Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í fundarsal bæjarráðs, Strandgötu 6
Mættir eru allir aðalbæjarráðsfulltrúar að undanskildum þeim Guðlaugu Kristjánsdóttir og Sigurði Þ. Ragnarssyni en í þeirra stað sátu fundinn Birgir Örn Guðjónsson og Gísli Sveinbergsson.
Auk þess sátu fundinn Rósa Guðbjartsdóttir bæjarstjóri og Sigurður Nordal sviðsstjóri stjórnsýslusviðs.
Lögð fram umsókn um lóðarstækkun. Umsögn umhverfis- og skipulagssviðs liggur fyrir.
Bæjarráð samþykkir fyrirliggjandi beiðni um lóðarstækkun.
Bæjarráð synjar erindinu með vísan til umsagnar skipulagsfulltrúa.
Beiðni um að afmá kvöð á lóð.
Bæjarráð samþykkir að aflétta kvöð um aldur barna í c. lið 14. gr. í lóðarleigusamningi.
Lögð fram beiðni Hringrásar ehf. um stækkun lóðar félagsins að Álhellu 1.Sigurður Einarsson arkitekt hjá Batteríinu mætir til fundarins.
Ósk um vilyrði fyrir lóðum við Straumhellu 10 og 12.
Bæjarráð samþykkir erindið fyrir sitt leyti og vísar til staðfestingar í bæjarstjórn.
Lögð fram beiðni um lóðarvilyrði um (Hamranes 6A, þróunarreit) Áshamar 50.
Bæjarráð samþykkir að veita Þarfaþingi hf. lóðarvilyrði fyrir þróunarreit 6A á grunni meðfylgjandi gagna og fyrri umsóknar. Bæjarráð felur jafnframt umhverfis- og skipulagssviði að útbúa skilmála fyrir reitinn í samræmi við minnisblað. Málinu vísað til bæjarstjórnar til staðfestingar.
Lagt fram. Sigurður Haraldsson sviðsstjóri mætir til fundarins.
Bæjarráð staðfestir fyrirliggjandi húsnæðisáætlun og vísar til bæjarstjórnar til staðfestingar.
Adda María Jóhannsdóttir leggur fram svohljóðandi bókun:
Fulltrúi Samfylkingar tekur undir bókanir sem lagðar hafa verið fram í fjölskylduráði og skipulags- og byggingarráði varðandi húsnæðisáætlun.
Íbúðauppbygging hefur verið hæg á undanförnum árum og er skýrasta birtingarmynd þess fækkun íbúa um 1% á seinasta ári. Á sama tíma hefur íbúum flestra nágrannasveitarfélaga okkar á höfuðborgarsvæðinu fjölgað. Í húsnæðisáætlun kemur fram að þrátt fyrir gríðarlegan skort á íbúðahúsnæði gerir miðspá áætlunarinnar einungis ráð fyrir um 152 nýjum íbúðum á árinu 2022 sem er hvergi nærri nóg til að bregðast við vandanum. Vandinn er ekki hvað síst mikill þegar kemur að félagslega íbúðakerfinu en þar samkvæmt húsnæðisáætlun eru 122 umsóknir á biðlista og ljóst að sá listi tæmist ekki á næstunni.
Húsnæðisvandinn er brýnn og mun Samfylkingin gera það að forgangsmáli að leysa þann vanda að afloknum kosningum þannn 14. maí nk.
Adda María Jóhannsdóttir
Fulltrúar Sjálfstæðisflokks og Framsóknar bóka eftirfarandi:
Samkvæmt talningu HMS á íbúðum í byggingu voru 236 íbúðir í byggingu í Hafnarfirði í september 2021. Umhverfis- og skipulagssvið Hafnarfjarðar telur HMS vanmeta fjölda íbúða í byggingu í sveitarfélaginu þar sem fjöldi íbúða á matsstigi 1-5 voru 438 í desember 2021.
Húsnæðisáætlun er mikilvægt verkfæri til að fá mynd af stöðu mála hverju sinni. Bregðast þar við bæði í nútíð og framtíð og tryggja í skipulagi að hægt sé að skipuleggja ný hverfi samhliða þéttingu byggðar. Nú er ljóst að samkvæmt gildandi svæðisskipulagi er Vatnshlíðin eina nýbyggingarsvæði bæjarfélagsins til 2040 og er það nú þegar undir línum. Því er mikilvægt að svæðisskipulag höfuðborgarsvæðisins verði endurskoðað með það fyrir augum.
