Endurnýjun leikvalla – nýtni í fyrirrúmi
Unnið er að lagfæringu og endurnýjun leikvalla um Hafnarfjörð. Í vikunni kláruðu vaskir starfsmenn Hafnarfjarðarbæjar endurnýjun á leik- og sparkvelli við Einarsreit.
Unnið er að lagfæringu og endurnýjun leikvalla um Hafnarfjörð. Í vikunni kláruðu vaskir starfsmenn Hafnarfjarðarbæjar ásamt verktökum endurnýjun á opnum leik- og sparkvelli við Einarsreit. Þar var fyrir malarvöllur og gömul leiktæki sem máttu muna sinn fífil fegurri.
Það vildi svo til að verið var að endurnýja gervigrasið á KSÍ sparkvellinum við Áslandsskóla og þar sem mikið kostar að farga slíku efni og það var í ágætis standi, var það endurnýtt á leikvöllinn við Einarsreit.
Nú er bara að skella sér í smá bolta og léttan leik.
