Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
á fjarfundi
Einnig sátu fundinn Rósa Guðbjartsdóttir bæjarstjóri og Sigríður Kristinsdóttir bæjarlögmaður og sviðsstjóri stjórnsýslusviðs.
Lögð fram fjárhagsáætlun Hafnarfjarðarkaupstaðar og fyrirtækja hans fyrir 2021 og langtímaáætlun fyrir 2022-2024.
Lagðar fram gjaldskrár Hafnarfjarðarkaupstaðar 2021.
Rósa Steingrímsdóttir sviðsstjóri fjármálasviðs mætir til fundarins.
Bæjarráð vísar fyrirliggjandi tillögu að fjárhagsáætlun og gjaldskrá Hafnarfjarðarkaupstaðar og fyrirtækja hans 2021 og langtímaáætlun fyrir 2022-2024 til fyrri umræðu í bæjarstjórn.
Eftirfarandi tillaga liggur fyrir fundinum: Bæjarráð leggur til við bæjarstjórn að útsvarsprósenta við álagningu 2021 verði 14,48%
Rósa Steingrímsdóttir sviðsstjóri fjármálasviðs situr fundinn undir þessum lið.
Tillaga Miðflokks, Bæjarlista og Samfylkingar: Fulltrúar Miðflokks, Bæjarlista og Samfylkingar leggja til að útsvarsprósenta við álagningu 2021 verði 14,52% Greinargerð: Að fullnýta útsvarsprósentuna (14,52%) hefði þýtt kostnaðarauka fyrir einstakling með eina milljón á mánuði um 400 krónur á mánuði. Kostnaðarauki einstaklings með 500 þúsund á mánuði yrði 200 kr. Sveitarfélagið munar hins vegar um þennan mismun á útsvari 14,52%/14,48% um 50 milljónir á ári sem er upphæð sem sveitarfélagið sárvantar.
Tillagan er felld með þremur atkvæðum meirihluta. Fulltrúar Miðflokks og Samfylkingar greiða atkvæði með tillögunni.
Fyrirliggjandi tillaga er samþykkt með atkvæðum meirihluta. Fulltrúar Samfylkingar og Miðflokks greiða atkvæði á móti.
Fulltrúi Samfylkingar leggur fram svohljóðandi bókun: Nú er ljóst að meirihluti Sjálfstæðis- og Framsóknarflokks ætlar sér ekki að fullnýta útsvarið. Hann ákveður þess í stað að hækka gjaldskrár. Með þeirri ákvörðun er meirihlutinn að hlífa breiðu bökunum í samfélaginu á meðan hann leggur þyngri byrðar á viðkvæma hópa. Meðal annrars vegna þess getur Samfylkingin ekki samþykkt þessa tillögu og greiðir atkvæði gegn henni.
Fulltrúi Viðreisnar leggur fram svohljóðandi bókun: Fulltrúi Viðreisnar óskar eftir því að gerðar verði nokkrar sviðsmyndir þar sem sýnt verði hvernig allar fyrirhugaðar gjaldskrárhækkanir munu koma við ólíkar stærðir fjölskyldna. Telur fulltrúi Viðreisnar það nauðsýnlegt til að geta tekið upplýsta ákvörðun um það hvernig heildar hækkanir koma við heimilin í Hafnarfirði. Þær sviðsmyndir sem þarf að skoða eru krónutöluhækkanir á einstakling, á einstætt foreldri með eitt barn, hjón með eitt barn og hjón með 3 börn.
Fulltrúi Miðflokks leggur fram svohljóðandi bókun: Það er hrein og klár sýndarmennska meirihluta Sjálfstæðisflokks og Framsóknarflokks að viðhalda útsvarsprósentu sveitarfélagsins óbreyttri (14,48%) í ljósi erfiðrar rekstrarstöðu bæjarins. Vandanum hefur verið mætt m.a. með sölu fyrirtækja bæjarins, hækkun gjaldskrár og fleira. Að fullnýta útsvarsprósentuna (14,52%) hefði þýtt kostnaðarauka fyrir mann með eina milljón á mánuði um 400 krónur á mánuði. Kostnaðarauki manns með 500 þúsund á mánuði yrði 200 kr. Fyrir sveitarfélagið munar hins vegar um þennan mismun á útsvari 14,52%/14,48% um 50 milljónir á ári sem er upphæð sem sveitarfélaginu sárvantar. Því er þetta sýndarmennska að geta veifað því að halda útsvarsprósentu óbreyttri og í raun ábyrgðarleysi.
