Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarstjórnar Hafnarborg
Einnig sátu fundinn Rósa Guðbjartsdóttir bæjarstjóri og Sigríður Kristinsdóttir bæjarlögmaður og sviðsstjóri stjórnsýslusviðs.
Farið yfir stöðuna. Rósa Steingrímsdóttir sviðsstjóri fjármálasviðs mætir til fundarins ásamt Sigurjóni Ólafssyni sviðsstjóra þjónustu- og þróunarsviðs og Andri Ómarsson verkefnastjóri.
1.liður úr fundargerð fræðsluráðs frá 29.apríl sl. Lagt fram til samþykktar
Fræðsluráð samþykkir tillögur um aðhald í rekstri og vísar til bæjarráðs til frekari samþykkis. Sviðsstjóra mennta- og lýðheilsusviðs er jafnframt falið að vinna að útfærslu á hverri tillögur fyrir sig.
1.liður úr fundargerð fjölskylduráðs frá 28.apríl sl.
Eftirfarandi tillögur eru lagðar fram til afgreiðslu ráðsins:
Tillaga 1 Í dag er jafnaðartaxti fyrir gjaldskrá heimaþjónustu, 757 kr. fyrir klst. Lagt er til að gjaldskrá heimaþjónustu verði tekjutengd með eftirfarandi hætti: – Einstaklingur með tekjur undir 326.300 kr. á mánuði borgar 0 kr. fyrir klst. – Einstaklingur með tekjur frá 326.300 til 391.560 kr. borgar 515 kr. fyrir klst. – Einstaklingur með hærri tekjur en 391.561 kr. borgar 1040 kr. fyrir klst. – Hjón með tekjur undir 530.239 kr. borga 0 kr. fyrir klst. – Hjón með tekjur frá 530.239 til 636.285 kr. borga 515 kr. fyrir klst. – Hjón með hærri tekjur en 636.286 kr. borga 1040 kr. fyrir klst.
Fulltrúar Framsóknar og óháðra, Sjálfstæðisflokks og Viðreisnar samþykkja þessa tillögu. Fulltrúi Samfylkingar situr hjá. Tillagan er samþykkt með fjórum atkvæðum.
Fulltrúi Samfylkingar leggur fram eftirfarandi bókun: Samfylkingin er í grunninn ekki mótfallin tekjutengingu eins og hér er lagt til. Hins vegar var tillaga Samfylkingarinnar um að draga til baka hækkanir á gjaldskrám síðasta árs ekki tekin til formlegrar umfjöllunar í Öldungaráði en þar hefði hún átt að vera afgreidd formlega eins og aðrar tillögur sem snúa að eldri borgurum. Einnig liggja ekki fyrir nægjanlega góðar upplýsingar um þau áhrif sem þessi breyting mun hafa í för með sér.
Fulltrúar Framsóknar og óháðra og Sjálfstæðisflokksins leggja fram eftirfarandi bókun: Þessi breyting á gjaldskrá er til þess að verja viðkvæmustu hópana. Þeir sem hafa lægstu tekjurnar greiða minnst fyrir þjónustuna, þeir sem hafa hærri tekjur borga meira. Þessi breyting er einnig afar kærkomin fyrir hóp þjónustuþega sem eru með tekjur frá 326.300 kr. til 391.560 kr. Þeir borga í dag 757 kr. fyrir þjónustuna en eftir breytingu borga þeir 515 kr. fyrir þjónustuna.
Tillögunni vísað til bæjarráðs.
Tillaga 2 Lagt er til að frístundastyrkur eldri borgara verði tekjutengdur með þeim hætti að einstaklingur með lægri tekjur en 391.560 kr. á mánuði eigi rétt til frístundastyrks en ekki þeir sem hafa hærri tekjur.
Tillaga tvö er samþykkt með öllum greiddum atkvæðum.
Fulltrúar Viðreisnar og Bæjarlistans leggja áherslu á að ráðamenn bæjarins séu samstíga í þeim aðgerðum sem nú blasa við okkur í ljósi aðstæðna í samfélaginu og eru því samþykkir þessari tillögu. Engu að síður leggjum við áherslu á að málið verði tekið upp aftur og framtíðarfyrirkomulag þess skoðað vel, þegar afleiðingar núverandi ástands liggja ljósari fyrir.
Fulltrúi Samfylkingarinnar tekur undir bókun Viðreisnar- og Bæjarlistans um tillögu tvö.
Tillaga 3 Í Drafnarhúsi/Strandgötu 75 er rekin dagdvöl fyrir fólk með heilabilunarsjúkdóma. Þar eru 24 rými. Hafnarfjarðarbær hefur greitt leiguna óháð því hvort þjónustuþegar eru með lögheimili í Hafnarfirði eða ekki. Lagt er til að þau sveitarfélög sem nýta þjónustuna í Drafnarhúsi greiði leigu í hlutfalli við fjölda þjónustuþega.