Núverandi meirihluta er full alvara í því verkefni að tryggja íbúum bæjarfélagsins og framtíðar íbúum fjölbreytt búsetuúrræði og góða blöndu húsnæðis. Það sést vel á þeirri kröftugu uppbygginu sem í gangi er í Skarðshlíð, þeirri uppbyggingu sem hafin er í Hamranesi, samþykktu deiliskipulagi í Áslandi 4 og framkvæmdum á þéttingarreitum víðsvegar um bæinn; Dvergsreit, Hrauntungu, Stekkjarbergi og Hjallabraut. Vinnu við deiliskipulag á Óseyrarsvæði miðar vel.
Við þetta má bæta að sérstök áhersla hefur verið lögð á að tryggja íbúðir fyrir alla í þeirri miklu uppbygginu sem nú er hafin í Hamranesi; uppbyggingu skóla, hjúkrunarheimilis og tengdri þjónustu.
Lagt fram erindi frá húsnæðissamvinnufélaginu Búseta í samstarfi við Brynju – hússjóð þar sem óskað er eftir vilyrði fyrir byggingarreit í Áslandi 4.
Bæjarráð tekur jákvætt í erindið og felur bæjarstjóra að vinna málið áfram.
Lagt fram bréf frá Brynju, Hússjóður ÖBÍ,dags. 9.mars sl., beiðni um stofnframlög vegna 2022 og 2023.
Til afgreiðslu
Bæjarráð samþykkir samhljóma að úthluta lóðinni Ásvellir 3 til Byggingarfélags Gylfa og Gunnars hf. og vísar til staðfestingar í bæjarstjórn.
Lagt fram erindi frá Félags- og vinnumarkaðsráðuneytinu dags. 9.mars sl. vegna móttöku flóttamanna.
Bæjarráð tekur undir framlagt bréf bæjarstjóra til félags- og vinnumarkaðsráðherra.
Lagt fram erindi frá Hljóðkerfaleigu Marteins Péturssonar – MPSound, framlenging á verksamningi. Andri Ómarsson verkefnastjóri og Guðmundur Ragnar Ólafsson innkaupastjóri mæta til fundarins.
Bæjarráð samþykkir að framlengja samninginn í samræmi við fyrirliggjandi erindi og felur innkaupastjóra að ljúka málinu.
Lögð fram minnisblöð
Bæjarráð þakkar fyrir framlögð minnisblöð. Ljóst er að faraldurinn hefur haft margvísleg áhrif á hina ýmsu starfsemi bæjarfélagsins, bæði á starfsfólk og ýmsa þjónustu sem til staðar er. Bæjarráð ítrekar þakkir sínar til starfsfólk bæjarfélagins sem staðið hefur vaktina og tryggt góða þjónustu við bæjarbúa við erfiðar kringumstæður. Bæjarráð felur sviðsstjóra mennta- og lýðheilsusviðs, stjórnsýslusviðs og þjónustu- og þróunarsviðs að vinna tillögur að mótvægisaðgerðum eftir því sem við á og leggja fyrir næsta fund bæjarráðs til umfjöllunar og afgreiðslu. Bæjarráð leggur auk þess til að 5 milljónum króna verði veitt í menningarviðburði og starf til stuðnings menningar- og listalífs bæjarins í kjölfar heimsfaraldurs. Vísað til viðaukagerðar.
Lagðar fram fyrirspurnir frá fulltrúa Miðflokksins.
Lagðar fram fyrirspurnir frá fulltrúa Samfylkingarinnar.
Lögð fram fundargerð starfshóps um húsnæði stjórnsýslunnar frá 9.mars sl.
Lögð fram fundargerð framkvæmdanefndar frá 22.febrúar sl.
Lögð fram fundargerð hafnarstjórnar frá 2. mars sl.
Lögð fram fundargerð heilbrigðisnefndar Garðabæjar, Hafnarfjarðar, Kópavogs, Mosfellsbæjar og Seltjarnarness (HEF) frá 14. mars sl.
Lögð fram fundargerð menningar- og ferðamálanefndar frá 2. mars sl.
Lögð fram fundargerð menningar- og ferðamálanefndar frá 10.mars sl.
Lagðar fram fundargerðir stjórnar Strætó bs. frá 28. janúar og 25.febrúar sl.
Lögð fram fundargerð stjórnar SSH frá 7.mars sl.
