Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarráðs, Strandgötu 6
Einnig sátu fundinn Haraldur L. Haraldsson bæjarstjóri og Sigríður Kristinsdóttir bæjarlögmaður og sviðsstjóri stjórnsýslusviðs.
Rekstrarreikningur jan.-mars lagður fram. Rósa Steingrímsdóttir sviðsstjóri fjármálasviðs mætti til fundarins.
Lagt fram.
Lagður fram viðauki við fjárhagsáætlun. Rósa Steingrímsdóttir sviðsstjóri fjármálasviðs og Guðmundur Sverrisson rekstrarstjóri á fjármálasviði mættu til fundarins.
Bæjarráð leggur til við bæjarstjórn að samþykkja framlagðan viðauka við fjárhagsáætlun.
Lagt fram yfirlit yfir styrkumsóknir. Úthlutun styrkja.
Andri Ómarsson verkefnastjóri mætti til fundarins.
Bæjarráð úthlutar styrkjum til eftirfarandi:
Halldórs Árna Sveinssonar – Mannlíf og menning í Hafnarfirði frá 1980 til vorra daga varðveitt í hljóð- og kvikmyndatökum, 450.000.- kr.
Páls Eyjólfssonar – Hjarta Hafnarfjarðar 2018, 400.000.- kr.
Hafnarfjarðardeildar RKÍ – Konumorgnar og opið hús fyrir fjölskyldur, 400.000.- kr.
Lögð fram styrktarbeiðni frá Steinboga kvikmyndagerð, heimildamyndin “Monument”
Bæjarráð getur ekki orðið við erindinu en bendir á að auglýst verði eftir umsóknum um menningarstyrki næsta haust.
Lögð fram drög að viljayfirlýsingu milli Hafnarfjarðarkaupstaðar og Knattspyrnufélagsins Hauka.
Bæjarráð samþykkir fyrirliggjandi viljayfirlýsingu með áorðnum breytingum.
Guðlaug Kristjánsdóttir, óháður bæjarfulltrúi, leggur fram svohljóðandi bókun:
Skjól fyrir knattspyrnuiðkun barna á Ásvöllum er þarft verkefni hvort sem horft er til skipulags, umferðar, umhverfis, lýðheilsu eða fjölskylduvænna þátta. Samþykki mitt á forgangsröðun ÍBH sem grundvelli fyrir uppbyggingu íþróttamannvirkja í bænum byggir á því að sú tímaáætlun sem henni fylgdi gangi eftir, meðal annars hvað byggingu knatthúss á Ásvöllum varðar. Mikilvægt er að uppbygging íþróttamannvirkja sé unnin á ábyrgan hátt í samvinnu bæjaryfirvalda og íþróttahreyfingarinnar í heild.
Áheyrnarfulltrúi Vinstri Grænna leggur fram svohljóðandi bókun:
Í ljósi þess að aðeins eru nokkrir dagar til kosninga er gerð alvarleg athugasemd við framlagningu yfirlýsingar af þessu tagi af hálfu meirihluta. Að ætla að koma núna fram þegar nokkrir dagar eru eftir af kjörtímabilinu og samþykkja viljayfirlýsingu þar sem fram koma loforð fram í tímann, sem engin innistæða er fyrir finnst mér einfaldlega vera pólitík sem ég get ekki tekið þátt í og virðist ekki hafa annan tilgang en að stilla fólki upp sem annaðhvort fylgjendur eða andstæðingar uppbyggingar í íþróttamálum. Ég tel að fjárhagur sveitarfélagsins ráði ekki við byggingar á tveimur knatthúsum á sama tíma án þess að taka fyrir framkvæmdunum lán. Hér er ekki um annað að ræða en innantóm loforð enda ekkert í hendi með úrslit kosninga.
Fulltrúar Samfylkingar leggja fram svohljóðandi bókun:
Langtímafjárhagsáætlun Hafnarfjarðarbæjar gerir ráð fyrir tiltekinni upphæð til uppbyggingar íþróttamannvirkja á grunni forgangsröðunar ÍBH. Bæjarráðsfulltrúar Samfylkingarinnar hafa óskað eftir faglegri umsögn og greinargóðum upplýsingum um fjárhagslegar forsendur þessara verkefna í samræmi við fyrirspurnir sem lagðar voru fram á fundinum. Mikilvægt er að uppbygging íþróttamannvirkja sé unnin á ábyrgan hátt og forsendur sem gefnar eru í fjárhagsáætlun haldi.
Lögð fram drög að erindisbréfi.
Bæjarráð samþykkir fyrirliggjandi erindisbréf.
