Björgvin bæjarlistamaður Hafnarfjarðar

Fréttir

“Nú er ég loksins búinn að meika það”

 

Bæjarlistamaður Hafnarfjarðar 2018 er Björgvin Halldórsson söngvari og goðsögn í lifanda lífi en hann var sæmdur nafnbótinni í Hafnarborg fyrr í dag. Það var Rósa Guðbjartsdóttir formanns bæjarráðs sem veiti honum viðurkenninguna en athöfnin var liður í hátíðinni Björtum Dögum sem var sett í Hafnarfirði í morgun. “Nú er ég loksins búinn að meika það”, sagði þessi vinsæli söngvari þegar hann tók við nafnbótinni og þakkaði samferðamönnum sínum í tónlistinni, bæjarstjórninni og öðrum sem komu að því að útnefna hann innilega fyrir. Hann sagðist hræður og þakklátur og þótti vænt um að samferðafólk sitt sæmdi hann slíkri nafnbót. Þá sagðist hann hafa komið víða og leyft sér að búa um stutta hríð annarsstaðar í en í Hafnarfirði en engin bær komist með tærnar þar sem Hafnarfjörður er með hælanna og uppskar mikið lófatak gesta sem voru viðstaddir.

Björgvin hefur fengið fjöldann allan af viðurkenningum og nafnbótum um árinn. Engin hefur sem dæmi tekið af honum titilinn poppstjarna ársins frá því 1969. Þá hefur hann verið sæmdur heiðursverðlaunum Íslensku tónlistarverðlauna auk þess að vera handhafi riddarakross hinnar íslensku Fálkaorðu. Og nú árið 2018 er hann sæmdur nafnbótinni Bæjarlistamaður Hafnarfjarðar.

Björgvin Halldórsson er fæddur í Hafnarfirði 16. apríl 195 og hóf feril sinn með hafnfirsku hljómsveitinni Bendix og síðan tók við sannkallað ævintýri með hljómsveitum á borð við Flowers, Ævintýri, Brimkló, Changes, HLH flokknum og fleiri. Björgvin var valinn poppstjarna ársins árið 1969 – sá eini sem hefur hlotið þann titil. Björgvin hefur í gegnum tína brugðið fyrir sig poppi, rokki, kántrý, ballöðusöng og Júróvisjón – að ógleymdum jólalögunum. Það má finna lag úr hans safni við hvert tækifæri. Björgvin er söngvari, lagahöfundur, upptökustjóri og hljómplötuframleiðandi. Hann hefur tekið upp fleiri hundruð lög á ferlinum sem nú spannar hálfa öld. Auk þess er hann goðsögn í lifanda lífi og kannski ekki hvað síst fyrir fyrir snaggaralegar athugasemdir sínar um menn og málefni 

Þeir sem hlotið hafa nafnbótina Bæjarlistamaður Hafnarfjarðar í gegnum árin eru: 
2005 Sigrún Guðjónsdóttir, Rúna, myndlistarmaður
2006 Elín Ósk Óskarsdóttir, söngkona
2007 Jónína Guðnadóttir, myndlistarmaður
2008 Sigurður Sigurjónsson, leikari
2009 Jóhanna Guðrún Jónsdóttir, söngkona 
*
2014 Andrés Þór Gunnlaugsson tónlistarmaður
2017 Steingrímur Eyfjörð myndlistarmaður

*Ekki voru útnefndir Bæjarlistamenn á árunum 2009 til 2013

 

 

Ábendingagátt