Tillaga þrjú er samþykkt með öllum greiddum atkvæðum.
Farið yfir stöðu mála á vinnu við að skapa ný störf í bæjarfélaginu sem hægt verði að bjóða hafnfirsku námsfólki og frumkvöðlum í sumar. Bæjarráð samþykkir að fjölga slíkum störfum um allt að 250 í sumar og að undirbúa opnun ,,Nýsköpunarstofu sumarsins“ í Menntasetrinu við Lækinn. Þar verði aðstaða fyrir fyrir ungmenni og frumkvöðla í sumar til að sinna nýsköpunarverkefnum eftir auglýsingar Hafnarfjarðarbæjar þar um og úthlutun verkefna.
Bæjarráð samþykkir tillögu 1 frá fjölskylduráði og vísar til staðfestingar í bæjarstjórn.
Fulltrúi Samfylkingarinnar situr hjá og tekur undir bókun fulltrúa Samfylkingarinnar í fjölskylduráði.
Bæjarráð samþykkir tillögu 2 frá fjölskylduráði og vísar til staðfestingar í bæjarstjórn.
Fulltrúar Bæjarlistans og Samfylkingarinnar taka undir bókun fulltrúa Viðreisnar og Bæjarlistans í fjölskylduráði.
Bæjarráð samþykkir tillögu 3 frá fjölskylduráði og vísar til úrvinnslu á fjármálasviði.
Bæjarráð samþykki tillögur fræðsluráðs og vísar til viðaukagerðar.
Bæjarráð samþykkir að farið verði í eftirtalin flýtiframkvæmdaverkefni að tillögu Umhverfis- og framkvæmdaráðs: Flatahraun, ný gatnamót; Flatahraun-hringtorg við Kaplakrika, Álfaberg-lokun á rými, Víðistaðaskóli-gardínur og Suðurbæjarlaug, þak. Um er að ræða kostnað upp á alls 203,5 milljónir króna. Málinu vísað til bæjarstjórnar og viðaukagerðar.
Lagður fram ársreikningur Hafnarfjarðarkaupstaðar 2019 og fyrirtækja hans.
Rósa Steingrímsdóttir sviðsstjóri fjármálasviðs mætir til fundarins.
Bæjarráð vísar ársreikningi bæjarsjóðs Hafnarfjarðarkaupstaðar og fyrirtækja hans 2019 til fyrri umræðu í bæjarstjórn.
Lagður fram viðauki I.
Bæjarráð samþykkir fyrirliggjandi viðauka og vísar til staðfestingar í bæjarstjórn.
Lagðar fram umsóknir um lóðir við Hringhamar 1, 3 og 7 og Nónhamar 2, 4 og 8.
Byggingarfélag Gylfa og Gunnars hf sækir um lóðirnar nr. 1, 3 og 7 við Hringhamar og nr. 2, 4 og 8 við Nónhamar.
Fjarðarmót ehf., sækir um lóðirnar nr. 3 og 7 við Hringhamar.
Drauma ehf., sækir um lóðina nr. 7 við Hringhamar og til vara lóðirnar nr. 2 við Nónhamar og 3 við Hringhamar.
Valhús ehf., sækir um lóðina nr. 4 við Nónhamar og til vara lóðina nr. 8 við Nónhamar.
Bæjarstjóra falið að ræða við umsækjendur.
Lögð fram umsókn um launað námsleyfi.
Bæjarráð samþykkir framlagða tillögu um að einum aðila verði veitt launað námsleyfi.
Lagt fram erindisbréf. Til afgreiðslu og skipun í hópinn.
Bæjarráð samþykkir fyrirliggjandi erindisbréf.
Lagt fram samkomulag við Geymslusvæðið.
Bæjarráð samþykkir fyrirliggjandi samkomulag og vísar til staðfestingar í bæjarstjórn.
Lögð fram umsögn Heilbrigðiseftirlits Hafnarfjarðar- Kópavogs og Garðabæjar við tillögu sem vísað var til þeirra á fundi bæjarráðs 22.apríl sl.
Fulltrúi Viðreisnar harmar afstöðu Heilbrigðisnefndar.
Lagður fram ársreikningur og ársskýrsla 2019 fyrir Heilbrigðiseftirlits Hafnarfjarðar-Kópavogs og Garðabæjar
Lagt fram.
4. liður úr fundargerð umhverfis- og framkvæmdaráðs 6. maí sl. Kynnt gatnagerð í Hamranesi I og óskað eftir heimild til útboðs. Umhverfis- og framkvæmdaráð heimilar útboð vegna gatnagerðar í Hamranesi I með fyrirvara um samþykki bæjarráðs.
