Óskað eftir þátttöku barna í könnun um réttindi þeirra

Evrópusambandið (ESB) óskar eftir þátttöku barna og ungmenna á aldrinum 11
– 17 ára í könnun um réttindi þeirra.

Tvö stór verkefni fyrir börn í undirbúningi

Ástæða samráðsins er sú að framkvæmdastjórn ESB vinnur nú að undirbúningi
tveggja stórra verkefna fyrir börn. Annarsvegar stefnu um hvernig best sér
fyrir ESB og lönd innan þess að standa vörð um réttindi barna. Stefnan snýr að
því að tryggja að öll börn fái að njóta allra sinna réttinda eins og þeim er
lýst í Barnasáttmála Sameinuðu þjóðanna. Stefnan verður gefin út í byrjun árs
2021. Hinsvegar er um að ræða verkefni sem tryggir að öll börn innan ESB hafi
aðgang að allri þeirri þjónustu sem þau þarfnast til þess að tryggja jafna
möguleika þeirra til þroska og tækifæra til þess að ná markmiðum sínum og þróa
getu sína.

Ástæða þess að leitað er til barna er sú að börn eru sérfræðingar í að
vera börn og að í skoðunum þeirra og reynslu felast verðmæti. Með þessari framkvæmd og beiðni er vonast til þess að hægt verði að ná til sem flestra barna innan Evrópu og líka þeirra sem ekki búa í
aðildarríki ESB.  Áætlað er að þátttaka í könnuninni taki
u.þ.b. 20 – 30 mín.

Taka þátt í könnun – hægt er að taka könnun á mörgum tungumálum!

Það er UNICEF á Íslandi sem stendur að baki framkvæmdinni hérlendis. Tengiliður er Marín Rós Eyjólfsdóttir: barnvaensveitarfelog@unicef.is | +354-552-6300 | +354-666-6058