Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarráðs, Strandgötu 6
Þá sat fundinn Kristján Sturluson sviðsstjóri stjórnsýslusviðs og staðgengill bæjarstjóra.
Skv. 5. gr. samkomulags Hafnarfjarðarkaupstaðar og Markaðsstofu Hafnarfjarðar um markaðssamstarf eiga fulltrúar bæjarstjórnar í stjórn Markaðsstofunnar, formaður stjórnar og framkvæmdastjóri að hitta bæjarráð a.m.k. ársfjórðungslega.
Karl Guðmundsson formaður stjórnar Markaðsstofu Hafnarfjarðar og Ása Sigríður Þórisdóttir framkvæmdastjóri mæta á fundinn.
Lagt fram rekstraruppgjör fyrir janúar til júní 2016.
Rósa Steingrímsdóttir sviðsstjóri fjármálasviðs mætir á fundinn.
Fulltrúar Samfylkingar og Vinstri leggja fram svohljóðandi bókun:
Við fögnum því að vinna síðustu ára sé að skila árangri, sem ekki síst má þakka þeirri markvissu endurskipulagningu og endurfjármögnun langtímalána sem fram fór á síðasta kjörtímabili. Það er ánægjulegt að afkoma bæjarins batni en við bendum á að skatttekjur hækka um 22% milli ára á sama tíma og laun hækka einungis um 9,6%. Það vekur líka athygli að á sama tíma og viðsnúningur er að verða í rekstrinum sé ráðist í uppsagnir og sársaukafullar lokanir á leikskólaúrræðum á grundvelli slæmrar stöðu sveitarfélagsins, nú síðast í maí. Það verður ekki bæði sleppt og haldið í málflutningi.
Fulltrúar Sjálfstæðisflokks og Bjartrar Framtíðar leggja fram svohljóðandi bókun:
Rekstrarniðurstaða Hafnarfjarðarbæjar fyrir fyrstu sex mánuði ársins sýnir þau umskipti sem orðið hafa í rekstri bæjarins og batnandi fjárhagsstöðu. Þar skipta miklu þær hagræðingaraðgerðir sem farið hafa fram í rekstrinum, en við þær var haft að leiðarljósi að tryggja eða efla þjónustustig við íbúa, sem gengið hefur eftir.
Það er fagnaðarefni að minnihlutanum líki árangurinn, þrátt fyrir hjásetu í öllum ákvörðunum um fjárhag bæjarins síðustu tvö ár, þar með talið vinnu í kjölfar óháðrar rekstrarúttektar. Munurinn á þessu kjörtímabili frá því síðasta felst öðru fremur í því að verið er að greiða niður lán án nýrrar lántöku og fjármagna framkvæmdir með eigin fé, eins og opnun nýs skuldlauss leikskóla ber merki. P.s. bara á Íslandi er rætt um 9,6% launahækkanir sem “einungis”.
Kynnt gögn vegna auglýsingar eftir tilboðum í 6 fjöleignarhúsalóðir í Skarðshlíð, 1. áfanga.
Sigurður Haraldsson sviðsstjóri umhverfis- og skipulagsþjónustu, Sigríður Kristinsdóttir bæjarlögmaður og Árdís Ármannsdóttir samskiptastjóri mæta á fundinn.
Tillaga um afturköllun á úthlutun lóðar. Lóðinni var úthlutað 2013 en með breyttu skipulagi er hún ekki lengur til staðar.
Sigurður Haraldsson sviðsstjóri umhverfis- og skipulagsþjónustu og Sigríður Kristinsdóttir bæjarlögmaður mæta á fundinn.
Bæjarráð leggur til við bæjarstjórn að vegna breytinga á skipulagi verði úthlutun á lóðinni Bergsskarð 5 til Þrastarverks ehf. afturkölluð.
Tillaga um að lóðinni Brenniskarði 1 verði úthlutað til Þrastarverks ehf. Lögð fram tillaga að samningi milli Hafnarfjarðarbæjar og Þrastarverks ehf.
Bæjarráð leggur til við bæjarstjórn að samningur við Þrastarverk ehf. um skipti á lóðunum Bergsskarði 5 og Brenniskarði 1 og kaup á lóðinni Brenniskarð 1 verði samþykktur. Jafnframt leggur bæjarráð til að Þrastarverki ehf. verði úthlutuað lóðinni Brenniskarð 1.
