Bæjarráð

24. júlí 2014 kl. 08:15

í fundarsal bæjarráðs, Strandgötu 6

Fundur 3384

Mætt til fundar

  • Rósa Guðbjartsdóttir formaður
  • Gunnar Axel Axelsson aðalmaður
  • Adda María Jóhannsdóttir aðalmaður
  • Guðrún Ágústa Guðmundsdóttir áheyrnarfulltrúi
  • Ólafur Ingi Tómasson varamaður
  • Einar Birkir Einarsson varamaður
  • Kristján Sturluson sviðsstjóri

Ritari

  • Margrét L. Jónsdóttir fulltrúi
  1. Almenn erindi

    • 1104347 – Endurfjármögnun lána

      Tekið fyrir að nýju.$line$Fulltrúi HF verðbréfa var með á símafundi.

      Sviðsstjóra falið að vinna áfram að málinu.

    • 1401444 – Forkaupsréttur vegna skipa- og aflaheimilda

      Tekið fyrir að nýju.$line$Finnur Magnússon lögmaður var með á símafundi.

      Bæjarráð felur sviðsstjóra að halda áfram að gera ráðstafanir til að virkja forkaupsréttinn í samræmi við samþykkt bæjarráðs 10. apríl sl.

    • 1406242 – Ráðning bæjarstjóra

      Kynnt niðurstaða meirihluta valnefndar og lögð fram tillaga að ráðningu í starf bæjarstjóra, svohljóðandi:$line$$line$”Bæjarráð í umboði bæjarstjórnar samþykkir að Haraldur L. Haraldsson verði ráðinn í starf bæjarstjóra Hafnarfjarðar”.$line$$line$

      Tillagan var samþykkt með þremur atkvæðum, fulltrúar Samfylkingar sátu hjá.$line$$line$Formanni bæjarráðs og sviðsstjóra stjórnsýslusviðs er falið að ganga frá ráðningarsamningi í samræmi við minnisblað um ráðningarkjör bæjarstjóra sem lagt er fram á fundinum. Ráðningarsamningur verður lagður fyrir næsta fund bæjarráðs.$line$$line$Gunnar Axel Axelsson óskar bókað:$line$$line$Bæjarstjórn Hafnarfjarðar samþykkti samhljóða á fundi sínum þann 18. júní sl. að auglýsa stöðu bæjarstjóra og fela bæjarráði ábyrgð á faglegu ráðningarferli. Gerði ég ráð fyrir því að með þeirri samþykkt hefði verið ákveðið að vinna að ráðningu í embættið á faglegum forsendum, notast við viðurkenndar hlutlægar aðferðir til að ráða þann hæfasta í starfið og tryggja jafnræði milli umsækjenda. Staða bæjarstjóra var auglýst laus til umsóknar þann 27. júní sl. og sóttu 30 einstaklingar um starfið. Skipaði bæjarráð þriggja manna valnefnd til að greina starfið, skilreina hæfniskröfur, stýra matsferlinu og meta hæfi umsækjenda. Samþykkti bæjarráð sömuleiðis að semja við ráðningarstofuna Hagvang um ráðningarferlið.$line$$line$Ég tel að þrátt fyrir skýr fyrirheit hafi ekki verið staðið í að framkvæmdinni í samræmi við samþykkt bæjarstjórnar um að viðhaft yrði faglegt ráðningarferli. Þegar mér var tilkynnt um sameiginlega niðurstöðu fulltrúa meirihlutans í valnefndinni áður en formlegt mat á umsækjendum hafði farið fram eða tilraun hafði verið gerð til að leiða rök að þeirri niðurstöðu, sagði ég mig frá störfum nefndarinnar.$line$$line$Í þeirri ákvörðun minni felst engin efnisleg afstaða til einstakra umsækjenda, hvorki þess aðila sem meirihlutaflokkarnir komu sér saman um að yrði ráðinn, né heldur annarra sem sóttu um starfið.$line$$line$Gunnar Axel Axelsson$line$bæjarfulltrúi$line$$line$$line$Bókun Samfylkingar og Vinstri grænna:$line$Vegna vinnubragða fulltrúa meirihluta Sjálfstæðisflokks og Bjartrar framtíðar sagði fulltrúi minnihlutans í valnefndinni sig frá störfum nefndarinnar, enda ljóst að ekki er um faglega ráðningu að ræða heldur pólitíska ákvörðun meirihlutans. Fulltrúar minnihluta sitja því hjá við afgreiðslu tillögu meirihluta bæjarráðs en óska engu að síður nýráðnum bæjarstjóra farsældar í sínum störfum og vonast til þess að eiga við hann gott samstarf.$line$ $line$Ekki liggja fyrir drög að ráðningarsamningi en samkvæmt minnisblaði sem lagt er fram á fundinum er gert ráð fyrir að laun bæjarstjóra hækki um 31,5% miðað við núgildandi starfskjör. Þessar upplýsingar sem fram koma í minnisblaðinu eru lagðar fram án allrar umræðu og aðkomu bæjarstjórnar. Fulltrúar minnihlutans eru mjög hugsi yfir því hvaða skilaboð felast í slíkri hækkun á launum æðsta embættismanns sveitarfélagsins. $line$ $line$Adda María Jóhannsdóttir$line$Guðrún Ágústa Guðmundsdóttir$line$Gunnar Axel Axelsson

    • 1407242 – Ályktun bæjarráðs vegna aðgerða Ísraelsmanna á Gazasvæðinu, tillaga

      Lögð fram tillaga Samfylkingar og Vinstri grænna:$line$$line$”Bæjarráð fordæmir aðgerðir Ísraelsstjórnar á Gazasvæðinu síðustu vikur og samþykkir að innkaupum sveitarfélagsins á vöru og þjónustu skuli hagað með tilliti til þess að sniðganga fyrirtæki og framleiðendur sem sýnt hefur verið fram á að hagnist á þeirri aðskilnaðarstefnu sem beitt er gagnvart palenstínsku þjóðinni.$line$Bæjarráð samþykkir jafnframt að styrkja söfnun Rauða krossins vegna hjálparsstarfs palestínska Rauða hálfmánans á Gaza um eina milljón króna.”$line$

      Tillagan var felld með þremur atkvæðum fulltrúa Sjálfstæðisflokks og Bjartrar framtíðar.$line$$line$Bókun fulltrúa Sjálfstæðisflokks og Bjartrar framtíðar:$line$Meirihluti bæjarráðs fordæmir aðgerðir Ísraelsstjórnar á Gazasvæðinu síðustu vikur, sem bitnað hafa fyrst og fremst á óbreyttum borgurum á svæðinu. Meirihlutinn styður hvers konar aðgerðir íslenskra stjórnvalda og alþjóðasamfélagsins sem leitt geta til varanlegrar lausnar í deilu þessara tveggja þjóða. Það sé þó ekki hlutverk bæjarfélagsins að svo stöddu að beita viðskiptaþvingunum vegna þessara deilna ekki frekar en þegar önnur átök eiga sér stað í heiminum eða þegar mannréttindi eru brotin.

    • 1407243 – Ósk um tímabundið leyfi frá störfum

      Lagt fram erindi frá Margréti Gauju Magnúsdóttur, sent í tölvupósti 23. júlí, ósk um tímabundið leyfi frá störfum.

      Bæjarráð í umboði bæjarstjórnar samþykkir beiðnina.

Ábendingagátt