Fulltrúi Bæjarlista leggur fram svohljóðandi bókun: Fulltrúi Bæjarlistans lýsir furðu á því vali meirihlutans að nýta ekki útsvarsheimildir til fulls, til ráðstöfunar í þjónustu við viðkvæma hópa. Hér er um að ræða uþb 50 milljón króna svigrúm sem bærinn gæti verið að nýta á sviðum sem þjónusta viðkvæma hópa, sem myndi ekki þýða nema nokkur hundruð krónur á mánuði fyrir einstakling með meðallaun í útsvarsgreiðslur. Á tímum þegar tekjur afmarkaðra hópa á vinnumarkaði hafa orðið fyrir skörpu höggi væri fullnýting á útsvari málefnaleg leið til að auka tekjur bæjarins til góða fyrir nauðsynlega þjónustu á fræðslu- og fjölskyldusviði.
Fulltrúar Sjálfstæðisflokks og Framsóknar leggja fram svohljóðandi bókun: Það hefur verið ein af áherslum núverandi meirihluta að hækka ekki álögur á íbúa. Útsvarshækkun hefði í för með sér tekjuskerðingu fyrir bæjarbúa eða með öðrum orðum; útborguð laun íbúa bæjarfélagsins lækka. Slíkt er ekki í samræmi við stefnu núverandi meirihluta sem hefur það markmið að létta undir með fjölskyldufólki og jafnframt að tryggja að allar gjaldskrár sem snerta viðkvæmustu hópa samfélagsins séu ávallt með þeim lægri sé horft til samanburðarsveitarfélaga. Því leggja fullltrúar meirihlutans það til við bæjarstjórn að prósentuhlutfallið verði ekki hækkað. Hagkerfið, verslun og þjónusta, munar um þær milljónir í sinn rekstur.
Lagðar fram reglur um framlengingu/endurráðningu starfsmanns eftir 70 ára aldur. Til afgreiðslu.
Guðrún Þorsteinsdóttir mannauðsstjóri mætir á fundinn.
Bæjarráð samþykktir fyrirliggjandi reglur um framlengingu eða endurráðningu starfsfólks eftir 70 ára aldur.
Kynntar niðurstöður útboða sem Skíðasvæði höfuðborgarsvæðisins stóð fyrir.
Lagt fram til umræðu og kynningar.
Lagt fram erindi frá Brú lífeyrissjóði um tillögur að breytingum á réttindaákvæðum Eftirlaunasjóðs starfsmanna Hafnarfjarðarkaupstaðar.
Bæjarráð vísar breytingum á réttindaákvæðum til frekari skoðunar hjá bæjarlögmanni.
Lagt fram samkomulag á milli Hafnarfjarðarkaupstaðar og 220 Fjarðar. Til afgreiðslu.
Bæjarráð samþykkir fyrirliggjandi samkomulag milli Hafnarfjarðarkaupstaðar og 220 Fjarðar. Málinu vísað til staðfestingar í bæjarstjórn.
Fulltrúi Samfylkingar situr hjá við afgreiðslu málsins.
Fulltrúi Samfylkingar leggur fram svohljóðandi bókun: Ég er hrifinn af hugmyndum um nýtt bókasafn í miðbænum en mér finnst málið ekki hafa fengið nægjanlega umræðu í samfélaginu og aðkoma íbúa hefur engin verið. Ég hefði viljað sjá þetta mál skoðað betur í heild og í tengslum við þá vinnu sem nú er í gangi varðandi framtíðarhúsnæði stjórnsýslunnar. Á þeim forsendum sit ég hjá við þessa afgreiðslu.
Lagt fram minnisblað frá mennta- og lýðheilsusviði – jafnréttisfræðsla í grunnskólum.
Bæjarráð þakkar fyrir minnisblað mennta- og lýðheilsusviðs. Ljóst er að grunnskólar bæjarins eru með skýra stefnu í jafnréttis- og mannréttindarmálum og að jafnréttisfræðsla sé hluti af kennslu í öllum grunnskólum bæjarfélagsins. Af ýmsu, þá má sérstaklega tiltaka sérstakan samning Hafnarfjarðarbæjar við Samtökin 78 um fræðslu og ráðgjöf fyrir nemendur og starfsfólk, auk þess sem skrifstofa mennta- og lýðheilsusviðs býður upp á fræðslu um fjölmenningu og kennslu í fjölmenningarlegu umhverfi. Bæjarráð, sem jafnréttisnefnd bæjarfélagsins, hvetur grunnskóla og aðrar stofnanir bæjarins til að huga áfram vel að jafnréttis- og mannréttindarmálum og auka virkt samtal við ungmennaráð.
