Framkvæmdir hafnar í Hraun vestur

Hafnarfjörður byggir nýtt á gömlum grunni

Hraun vestur er nú að taka á sig nýja mynd. Framkvæmdir eru hafnar. Niðurrif gömlu húsanna stendur yfir. Alls 106 íbúðir verða í 6.-8. hæða fjölbýlishúsi að Reykjavíkurvegi 60-62. Verslanir á þeirri fyrstu en íbúðir á þeim efri auk bílakjallara.

„Við höfum beðið eftir þessu. Ég hlakka til að sjá hverfið taka á sig nýja framtíðarmynd,“ segir Valdimar Víðisson bæjarstjóri sem heimsótti framkvæmdasvæðið fyrr í dag.

Ólafur Páll Snorrason, framkvæmdastjóri OS bygginga ehf. tók á móti bæjarstjóranum ásamt fleirum og upplýsti að stefnt væri að því að rífa húsið í áföngum, grafa fyrir kjallara og steypa upp. Búast megi við því að hann verði uppsteyptur í desember.

Ólafur Páll Snorrason, framkvæmdastjóri OS bygginga ehf., og Valdimar Víðisson bæjarstjóri.

Íbúðir á frábærum stað

Stærð íbúða á þessum reit verður mismunandi. Þær verða allt frá tveggja til fjögurra herbergja. Svalir verða ýmist þaksvalir, innbyggðar eða útstandandi. Gott aðgengi verður að bílastæðum vestan við húsið.

Arkitektastofan Nordic Office of Arcitecture hefur hannar húsnæðið. Þar starfa fleiri en 400 arkitektar og vinnustofur í Noregi, Danmörku og hér á Íslandi.

Mikil uppbygging í Hafnarfirði

Valdimar segir afar ánægjulegt að fylgjast með Hafnarfirði stækka og breytast. Ekki aðeins hafi uppbygging verið mikil í Hamranesi og stefnt af mikilli uppbyggingu í kringum höfnina, heldur sé nú einnig stórt skref stigið með uppbyggingu Hrauns vestur.

„Miklir möguleikar felast í framtíðaruppbyggingu á svæðinu. Það mun nú frá nýtt andlit og taka jákvæðum breytingum,“ segir hann.

„Svæðið breytist í miðsvæði, sem gerir ráð fyrir blandaðri byggð. Það þýðir að heimilt verður að vera með íbúðir í bland við atvinnustarfsemi og því er gert ráð fyrir að á reitunum sé áfram svigrúm fyrir þá starfsemi sem fyrir er. Það erum við meðal annars að sjá hér á Reykjavíkurvegi í dag sem markar upphafið á þróun svæðisins í heild.“

Vistvænt 5 mínútna hverfi

Stefnt er að því að hverfið verði svonefnt 5 mínútna hverfi. Það er að um fimm mínútna göngufjarlægð verður frá miðju þess í alla þjónustu. Staðsetningar helstu grunnþjónustu samfélagsins, eins og skóla, leikskóla, matvöruverslana, bílastæðahúsa, bílastæðakjallara og helstu tenginga við almenningssamgöngur eru með um einnar mínútu millibili. Leggja á áherslu á vistvænar byggingarleiðir, efnisnotkun og framkvæmdaferla.

Já, Hraun vestur er spennandi staður til að búa á.