfulltrúa samþykkir að leggja dagsektir á eiganda í samræmi við 55. og 56. grein laga um mannvirki nr. 160/2010. Búið er að reisa hús á lóð án tilskilinna leyfa og er lóðarhafi með brettasamstæður á lóðarmörkum án samþykkis aðliggjandi lóðarhafa.

• 1903280 – Óseyrarbraut 27, breyting

  Köfunarþjónustan leggur inn teikningar 12.3.2019 vegna athugasemda við lokaúttekt teiknaðar af Ingunni Helgu Hafstað stimplaðar af SHS, Mannvit og Heilbrigðiseftirliti.

  Erindið var grenndarkynnt, þar sem innkeyrslu var breytt, engar athugasemdir bárust og er þetta því samþykkt í samræmi við lög um mannvirki nr. 160/2010.

• 1904378 – Birkiberg 4, fyrirspurn, breyting

  Runólfur Geir Benediktsson leggur þann 16.4.2019 inn fyrirspurn. Óskað er eftir að fjarlægja/rífa sólskála og setja rennihurð eða glugga í staðinn.

  Tekið er jákvætt í erindið.

• 1903343 – Klausturhvammur 28, fyrirspurn

  Þann 18.3.2019 leggur Andri Roland Ford inn fyrirspurn til skipulags- og byggingarfulltrúa þar sem óskað er eftir að hafa skúr við lóðarmörk út mót bæjarlandi.

  Tekið er jákvætt í erindið. Byggingarfulltrúi fellst á staðsetningu skúrs, á horni lóðar við göngustíg, svo framarlega að hann sé færður innar á lóð sem nemur 1 metra líkt og tillaga er fylgdi erindinu gerir ráð fyrir.

• 1904550 – Háaberg 37a, fyrirspurn um stækkun

  Guðlaugur Magni Davíðsson og Sigrún Helga Sigurðardóttir leggja þann 30.4.2019 inn fyrispurn og óska eftir að loka núverandi yfirbyggðu skýli á 1.hæð og breyta glugga á norðvesturhlið á svalaopnun. Fyrir liggur samþykki nágranna.

  Tekið er jákvætt í erindið.

B-hluti skipulagserindi

• 1905055 – Bjargsskarð 5, fyrirspurn til skipulags- og byggingafulltrúa

  Þann 3. maí sl. leggur Páll Poulsen inn fyrirspurn til skipulags- og byggingarfulltrúa þar sem óskað er eftir að fara í deiliskipulagsbreytingar er ná til lóðarinnar við Bjargsskarð 5, Skarðshlíð 2. áfanga. Með erindinu fylgir uppdráttur er gerir grein fyrir breytingunum.

  Tekið er neikvætt í erindið eins og það liggur fyrir.

• 1904432 – Hraunhvammur 3, deiliskipulag, fyrirspurn

  Hákon Ingi Sveinbjörnsson leggur 24.4.2019 inn fyrirspurn vegna stækkunar.

  Tekið er neikvætt í erindið eins og það liggur fyrir.

C-hluti erindi endursend

• 1902505 – Hringhella 7, byggingarleyfi, atvinnuhúsnæði

  Grafa og grjót ehf sækja þann 26.02.2019 um að byggja staðsteypt hús á einni hæð með millilofti að hluta skv. teikningum Hauks Ásgeirssonar dags. 11.02.2019. Nýjar teikningar bárust þann 02.05.2019.

  Frestað gögn ófullnægjandi, athugasemdir frá SHS.

• 1904487 – Merkurgata 12, stækkun og hækkun á þaki

  Einar Haraldur Rögnvaldsson og Sigríður Margrét Einarsdóttir sækja 26.4.2019 um stækkun og hækkun á þaki samkvæmt teikningum Gunnars Valdimarssonar dagsettar 28.3.2019. Undirskriftir nágranna barst einnig.