Bæjarráð heimilar að farið verði í útboð vegna gatnagerðar í Hamranesi I.
Adda María Jóhannsdóttir fulltrúi Samfylkingarinnar leggur fram eftirfarandi fyrirspurnir:
Fyrirspurn varðandi áhrif hækkunar þingfararkaups Fulltrúi Samfylkingarinnar óskar eftir upplýsingum um áhrif hækkunar þingfararkaups á laun og launatengd gjöld kjörinna fulltrúa í ráðum og nefndum Hafnarfjarðarkaupstaðar. ? Óskað er eftir upplýsingum um laun allra aðal- og varafulltrúa fyrir setu í bæjarstjórn og vegna annarra starfa sem tengjast henni, s.s. setu í ráðum eða nefndum sveitarfélagsins, fyrir og eftir hækkun. ? Óskað er eftir því að gefin verði upp samanlögð heildarlaun hvers og eins fulltrúa á mánuði, fyrir og eftir hækkun. ? Að lokum er óskað eftir upplýsingum um hver áætlaður árlegur kostnaðarauki bæjarsjóðs er vegna hækkunarinnar. Þar sem um er að ræða upplýsingar sem liggja fyrir í upplýsingakerfum sveitarfélagsins, er óskað eftir því að umbeðnar upplýsingar verði lagðar fram eigi síðar en á næsta fundi bæjarráðs.
HS Veitur – Fyrirspurnir Í ljósi þess að fulltrúar Framsóknar og Sjálfstæðisflokks samþykktu nýverið að hafinn verði undirbúningur að sölu hlutabréfa sveitarfélagsins í HS Veitum leggur fulltrúi Samfylkingarinnar fram eftirfarandi fyrirspurnir: 1. Hver var hagnaður HS Veitna eftir skatta árið 2019? 2. Hver var EBITDA HS Veitna á síðasta ári og hver hefur hún verið að meðaltali á ári frá árinu 2010, reiknað á verðlagi hvers árs? 3. Hvert var EBITDA hlutfallið á síðasta ári og hvert hefur það verið að meðaltali á ári frá árinu 2010? 4. Hvað hafa HS Veitur greitt mikið samanlagt til eigenda sinna í formi kaupa á eigin bréfum frá árinu 2010? 5. Hvert var eiginfjárhlutfall HS Veitna í árslok 2019? 6. Hverjir eru fulltrúar Hafnarfjarðarbæjar í stjórn og varastjórn HS Veitna? i. Er það rökstutt mat þeirra að skynsamlegt sé fyrir bæjarsjóð að selja eignarhlut sinn? ii. Á hvaða forsendum byggir það mat og hefur það verið gert opinbert? 7. Liggur fyrir álit fjármálastjóra sveitarfélagsins eða annarra sérfróðra aðila sem gefur meirihluta bæjarstjórnar tilefni til leggja fram tillögu að sölu á viðkomandi eign? i. Ef ekkert slíkt liggur fyrir, þá er óskað eftir því að lagt verði fram minnisblað sem innihaldi faglegt yfirlit um rekstur, efnahag og arðsemi HS Veitna á síðastliðnum áratug sem geti nýst kjörnum fulltrúum til upplýstrar ákvarðanatöku. 8. Er það opinber afstaða Hafnarfjarðarbæjar að eignarhald á dreifikerfum vatns og orku eigi að vera í höndum einkaaðila? i. Ef svo er ekki, hvaða opinberi aðili telja bæjaryfirvöld í Hafnarfirði að sé betur til þess falinn en sveitarfélagið Hafnarfjörður, að halda á eignarhlut í fyrirtæki sem m.a. á og rekur dreifikerfi rafmagns í Hafnarfirði?
Lagðar fram fundargerðir framkvæmdanefndar frá 11. og 25.febrúar sl.
Lögð fram fundargerð framkvæmdahóps frá 4.maí sl.
Lögð fram fundargerð hafnarstjórnar frá 22.apríl sl.
Lögð fram fundargerð heilbrigðisnefndar Hafnarfjarðar- og Kópavogssvæðis frá 27.apríl sl.
Lögð fram fundargerð menningar- og ferðamálanefndar frá 30.apríl sl.
Lagðar fram fundargerðir stjórnar Sambands íslenskrá sveitarfélaga frá 24. og 29.apríl sl.
Lögð fram fundargerð stjórnar SSH frá 17.apríl sl.
Lögð fram fundargerð stjórnar SORPU bs. frá 20.apríl sl.
Lögð fram fundargerð 22.eigendafundar SORPU bs. frá 6.apríl sl.