Lagður fram kaupsamningur um sölu á eignahluta bæjarfélagsins í Lindarhvammi 8, efri hæð til meðeigenda.
Bæjarráð samþykkir fyrirliggjandi kaupsamning vegna Lindahvamms 8 og vísar til afgreiðslu í bæjarstjórn.
Lögð fram lóðarumsókn Aqua Angels um lóðina Norðurhella 3.
Bæjarráð leggur til við bæjarstjórn að lóðinni Norðurhellu 3 verði úthlutað til Aqua Angels ICELAND ehf.
Lögð fram umsókn Vatnsveitu Hafnarfjarðar um lóðina Stuðlaskarð 2H fyrir vatsndælustöð.
Bæjarráð leggur til við bæjarstjórn að lóðinni Stuðlaskarði 2H verði úthlutað til Vatnsveitu Hafnarfjarðar.
Lagður fram tölvupóstur frá lóðarhöfum að Malarskarði 18 þar sem fram kemur að þau óska eftir að afsala sér lóðarúthlutun á lóðinni.
Bæjarráð leggur til við bæjarstjórn að úthlutun lóðarinnar nr. 18 við Malarskarð til Kristins Þórs Ásgeirssonar verði afturkölluð.
Lagður fram tölvupóstur frá lóðarhöfum að Víkurskarði 8 þar sem fram kemur að þau óska eftir að afsala sér lóðarúthlutun á lóðinni.
Bæjarráð leggur til við bæjarstjórn að úthlutun lóðarinnar nr. 8 við Víkurskarð til Guðlaugs Kristbjörnssonar verði afturkölluð.
Lagður fram tölvupóstur frá lóðarhafa að Einhellu 11 þar sem fram kemur að hann óskar eftir að afsala sér lóðarúthlutun á lóðinni.
Bæjarráð leggur til við bæjarstjórn að úthlutun lóðarinnar nr. 11 við Einhellu til Blikaáss ehf. verði afturkölluð.
Bæjarstjóri gerir grein fyrir málinu.
Rannveig Einarsdóttir sviðsstjóri fjölskyldusviðs, Rósa Steingrímsdóttir sviðsstjóri fjármálasviðs, Sigurður Haraldsson sviðsstjóri umhverfis- og skipulagsþjónustu og Guðmundur Sverrisson rekstrarstjóri á fjármálasviði sátu fundinn undir þessum lið.
Bæjarráð leggur til við bæjarstjórn að komi til þess að stofnstyrkur verði ekki hækkaður ábyrgist bærinn greiðslu á mismun á stofnstyrk frá Íbúðalánasjóði skv. nýrri reglugerð og eldri reglugerð að upphæð 5.483.000.-. Komi til þessa verður gerður viðauki.
Fulltrúar Vinstri grænna og Samfylkingar leggja fram svohljóðandi bókun:
Bæjarfulltrúar Vinstri grænna og Samfylkingar fagna stofnun húsnæðissjálfseignarstofnunar Hafnarfjarðarbæjar. En hörmum að meirihlutinn hafi ekki tekið undir tillögu okkar sem lögð var fram þann 29. mars 2017. Um óhagnaðardrifið leigufélag fyrir almenning sem sæi um byggingu íbúða sem standa öllum almenningi til boða til leigu án tillits til efnahags eða annarra aðstæðna, gegn leigugjaldi sem miðast við afborganir, vexti af lánum, vaxtakostnað, almenns rekstrarkostnaðar og annars kostnaðar af íbúðinni.
Lagt fram samkomulag um skipti á lóðum.
Sigurður Haraldsson sviðsstjóri umhverfis- og skipulagssviðs mætti á fundinn.
Bæjarráð samþykkir fyrirliggjandi samkomulag um skipti á lóðum og vísar til afgreiðslu bæjarstjórnar.
Farið yfir stöðu málsins.
Sigurður Haraldsson sviðsstjóri mætti á fundinn.
Bæjarstjóra falið að fara í viðræður við hesthúsaeigendur í samræmi við umræður á fundinum.
Lagt fram svar við fyrirspurn frá fulltrúum Samfylkingar og Vinstri grænna á fundi bæjarráðs 3.maí sl.
Lagt fram svar við fyrirspurn frá fulltrúum Samfylkingar og Vinstri grænna á fundi bæjarráðs 3. maí sl.
Lagt fram minnisblað.