Á fundi skipulags- og byggingaráðs 23.08.2016 var eftirfarandi mál tekið fyrir og afgreiðsla þess var:
1607483 – Fyrirspurn um svæði fyrir bílasölu Á fundi bæjarráðs þann 11.08.2016 var lagt fram erindi Svavars Þorsteinssonar dags. 18.07.2016, um svæði fyrir bílasölu á stæðum við Tjarnarvelli (Miðsvæði Valla. Bæjarráð vísaði erindinu til umsagnar skipulags- og byggingarráðs. Lögð fram umsögn skipulagsfulltrúa dags. 17.08.2016. Skipulag- og byggingarráð tekur neitkvætt í erindið og tekur undir umsögn skipulagsfulltrúa.
Sigurður Haraldsson sviðsstjóri umhverfis- og skipulagsþjónustu mætir á fundinn.
Bæjarráð tekur undir niðurstöðu skipulags- og byggingaráðs.
Lagt fram til afgreiðslu samkomulag um þóknun fyrir rekstur málsins S-1/2011 fyrir óbyggðanefnd.
Sigríður Kristinsdóttir bæjarlögmaður mætir á fundinn.
Bæjarráð samþykkir fyrirliggjandi samning.
Lagður fram viðauki við fjárhagsáætlun ársins 2016 vegna samkomulags um þóknun fyrir rekstur málsins S-1/2011 fyrir óbyggðanefnd.
Bæjarráð leggur til við bæjarstjórn að tillaga að viðauka við fjárhagsáætlun 2016 verði samþykkt.
Lögð fram drög að reglum um styrki til félagasamtaka til greiðslu fasteignaskatts.
Bæjarráð samþykkir að óska eftir umsögn fræðsluráðs, fjölskylduráðs og ÍTH í samræmi við umræður á fundinum.
Lagt fram erindi um húsnæði fyrir legosýningu.
Bæjarráð beinir því til umhverfis- og skipulagsþjónustu að skoða hvort bærinn hafi til umráða húsnæði sem geti hentað.
Lögð fram drög að boðsbréfi til sendinefndar frá Canzhou.
Bæjarráð tekur jákvætt í erindið og felur bæjarstjóra að svara því.
Lagt fram bréf frá Sambandi íslenskra sveitarfélaga.
Lagt fram.
Karl Björnsson framkvæmdastjóri Sambands íslenskra sveitarfélaga og Sigurður Snævarr sviðsstjóri hag- og upplýsingasviðs koma á fundinn. Rósa Steingrímsdóttir sviðsstjóri fjármálasviðs sat fundinn undir þessum lið.
Fulltrúar Sambands íslenskra sveitarfélaga kynntu bæjarráði stöðu málsins.
Eins og fram kemur í minnisblaði Sambandsins er áætlað tekjutap sveitarfélaganna vegna tillagna ríkisstjórnarinnar um 15 milljarðar króna eða 1,6 milljarður á ári. Hlutfallslega er skerðing skattekna mest hjá sveitarfélögum á höfuðborgarsvæðinu. Það eru því í raun sveitarfélögin og íbúar þeirra sem eiga að standa undir fjármögnun boðaðra aðgerða sem ljóst er að gagnast aðeins þröngum hópi, á meðan geta sveitarfélaganna til að standa undir hlutverki sínu, m.a. til fjölgunar félagslegra íbúða er skert. Miðað við útreikninga Sambandsins eru áætlað að Hafnarfjörður verði af um 160 milljónum króna árlega í formi tapaðra skatttekna ef tillögurnar ná fram að ganga. Bæjarráð leggur áherslu á að Samband íslenskra sveitarfélaga fylgi málinu áfram fast eftir gagnvart forystu ríkisstjórnar og Alþingi svo tekjutap sveitarfélaga verði bætt upp ef til þess kemur.
Lagðar fram fundargerðir stjórnar SORPU bs, 364.fundur frá 15.júlí og 365.fundur frá 19.ágúst sl.
Lögð fram fundargerð stjórnar Strætó bs, 249.fundur frá 12.ágúst sl.