Tekið fyrir að nýju. Til afgreiðslu.
Bæjarráð samþykkir að veita Mæðrastyrksnefnd Hafnarfjarðar styrk að upphæð 700.000kr.
Karlar í skúrum í Hafnarfirði / 834.000kr. Ástráður, kynfræðslufélag læknanema / 120.000kr. Samtals eru þetta: 954.000kr.
Lögð fram ósk um breytingu á lóðarhafa. Lóðarhafi verði RENTUR starfsemi ehf í stað Mission á Íslandi ehf.
Bæjarráð samþykkir fyrirliggjandi erindi og að lóðarhafi verði RENTUR starfsemi ehf.
Lögð fram beiðni um að Ingunn Stefánsdóttir og Eiríkur Stefánsson verði lóðarhafar með Jóhanni Ögra Elvarssyni og Rut Helgadóttur en þeim var úthlutað lóðinni 11. nóvember sl.
Bæjarráð samþykkir fyrirliggjandi beiðni um að Ingunn Stefánsdóttir og Eiríkur Stefánsson verði meðlóðarhafar að lóðinni Völuskarði 18 og vísar til staðfestingar í bæjarstjórn.
Lagðar fram umsóknir Jóhanns Ögra Elvarssonar og Rutar Helgadóttur um lóðirnar nr. 22 og 34 við Völuskarð. Þá er einnig lögð fram beiðni umsækjanda um áfangaskiptingu framkvæmda.
Bæjarráð leggur til við bæjarstjórn að lóðinni Völuskarð 22 og 34 verði úthlutað til Jóhanns Ögra Elvarssonar og Rutar Helgadóttur. Bæjarráð samþykkir einnig fyrirliggjandi beiðni um áfangaskiptingu og vísar til afgreiðslu á stjórnsýslu- og fjármálasviði.
Lögð fram umsókn Gylfa Andréssonar um lóðina nr. 20 við Völuskarð.
Bæjarráð leggur til við bæjarstjórn að lóðinni Völuskarð 20 verði úthlutað til Gylfa Andréssonar.
Lögð fram umsókn Sjónvers ehf., um lóðirnar nr. 2-6, 8-12 og 14-16 við Glimmerskarð.
Bæjarráð leggur til við bæjarstjórn að lóðunum Glimmerskarði 2(-6), 8(-12) og 14(-16) verði úthlutað til Sjónvers ehf.
Lagt fram bréf frá lóðarhöfum að Hverfisgötu 12 þar sem óskað er eftir því að afsala sér lóðarúthlutun á lóðinni.
Bæjarráð leggur til við bæjarstjórn að samþykkja skil á lóðinni Hverfisgata 12.
Eftirfarandi tillaga liggur fyrir fundinum: “Bæjarráð samþykkir að lóðin nr. 12 við Hverfisgötu verði auglýst laus til úthlutunar fyrir nýbyggingu eða flutningshús skv. deiliskipulagi. Ef sótt er um lóðina fyrir flutningshús skulu umsækjendur skila ítarlegri greinargerð um það hús sem fyrirhugað er að flytja á lóðina og framkvæmdina að öðru leyti”.
Bæjarráð samþykkir fyrirliggjandi tillögu.
Lögð fram drög að endurnýjuðum lóðarleigusamningum um bátaskýlislóðir við Lónsbraut sem eru í samræmi við gildandi deildiskipulag og skilmála.
Bæjarráð samþykkir fyrirliggjandi lóðarleigusamning.
Drög að nýjum lóðarleigusamningi um Suðurgötu 79 í samræmi við gildandi deiliskipulag.
Drög að lóðarleigusamningi um Suðurgötu 81 í samræmi við gildandi deiliskipulag.
Lögð fram tilkynning um undirskriftasöfnun.
Lagt fram.
Lögð fram fundargerð hafnarstjórnar frá 4.nóvember sl.
Lögð fram fundargerð hafnarstjórnar frá 6.nóvember sl.
Lögð fram fundargerð menningar- og ferðamálanefndar frá 12.nóvember sl.
Lagðar fram fundargerði stjórnar SSH frá 27.október og 2.nóvember sl.