  Frestað. Húsið við Merkurgötu 12 er byggt árið 1906 og fellur þ.a.l. undir lög um menningarminjar 80/1012. Umsögn Minjastofnunar Íslands þarf að liggja fyrir vegna fyrirhugaðra breytinga.

• 1904085 – Norðurhella 5, svalir

  Tæki.is ehf. sækir þann 3.4.2019 um að stytta svalir samkvæmt teikningum Halldórs Hannessonar dagsettar 3.4.2019.
  Nýjar teikningar bárust 5.4.2019

  Frestað gögn ófullnægjandi.

• 1904450 – Miðvangur 145, breyting

  Ragnar Jónsson sækir þann 24.4.2019 um að breyta sólstofu í íbúð samkvæmt teikningum Svavars M. Sigurjónssonar dags. 24.4.2019. Samþykki nágranna barst þann 02.05.2019.

  Erindi synjað. Ekki í samræmi við gildandi skilmála sem kveða á um eina íbúð við Miðvang 145.

• 1904486 – Hádegisskarð 21, bygginarleyfi

  Einar Þór Lárusson sækir 26.4.2019 um að byggja einbýlishús samkvæmt teikningum Sveinbjörns Jónssonar dagsettar apríl 2019.

  Frestað gögn ófullnægjandi.

• 1904508 – Hlíðarás 29, breyting á klæðningu og glugga

  Dmitrijs Devjatovs sækir 29.4.2019 um breytingu á klæðningu og glugga samvæmt teikningum Guðmundar Gunnarssonar dagsettar 9.4.2019.

  Frestað gögn ófullnægjandi.

• 1905028 – Vikurskarð 8, bygginarleyfi

  Snorri Sigurðsson sækir þann 3.5.2019 um að byggja tveggja hæða timburhús að Víkurskarði 8.

  Frestað gögn ófullnægjandi.

• 1905056 – Dalshraun 5, breyting, matshl. 01

  Gosi, trésmiðja ehf sækir þann 07.05.2019 um breytingu á innra skipulagi hússins, breyta þremur skrifstofu rýmum í fimm íbúðir og 10.6 fermetra forsteypt sorpgerði sett á suðausturhlið lóðarinnar, samkvæmt teikningum Sigurbjartar Halldórssonar dags. 03.05.2019.

  Synjað samræmist ekki skipulagi.

• 1903311 – Stuðlaskarð 9-15, byggingarleyfi

  Byggingarfélag Gylfa og Gunnars hf. sækir 14.3.2019 um að byggja fjögur 2-3 hæða fjórbýlishús skv. teikningum Kristins Ragnarssonar dags. 11.3.2019. Nýjar teikningar bárust þann 24.04.2019.

  Frestað gögn ófullnægjandi.

• 1903410 – Hverfisgata 52b, bílskúr breytt í íbúðarherbergi

  Tekin fyrir að nýju umsókn Óla Arnar Eiríkssonar frá 19.3.2019 um leyfi að breyta bílskúr í íbúðarherbergi samkvæmt teikningum Albínu Thordarson dagsettar 6.12.2018.

  Frestað.

• 1811492 – Reykjavíkurvegur 34 , fyrirspurn

  Þann 28.11.2018 leggur Þórður Mar Sigurðsson inn fyrirspurn um byggingu bilskúrs á Reykjavíkurvegi 34.

  Tekið er neikvætt í erindið þar sem það samræmist ekki deiliskipulagi.

• 1904066 – Kirkjuvegur 13, fyrispurn smáhýsi á lóð

  Björg F. Elíasdóttir leggur 02.04.2019 inn umsókn um byggingu skúrs. Með erindinu fylgir greinagerð ásamt skissum og ljósmyndum er gera frekari grein fyrir skúrbyggingu.

  Erindinu er synjað eins og það liggur fyrir og eiganda er gert að fjarlægja þegar byggða veggi og þak sem framkvæmt var í óleyfi.