Kynntu þér göngu- og hjólaleiðir, fjölbreytt íþróttastarf eða sundlaugar bæjarins en frítt er í sund fyrir 18 ára og yngri.
Börn og ungmenni hafa aðgang að góðri menntun, frístund og fjölbreyttum tómstundum.
Praktískar upplýsingar um strætó, sorphirðu, götuhreinsanir, umferð, dýrahald og fleira.
Hafnarfjarðarbær reynir að tryggja fjárhagslegt og félagslegt öryggi allra íbúa. Kynntu þér hvaða aðstoð er í boði.
Þjónustuverið sinnir margvíslegri þjónustu og upplýsingagjöf fyrir íbúa, fyrirtæki og ferðamenn í Hafnarfirði.
Í Hafnarfirði er menningarhúsið Bæjarbíó, ýmis söfn og reglulegir viðburðir á dagskrá.
Hægt er að gista á hótelum, gistiheimilum eða fjölskylduvænu tjaldsvæði.
Í Hafnarfirði eru margir möguleikar til að létta lundina með útivist og hreyfingu.
Skoðaðu hvaða spennandi viðburðir eru fram undan eða skráðu nýjan.
Hlæðu með álfum og víkingum í menningu bæjarins.
Frá hugmynd að húsi. Allar upplýsingar sem tengjast því að byggja mannvirki.
Skoðaðu teikningar af húsum, lausar lóðir, vatns- eða hitafráveitur, staðsetningar grenndargáma, bekkja, leikvalla og margt fleira.
Upplýsingar um allar lóðir sem eru lausar til úthlutunar.
Kynntu þér hvaða skipulagsmál eru á döfinni í bænum.
Leitaðu eftir starfsfólki eða starfi hjá bænum.
Bæjarstjórn Hafnarfjarðar er skipuð 11 bæjarfulltrúum. Bæjarstjórnarfundir eru öllum opnir og sendir út í beinni útsendingu.
Skoðaðu fundargerðir allra ráða og nefnda bæjarins.
Skoðaðu opið bókhald bæjarins, húsnæðisstefnu og gögn um vefinn á einfaldan og myndrænan máta.
Hér má finna gjaldskrár bæjarins fyrir margs konar þjónustur sem boðið er upp á.
Kynntu þér stjórnskipulag Hafnarfjarðar, ráð og nefndir málaflokka og stefnur þeirra.
Vertu með á nótunum og fylgstu með fréttum, tilkynningum og auglýsingum um starfsemi bæjarins.
í Krosseyri, Linnetsstíg 3
Auk ofantalinna og undirritaðra sátu fundinn: Magnús Baldursson, sviðsstjóri, Jenný Dagbjört Gunnarsdóttir, þróunarfulltrúi leikskóla, Vigfús Hallgrímsson, þróunarfulltrúi grunnskóla, Geir Bjarnason, íþrótta- og tómstundafulltrúi, Kristinn Guðlaugsson, áheyrnarfulltrúi skólastjóra grunnskóla, Margrét Linda Ásgrímsdóttir, áheyrnarfulltrúi grunnskólakennara, Sigrún Kristinsdóttir, áheyrnarfulltrúi leikskólastjóra, Sigríður Ólafsdóttir, áheyrnarfulltrúi foreldra grunnskóla og Inga Nína Sigríður Jóhannsdóttir, áheyrnarfulltrúi foreldra leikskólabarna.
Lögð fram umsókn um endurnýjun á starfsleyfi sem dagforeldri í Hafnarfirði frá Díönu Ósk Pétursdóttur. Lögð fram umsókn um starfsleyfi sem dagforeldri í Hafnarfirði frá Silju Rut Sigurjónsdóttur. Daggæslufulltrúi mælir með umsóknunum.
Samþykkt.
Tilnefningar í starfshóp: Fulltrúar stjórnenda leik- og grunnskóla: Lars Imsland og Sigrún Kristinsdóttir. Fulltrúi foreldra leikskólabarna: Guðvarður Ólafsson. Fulltrúi foreldra grunnskólabarna: Sigríður Ólafsdóttir.
Lögð fram fundargerð 1. fundar stýrihóps verkefnisins.
Lagðar fram niðurstöður úr könnun Samgöngustofu á öryggi barna í bíl 2015.
Lagt fram.
Staða leikskólastjóra: Fræðsluráð felur sviðsstjóra að auglýsa eftir leikskólastjóra í leikskólann Bjarkavelli sem tekur til starfa í sumar. Leikskólastjóri verði ráðinn frá og með 1. maí nk.
Kynnt drög að dagskrá Bóka- og bíóhátíðar barnanna 15. – 21. febrúar nk.
Kynnt þróunarverkefni í upplýsingatækni leikskóla í Hafnarfirði.
Jenný D. Gunnarsdóttir kynnir vefinn Blómstrum saman sem leikskólar Hafnarfjarðar standa að.
Fræðsluráð óskar jafnframt upplýsinga um UT verkefni Áslandsskóla.
