Atvinnutengt sumarúrræði fyrir ungt fólk með fötlun

Verkherinn fyrir ungt fólk með fötlun eða skerta starfsgetu

Verkherinn er atvinnutengt sumarúrræði fyrir ungt fólk með fötlun eða skerta starfsgetu. Flestir fara út á almennan vinnumarkað einhvern tímann á lífsleiðinni. Sumarúrræði Verkhersins er góður undirbúningur fyrir það sem koma skal og gefur ungmennum tækifæri á að spreyta sig við vinnu á vinnustöðum og taka þátt í skemmtilegu námskeiði. Verkherinn fer fram í Húsinu, við Suðurgötu 14, 220 Hafnarfirði. Gengið er inn Strandgötumegin.

Hverjir geta sótt um atvinnu í Verkhernum?

Ungmenni með fatlanir eða skerta starfsgetu á aldrinum 16 – 20 ára geta sótt um í Verkhernum. Unnið er fyrir hádegi alla virka daga. Ungmennum býðst einnig tækifæri á að taka þátt í félagsstarfi eða frístundarstarfi eftir hádegi.

Hvað er gert í Verkhernum?

Unnið er í samstarfi við fyrirtæki í bænum. Undanfarin ár hefur Verkherinn verið í samstarfi við t.d. Krónuna, Bókasafn Hafnarfjarðar, leikskóla, grunnskóla o.fl. Einnig er í boði einstaklingsmiðað starf þar sem verkefni eru sniðin eftir þörfum og starfsgetu hvers og eins.

Tímabil Verkhersins

Verkherinn er starfandi frá og með 26 maí – 4 júlí (6 vikur) og svo aftur frá og með 5 – 15 ágúst (2 vikur). Lokað er í Verkhernum í 4 vikur frá og með 7 júlí – 4 ágúst.

Hvernig er sótt um atvinnu í Verkhernum?

Til þess að sækja um þarf að fylla út rafrænt skjal
Þeir sem lenda í vandræðum með umsóknarferlið geta sent póst á verkherinn@hafnarfjordur.is

Umsóknarfrestur er til 23 mars

Fyrir nánari upplýsingar er hægt að hafa samband við:

• Auður Björk Kvaran, forstöðumaður
  audurk@hafnarfjordur.is
  S: 664-5570
• Sandra Björk Halldórsdóttir, deildarstjóri
  sandrabjork@hafnarfjordur.is
  S: 664-5547