Fulltrúar Samfylkingar og Vinstri Grænna leggja fram svohljóðandi bókun:
Fulltrúar Samfylkingar og Vinstri grænna gera alvarlegar athugasemdir við að Hafnarfjarðarbær hafi borgað fyrir opnuviðtal við oddvita Sjálfstæðisflokksins í dagblaði svo stuttu fyrir kosningar. Það er ekki eðlilegt að fjármunir almennings séu notaðir með þessum hætti til að styðja við kosningabaráttu eins stjórnmálaflokks. Slík meðferð á almannafé er fullkomlega óeðlileg og getur ekki talist siðferðislega rétt.
Fulltrúar Sjálfstæðisflokks leggja fram svohljóðandi bókun:
Bæjarráðsfulltrúar Sjálfstæðisflokksins ítreka að Fréttablaðið átti frumkvæði að því að Hafnarfjarðarbær tæki þátt í kynningarblaði þess um bæjarfélagið. Óskað var eftir ummælum frá formanni bæjarráðs inn í jákvæða umfjöllun um miðbæinn og blómlega starfsemi, eins og svo oft áður. Ummælin voru almenns eðlis um málefni sem ríkt hefur samstaða um. Að öðru leyti var framsetning efnisins alfarið í höndum Fréttablaðsins eins og kemur fram í meðfylgjandi minnisblaði.
Adda María Jóhannsdóttir leggur fram fyrir hönd fulltrúa Samfylkingar eftirfarandi fyrirspurnir til bæjarstjóra:
Í ljósi umfjöllunar um byggingu nýrra íþróttamannvirkja í Hafnarfirði, m.a. byggingu tveggja nýrra knatthúsa óska bæjarráðfulltrúar Samfylkingarinnar eftir því að bæjarstjóri leggi fyrir ráðið faglega umsögn og skýrar og greinargóðar upplýsingar um fjárhagslegar forsendur þessara verkefna.
1. Hvað er gert ráð fyrir miklu fjármagni til byggingar knatthúss í Kaplakrika í fjárhagsáætlun Hafnarfjarðarbæjar fyrir árin 2018-2021 og hvar í áætlunni þær fjárveitingar er að finna? 2. Hvað er gert ráð fyrir miklu fjármagni til byggingar knatthúss á Ásvöllum í fjárhagsáætlun Hafnarfjarðarbæjar fyrir árin 2018-2021 og hvar í áætlunni þær fjárveitingar er að finna? 3. Miðað við óbreyttar forsendur fyrirliggjandi fjárhagsáætlunar, hvenær má gera ráð fyrir að framkvæmdir við knatthúss á Ásvöllum geti hafist og hvenær má gera ráð fyrir að þeim verði lokið? 4. Hafa fyrrgreind verkefni verið kostnaðarmetin af hálfu Hafnarfjarðarbæjar og ef svo er, hver er áætlaðar heildarkostnaður vegna þessara tveggja framkvæmda? 5. Í fyrirliggjandi fjárhagsáætlun fyrir árin 2018-2021, er þar gert ráð fyrir fjárveitingu vegna byggingar reiðhallar á íþróttasvæðii Hestamannafélagsins Sörla og ef svo er, hversu há er sú fjárveiting á hvaða árabili er gert ráð fyrir þeim framkvæmdum? 6. Er gert ráð fyrir fjármögnun annarra nýframkvæmda á sviði íþróttamála í fyrirliggjandi fjárhagsáætlun fyrir árin 2018-2021 og ef svo er, til hvaða verkefna og hvert er áætlað fjárhagslegt heildarumfang þeirra? 7. Í fyrirliggjandi fjárhagsáætlun fyrir árin 2018-2021, hvað er gert ráð fyrir miklu fjármagni til viðhalds og stærri endurbóta á núverandi íþróttamannvirkjum í Hafnarfirði, þar með talið til endurbóta (eða endurbyggingar) á sundlaugum bæjarins og hvenær er gert ráð fyrir að þær framkvæmdir muni eiga sér stað?
Í ljósi þess að stutt er í kosningar og mikilvægt er að íbúar bæjarins hafi réttar upplýsingar um þau málefni sem eru til umfjöllunar förum við fram á að bæjarstjóri taki þessar upplýsingar saman svo fljótt sem auðið er verði þær gerðar opinberar í kjölfarið.
Lögð fram fundargerð heilbrigðisnefndar Hafnarfjarðar- og Kópavogssvæðis frá 30.apríl sl.
Lögð fram fundargerð stjórnar Sambands íslenskra sveitarfélaga frá 27.apríl sl.
Lögð fram fundargerð stjórnar SORPU bs. frá 4.maí sl.
Lögð fram fundargerð stjórnar Sambands ísl.sveitarfélaga frá 7.maí sl.
Lögð fram fundargerð stjórnar Strætó bs. frá 4.maí sl.