Fulltrúar Samfylkingar og Vinstri grænna bóka: „Í september 2014 var settur á starfshópur sem byggði á tillögu Samfylkingar og Vinstri grænna um endurskoðun á gjaldskrám og frístundastyrkjum. Starfshópurinn sem upphaflega átti að skila af sér skýrslu og tillögum í desember 2014 hefur nú verið starfandi í á annað ár án þess að verkinu sé lokið. Fulltrúar Samfylkingar og Vinstri grænna óska þess að allt kapp verði lagt á og starfshópnum verði gert að ljúka sinni vinnu og skila tillögum sem allra fyrst. Það hefur dregist úr hófi fram og brýnt að það verk verði klárað.“ Adda María Jóhannsdóttir Sverrir Garðarsson
Fulltrúar Sjálfstæðisflokks og Bjartrar framtíðar bóka: „Fjölmörg þeirra verkefna sem umræddur starfshópur hafði með höndum er lokið eða hafa verið sett í farveg. Boðað hefur verið til fundar í starfshópnum og vonir standa til að verkefni hans ljúki á allra næstu vikum.“ Rósa Guðbjartsdóttir Einar Birkir Einarsson Hörður Svavarsson
Lagðar fram spurningar frá fulltrúum Samfylkingar og Vinstri grænna: Hefur verið tekin ákvörðun um að festa kaup á spjaldtölvum fyrir Hraunvallaskóla eða hafa þær ef til vill þegar verið keyptar? Og ef svo er hvar var sú ákvörðun tekin? Hver er kostnaðurinn sem af þessu hlýst og hvernig er áætlað að fjármögnun verði háttað? Hefur verið gert ráð fyrir slíkum kostnaði í fjárhagsáætlun eða viðauka? Hefur verið tekin ákvörðun um kaup og innleiðingu á spjaldtölvum í alla grunnskóla í Hafnarfirði? Og ef svo er hvernig á að standa að þeirri innleiðingu?
Svör við spurningar frá fulltrúum Samfylkingar og Vinstri grænna.
Í framhaldi af umræðum um húsnæðismál í Hraunvallaskóla á fundum ráðsins þann 16. desember og 13. janúar sl. óska fulltrúar Samfylkingar og Vinstri grænna svara við eftirfarandi:
Hefur verið tekin ákvörðun um að festa kaup á spjaldtölvum fyrir Hraunvallaskóla eða hafa þær ef til vill þegar verið keyptar? Og ef svo er hvar var sú ákvörðun tekin? Spjaldtölvuvæðing unglingadeildar í Hraunvallaskóla er ein forsenda þess að sú lausn sem ákveðin hefur verið varðandi húsnæðimálin næsta skólaár gangi upp. Um áramótin voru keyptar 250 spjaldtölvur þar sem hluta þróunarsjóðs leik- og grunnskóla var óráðstafað. Verið er að huga að því hvert þau spjöld fara, en þessa dagana er verið að taka stöðuna með skólastjórnendum allra skóla um tölvuuppbyggingu og endurnýjun á hverjum stað. Hraunvallaskóli er að sjálfsögðu með í þeirri skoðun.
Hver er kostnaðurinn sem af þessu hlýst og hvernig er áætlað að fjármögnun verði háttað? Hefur verið gert ráð fyrir slíkum kostnaði í fjárhagsáætlun eða viðauka? Kostnaður við spjaldtölvur fyrir unglingadeild í Hraunvallaskóla er um 20 miljónir kr., en það þarf nálægt 250 spjaldtölvum í verkefnið. Fjármögnun er hugsuð úr þróunarsjóði sem er á þessu ári 50 milljónir kr. auk fjárveitingar á tölvudeild til uppbyggingar og endurnýjunar á tölvubúnaði skóla.
Hefur verið tekin ákvörðun um kaup og innleiðingu á spjaldtölvum í alla grunnskóla í Hafnarfirði? Og ef svo er hvernig á að standa að þeirri innleiðingu? Innleiðing á spjaldtölvum er þegar hafin í alla grunnskóla bæjarins. Búið er að tryggja þráðlaust netsamband í öllum skólum og útdeila fyrstu skömmtum af spjaldtölvum til allra. Hvernig framhaldið verður ræðst af þeim samtölum sem eru hafin við skólastjórnendur á hverjum stað.
Fulltrúar Samfylkingar og Vinstri grænna bóka: „Fulltrúar Samfylkingar og Vinstri grænna vísa í bókun sína frá 16. desember sl. varðandi spjaldtölvuvæðingu í grunnskólum Hafnarfjarðar. Slík stefna hlýtur að eiga að markast af faglegri stefnumótun en ekki skyndiviðbrögðum í húsnæðismálum grunnskóla bæjarins. Mikilvægt er að jafnræðis sé gætt varðandi kennslugögn og aðstöðu sem nemendum í skólum bæjarins stendur til boða. Það er athyglisvert að fulltrúar meirihlutans telji sig hafa ráðrúm til slíkra fjárfestinga vegna aðgerða sem vara eiga eitt skólaár á meðan skorið er niður í kennsluúthlutun til leik- og grunnskóla bæjarins og leikskóladeildum lokað. Einnig hefur skort hefur á efnislega og lýðræðislega umræðu um þessa ákvörðun.“ Adda María Jóhannsdóttir Sverrir Garðarsson
Fulltrúar Sjálfstæðisflokks og Bjartrar framtíðar bóka: „Fyrirhuguð kaup á spjaldtölvum fyrir unglingadeild Hraunvallaskóla rúmast innan fjárhagsáætlunar yfirstandandi fjárhagsárs. Kaupin verða fjármögnuð úr þróunarsjóði fræðslusviðs og með fjárveitingu frá tölvudeild af fjárhagslið sem ætlaður er til uppbyggingar og endurýjunar á tölvubúnaði skóla. Samkomulagið við stjórnendur Hraunvallaskóla hefur ítrekað verið rætt og til umfjöllunar í starfshópi um skólamál á Völlum og í fræðsluráði sem tók jákvætt í lausnina á fundi sínum í desember sl.“ Rósa Guðbjartsdóttir Einar Birkir Einarsson Hörður Svavarsson